Жаңа толқын мектепшілік газеті

Бостандық орта жалпы білім беретін мектебі №1 Желтоқсан, 2015 жыл. Ай сайынғы мектепішілік газет Жаңа толқын 2-бет Қадірлі оқырман! 3-бет Тәуелсіздік және Елбасы 4-бет Желтоқсан құрбандарын еске алайық! 5-бет Біздің мақтаныштарымыз! 6-бет Ата-аналарға кеңес 7-бет Балалар әлемі 8-бет

Қадірлі оқырман! Бұл газет сіздің рухани жан серігіңіз және сырлас досыңыз болады деген оймен шығарып отырмыз! Алдағы уақытта сіз өз шығармашылығыңызды, тәжірибеңізді қалың көпшілікпен бөлісе аласыз.Мектебіміздегі білім сапасымен, тыныс-тіршілігімен танысып, ақпараттар ағымынан өз қажетіңізге жарар мағлұматтарды дер кезінде ала аласыз. Ендеше, қапы қалмаңыздар! Бас редакторы: Тәлімгер Айсұлу Исатайқызы және «Жас ұлан» ұйымы Редакторы: «Ұлан басы» Гүлден Жансерікқызы Тілшілер: Динара Қадырбекқызы және «Жас ұлан» ұйымы Құрастырушы: «Жас ұлан» ұйымы

Благодаря этой рекламе сайт может продолжать свое существование, спасибо за просмотр.

3 Нұрсұлтан Әбішұлы Назарбаев 6 - шілде 1940 жылы Алматы облысы Қаскелең ауданындағы Шамалған ауылында туған. Балалық шағы кейде айта беретініміздей таршылық жағдайда өтті. Үлкендердің мал бағуына, бау - бақша өсіруіне көмек көрсету керек болды, шөпшек теріп, отын жарды. Өзі еске алғандай, өсірген аз - маз өнімдерін сатып, үй - ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған. Мектепті жақсы оқып, жақсы білім алды. Ата - анасын қатты құрмет тұтты. 1995 жылдың 29 сәуірінде жалпыхалықтық референдум нәтижесінде Қазақстан Республикасы Президенті Н. Ә. Назарбаевтың өкілеттігі 2000 жылға дейін ұзартылды. 1999 жылдың 10 қаңтарында өткен баламалы сайлаудың нәтижесiнде Н. Назарбаев 79, 78 процент дауыс алып, Қазақстан Республикасы Президентi болып қайта сайланды. 2005 жылдың 4 желтоқсанында сайлаушылардың 91, 5 процент дауысын алып, Қазақстан Республикасының Президенті болып қайта сайланды. 2010 жылдың 14 маусымында «Қазақстан Республикасының кейбір конституциялық заңдарына Қазақстан Республикасы Тұңғыш Президентінің – Елбасының қызметін қамтамасыз ету саласында заңнаманы жетілдіру мәселелері бойынша өзгерістер мен толықтырулар енгізу туралы» № 298 - ІV Қазақстан Республикасының Конституциялық Заңы күшіне енді. 1990 жылы 25 қазанда Жоғарғы Кеңестің сессиясында тұңғыш рет қазақ мемлекеттілігінің егемендігі туралы мәселе қаралады. Онда мемлекеттің егемендігін бекітетін тарихи маңызды құжат – «Қазақ КСР-інің Мемлекеттік егемендігі туралы» Декларация қабылданды. Декларация бойынша Қа­зақстан территориясында егемен­дік­ке қай­шы келетін КСРО заң­дарының күші жойылды. Декла­рация орталыққа бағынышты күй­ден арылтып, Мәс­кеумен жаңа жағ­­дайда тең әріптес ретінде ын­тымақ­тастыққа қол жеткізді. Сонымен, Мемлекеттік еге­­мендік Декларациясы – егемен­дік­ті білдіре­тін құр мәлімдеме ам­биция ғана емес, шын мәнінде, заң­дық күш­ке ие маңызды құжат. Сон­­­дық­тан да егемендік туралы Деклара­циясы, кейін 1991 жылдың 16 жел­тоқ­санындағы Қазақ­стан Республи­касы­ның Тә­уелсіздігі туралы Дек­ла­ра­циясы­мен терең үндестік тапты. Кейбір саясаткерлер пікірінше бұл күнді тәуелсіздік күні деуден гөрі желтоқсан құрбандарын еске алу күні десе болғандай. Тәуелсіздік және Елбасы

