Презентация на тему Казахстан

Мавзуси: Қазақстан достлуқ ели

Мәхсити: 1.Оқуғучиларға Қазақстанниң бар байлиғи – хәлқи екәнлиги вә әлдә 130 – дин ошуқ милләт вәкиллириниң инақлиқта – әркинликтә яшаватқанлиғи тоғрисида чүшәнчә бериш. 2.Оқуғучиларни Қазақстанни мәдһийләшкә, хәлиқләр ара достлуқни мустәһкәмләшкә вә бирликкә чақириш, 3.Адәмгәрчиликкә, мәдәнийәтликкә, инақлиққа, гөзәлликкә, қоршиған муһитни қоғдашқа тәрбийиләш.

Благодаря этой рекламе сайт может продолжать свое существование, спасибо за просмотр.

Көрнәкликләр: сүрәт, мақал - тәмсилләр, әқлий шиариләр, тапшурмилар,шеирлар. Дәрис түри: арилаш. Дәрисниң усули: чүшәндүрүш, соал – жавап, сөһбәт. Бағлиниши:тарих,география.һаят билән. Дәрисниң бериши:І.Уюштуруш қисми: ІІ.Саламлишиш, оқуғучиларни түгәлләш. ІІ.ҚР –ниң Гимнини орунлаш. ІV.Йеңи мавзу вә униң мәхсити билән тонуштуруш.

Қазақстан Хәлиқлири Ассамблеясиға - 20 жил толди. Йәни, буниңдин 20 жил илгири Қазақстанда яшаватқан барлиқ милләт вәкиллирини жиғип, чоң қурултай асасида Қазақстан хәлқини инақлиққа, әркинликкә, достлуққа чақирип, бирликтә әмгәк етип, елимиз билән йеримизни, хәлқимизниң турмушини яхшилашқа йол башлиған күнләрниң бири болуп һесаплиниду.

«Қазақстан – инақлиғи ярашқан хәлиқләрниң ордиси!».

Қазақстан өзиниң мустәқиллигини алған күнидин башлап, әлни Дәсләпки Президент Н.Ә.Назарбаев башқуруп, Қазақ елиниң мустәқиллигини елан қилишта вә бу әлниң тәрәққий етишигә көп күч чиқирип кәлмәктә. Мустәқил әлни пүткүл Дуния йүзигә тонутуш үчүн, әң авал, мустәқил әлниң өз Туғи, өзиниң Герби вә Гимни болуши керәк дәп, әлдә истиқамәт қиливатқан барлиқ қазақстанлиқ-ларға тапшурма бериш арқилиқ, бүгүнки күндә қоллинип келиватқан Туғ, Герб, Гимн әксигә кәлтүрүлгән.

«Қазақстан хәлиқлири – достлуқта инақ яшайду!»

І тапшурма. «Мустәқил Қазақстан вә униң тарихи» Қазақстан өзиниң мустәқиллигини қайси жили, қайси айда алди?

2.Қазақстанниң Дәсләпки Президенти ким вә қачан сайланди? 3.Қазақстанниң мустәқиллигини елишиға немә сәвәп болди?

4.Қазақстан Республикисиниң дөләт тили қайси 5.Қазақстан Республикиси өзиниң Конституциясини қачан вә қанчә қетим қобул қилди?

6.Қазақстанда қанчә милләт вәкиллири яшайду? 7.Қазақстан Республикисиниң Туғиниң автори ким?

8.Қазақстан Республикисиниң Гербиниң автори ким? 9.Қазақстан Республикисиниң Гимниниң автори ким?

10.Қазақстан қандақ мәмликәтләр билән чегаридаш? Қазақстан Республикисиниң хәлиқлири Ассамблеясиниң қурулуши тоғрисида мәлуматлар:

Қазақстанниң түпки турғунлири қазақлар болуп һесаплиниду. Улар жумһурийәт турғунлириниң йеримидин көпини тәшкил қилиду. 1941 – 1945 – жиллардики Улуқ Вәтән уруши вақтида Кеңәш Иттипақи ишәнмәслик билән қариған көплигән башқа милләт вәкиллири Қазақстанға көчирилип келинди. Қазақстанда яшайдиған башқа милләт вәкиллириниң арисида орусларниң орни алаһидә. Орусларниң қазақ диариға келип орунлишиши ХVІІІ әсирниң биринчи йеримида башланған.