4 Дінмұхамед Ахметұлы Қонаев (1912-1993) — аса көрнекті мемлекет және қоғам қайраткері, үш мәрте Соц-к Еңбек Ері, Қазақ КСР Ғылым академиясының академигі, техника ғылымының докторы, КСРО шет ел ордендерінің иегері. 1936 ж Мәскеу Түсті металл алтын институтын бітірді. 1936-42ж. Балқаш, Алтай, Риддер, Лениногор кен орындарында басшы қызметін атқарды. 1942-52ж Қазақ КСР Халық Камиссарлары Кеңесі, кейіннен Қазақ КСР Министрлер Кеңесі Төрағасының орынбасары болды. 1952ж сәуірде Қазақстан Ғылым Академиясының Призиденті болып сайланды. 1955-60 және 1962-64ж Қазақ КСР Министрлер Кеңесінің Төрағасы. 1960-62ж және 1964-86ж Қазақстан КПОК-нің 1- хатшысы болды. Ол басшылық қызмет атқара жүріп республикадағы тау-кен ісі, мұнай игеру, темір жол құрылысын дамытуға қомақты үлес қосты. Қазақстанда жаңа өнер кәсіпті аудандар қалыптасып, елде жаңа қалалар мен ірі елді мекендер пайда болды. Қазақстанда неміс автономиясын құру, Маңғыстауды Түркменстанға беру жөніндегі орталықтың ұсыныс-жоспарларына қарсы шықты. Алматыны қазіргі заманғы көрікті қалаға айналдыруға көп күш жұмсады. Мұнда Респ сарайы, ҚазМУ қалашығы, Арасан сауықтыру орталығы, Медеу спорт кешені, т.б. ірі ғимараттар бой көтерді. Алматыны тасқыннан қорғау үшін Медеу сайында үлкен бөгет жасалды. 1986 ж. СОКП Орт. Ком-нің Бас Хатшысы болып М.С. Горбачевтің келуіне байланысты Д.Қонаев Қазақстан КПОК-нің бірінші хатшылығынан босатылды. Орнына Ульяновск облысынан Г.В. Колбин отырғызылды. Орталықтың әділетсіз саясатына қарсы республика жастары өз қарсылықтарын білдіріп алаңға шықты. Бұл әйгілі Желтоқсан оқиғасына ұласты. Д. Қонаев ел басқарған ширек ғасырға жуық уақыт ішінде өзінің мәдениеттілігімен, иманжүзді ізеттілігімен танылып, халық дәстүрін жақсы білетін, ой өрісі биік жан екенін көрсетті. 1993 ж. тамыздың 22-інде, 82 жасқа қараған шағында кенеттен қайтыс болды

5 Біздің мақтаныштарымыз! 27 қараша күні Қароба ауылының «Ғұмар Қараш» мектеп-гемназиясында аудандық көлемде оздырылған Ғұмар Қараш оқуларына бізің мектептен 7 сынып оқушысы Жасқайратов Айдынбек және 8 сынып оқушысы Байкенова Тоғжан екеуі екі бағыт бойынша тыңғылықты дайындалып барды.Айдынбек ақынның «Неден қорқамын» атты өлеңін оқыды. Тоғжан болса ақынға арнауын және өз туындысы «Қан майдан» өлеңін оқып берді. Нәтижесінде Айдынбек II орынды иеленіп,Тоғжан ынталандыру сыйлығымен марапатталды. Орал қаласында Батыс Қазақстан чемпионатының 2000-2001 жылдар арасындағы жасөспірімдердің ашық біріншілігі өтті.Жарыс 3 күнге созылды.Жалпы облыс бойынша 17 команда, 200-ге жуық спортшы қатысты.Мектебімізден 8 оқушы барып жүлделі орындарды иеленді.Айта кетсем, Есенов Наурызбек I орын, Қалиев Тұрарбек,Жұмагелдин Роман II орын және Ихсанов Заманбек пен Қадержанов Аян III орынды жеңіп алды. Есенов Н,Қалиев Т. Қызылорда облысында өтетін Қазақстан біріншілігіне жолдама алды. 5-желтоқсан күні жалпы дайындыққа барып,әрі қарай БҚО атынан бағымызды сынауға Қызылордаға жол жүреміз. Жетекшісі: Асыланбек Мұсабекұлымен және жеңілпаздармен сұхбаттасқан: Жас ұлан ББЖЖҰ «Ұлан басы» Гүлден Жансерікқызы Жетекшісі: Гүлнұр Ерболатқызымен сұхбаттасқан Жас ұлан ББЖЖҰ білім министрі: Динара Қадырбекқызы