Улар болупму тиң вә боз йәрләрни өзләштүрүш жиллири көпләп кәлгән. Жумһурийәтниң көп санлиқ икки хәлқи – қазақлар билән оруслар ахирқи икки йерим әсир ичидә һәммә қийинчилиқларни биллә көрүп, хошаллиғини тәң бөлүшүп, инақ яшаватиду. Улар немис фашистлириға қарши биллә күрәшти, Қазақстандики чоң қурулушларда биллә ишләп, әл ихтисадини риважландурушқа биллә күч чиқарди. Қазақстанлиқ оруслар арисида илим-пән, техникини муккәмәл өзләштүргән әмгәк сөйгүч мутәхәссисләр нурғун. Елимизниң Президенти Н.Ә.Назарбаевниң алға қойған асасий мәсилисиниң бири – мәмликәттә бирлик, инақлиқ, течлиқ орнитиш. Барчә хәлиқни иш билән тәминләш вә хәлиқниң саламәтлиги билән билим елишиға толуқ көңүл бөлүш болуп һесаплиниду.

Милләт ара достлуқни мукәммәллитиш билән биллә барлиқ милләт вәкиллиригә әркин сода – сетиқ ишлириға арилишишқа, мәмликәттә боливатқан иш-чариләргә қатнишишқа, жуқури билим елип, мәмликәтниң гүллиниши вә тәрәққий етишигә өзиниң үлүшини қошушқа тәң һоқуқлуқ екәнлиги көрситилгән. Барлиқ милләт вәкиллири өзлириниң ана тилида билим елип, ана тилида гезит – журналларни бесип чиқирп вә өз ана тилида теледидардин өз миллитиниң утуқлири, қолға кәлтүргән нәтижилири, Дунияда боливатқан вақиәләр тоғрисида йезип, көрситиш имканийитигә егә болди. Униңдин бөләк, һәр бир миләтниң өз театрлири иш елип бариду. Ассамблеяниң йәнә бир асасий проблемилириниң бири – Қазақстанниң тәбиитини гүллитиш билән биллә тәбиәткә ғәмхорлиқ қилиш болуп һесаплиниду.

Қазақстанда уйғур, өзбәк, қирғиз, татар, түркмән, тажик, орус, немис, түрк, эстон, корей, япан, хитай, поляк, украина, грек, испан этномәдәнийитлири иш елип бармақта. Қазақстан Хәлиқлири Ассамблесидә һәр бир милләт өз вәкиллириниң атқурған ишлири билән алға қойған мәхсәтлири тоғрисида мәлумат берип, бир – бири билән тәжирибә алмишиду.

Оқуғучиларниң Қазақстан, Президент, Ассаблея, бирлик тоғрисида ейтидиған шеир, мақалә, ой-пикирлири болса, тиңшап көрәйли.

ІІ тапшурма. «Ассамблея. Қазақстан тоғрисида» 1.Қазақстан Республикисида қандақ милләт вәкиллири яшайду?

2.Қазақстан Хәлиқлири Ассамблеяси қайси жили қурулди? 3.Қазақстан Хәлиқлири Ассамблеясини ким башқуриду?

4.Қазақстан қайси мәмликәтләр билән зич бағлиништа? 5.Қазақстан Республикисида қандақ тәбиәт ядикарлиқлири бар?

6.Қазақстан башқа әлләргә қандақ қурулуш беналири билән тонулған? 7.Дуния йүзигә экологиялик проблема дәрижидә тонутуп олтарған Қазақстанниң қандақ йәрлирини аташқа болиду?

8.Әл Президенти өз хәлқигә қачан вә қандақ Мәктүбисини йоллиди? Анаграмма «Хәлиқләр достлуғи»

Дәрисни йәкүнләш. Оқуғучиларни баһалаш. Өй тапшурмиси: «Бирлик – инақлиқ асаси!» эссе йезип келиш.

Диққитиңларға рәхмәт!