6 Көңіл күйіңіз болмай тұрған кезде ешқашан да бала тәрбиесімен айналыспаңыз. Өз балаңызбен тығыз қарым-қатынас орнатуға тек қана Сіздің көтеріңкі көңіл күйіңіз, оң көзқарасыңыз ғана  әсер етеді. Тәрбие сатылы деңгейде жүргізілгені дұрыс. Әр биікке өз уақытында, біртіндеп көтеріліп отырған дұрыс. Бала – біздің айнамыз. Олар ең алдымен ата-анасынан үлгі алатынын және көп жағдайда біз өмірде қандай қадамдар жасасақ, олар да сондай қадамға баратыны есте жүрсін. Балаңызбен әңгімелесу нәтижелі болуы үшін, ең алдымен ашық жарқын сенімге құрылған риясыз әдісті таңдаңыз. Сіздің сөздеріңіз қатал естілуі мүмкін, бірақ ешқашан да ауыр әрі өрескел болмауы керек. Ақырын әрі сенімді айтылған әңгіме ғана ата-ананың талаптары мен ойларын балаға жеткізе алады. Балаңыз үшін керек уақытта қажетті ақыл қосатын, оның қадамдарын айыптамайтын ең жақын досына айналыңыз. Өзін және оны қоршаған адамдарды жақсы көруге үйретіңіз. Бұл оны өзіне өте сенімді адам ретінде қалыптастырып, қоршаған ортамен байланысын жолға қоюға көмек береді. Бір мезетте қатал да мейірімді бола біліңіз.  Егер сіз балаңызға деген ыстық ықыласыңызды үнемі білдіре отырып, тек керек уақытында ғана ұрсатын болсаңыз, онда бұл сіздің тәрбиеңіз барысында міндетті түрде жемісін береді. Оған өмірдегі өз ұстанымына тұрақты болуды үйретіңіз. Баланы әр кезде оның көзіне қарап тұрып, мұқият тыңдаңыз, өйткені тек сол сәтте ғана оның ішкі жан дүниесі мен алаңдатқан мәселеге сіздің бей-жай қарамайтыныңызға сенімі болады.  Өзіңіздің бос уақытыңызды үнемі балаңызбен өткізуге тырысыңыз. Ондай сәттер баланың өзіндік орнын сезініп өсуге мүмкіндік береді.  Жанжалдасқан күйі екі жаққа бөлініп жүре беруге болмайтынын ұмытпаңыз, ең алдымен балаңызбен татуласып алыңыз, содан кейін ғана өз жұмыстарыңызбен жүре берсеңіз болады.  Әр уақытта оған қажет болғанда үйде болғаны қандай жақсы екенін жадына салып, мақтап  отырыңыз, себебі ол өзінің қажеттігін түсініп, үнемі үйге асығатын болады. Ата-аналарға арналған пайдалы кеңестер

Англияда Бристолс атындағы Университет тарапынан 14000 балаға жасалған зерттеуде чипстің орнына жеміс-көкөніс жейтін балалардың ақылы, зеректігі басымдау болатыны анықталды. Зерттеу нәтижесінде ғалымдар «Балаларыңның ақылды болуларын қаласаңдар картоп чипстері және пицалардың орнына жеміс-көкөністерді тұтыныңдар!» деп айтқан. Зерттеуден жас кезінде құрамында шамадан тыс май, шекер және тұз бар азықтарды жейтін балаларға қарағанда, жеміс-көкөніс жеген балалардың зеректігі (IQ) 8 балл жоғары шықты. Pauline Emmett және Kate Northstone басшылығындағы ғалымдар мидың ең жылдам дамитын кезеңінде 0-3 жас аралығындағы балалардың салауатты, жүйелі түрде тамақтануы керектігін білдіруде. Northstone: «Ата-аналардың дұрыс тамақтануыдың маңызды екенін білулері қажет» деп мәлімдеді. Орманның ішінде бір кішкене үйшік бар.Онда түбір өмір сүреді.Оның достары басқаша түрленбейді екен.Түбір олар өзгерсе қалай болады екен деп ойлайды. Түбір бір күні орман ішінде келе жатса алдынан біреуді көреді.Қасында достары бар екен. Аттары өзгеше екен. Оларды көріп таң қалады. Ол арасынан біреуін ерекше көзге іледі. Ол өте мықты екен. Түбір қасына келіп: - Сенің атың кім? - деп сұрайды. - Менің атым Қосымша, - дейді. Ол атына таң қалады. Қосымша: - Ал сенің атың кім? - дейді. - Менің атым Түбір, - деп айтады. Бір-бірінің атын біліп алғаннан кейін, Түбір одан: - Сенің қандай қасиетің бар? - дейді. - Мен кез келген сөзді өзгерте аламын, қасыңа қосымша екі әріп қосып, - дейді. Түбір: - Мені түрлендірші, - дейді . - Мысалы: түбірді, - деп айтады Түбір естіп қуанып таң қалады. Түбір: - Онда менің достарымды түрлендірші, - дейді. Ол мақұлдап достарын түрлендіреді. Достары қуанады. Түбір: - Қосымша екеуміз дос болып, бір үйде тұрайық, - дейді. Қуана-қуана келіседі. Барлығы бір үйде тұрады. Екеуі айырылмас дос болады. Олар Қазақ тіліне жұмысқа тұрады. Көптеген қызмет атқарып, баянды өмір кешеді. Түбір мен Қосымша Ертегі

Тәуелсіздік тұғыры. Егеменді ел болдық біз бұл күні, Ат салысты қазақтың бар ұл-қызы. Қан төгісіп жас боздақтар көз жұмып, Өтуде енді тыныштықпен күн-түні. Тәуелсіздік қазағымның айбыны, Артта қалды күндеріміз қайғылы. Осы күнге жетуге ат салысқан, Қайрат,Ербол ағаларым айбынды. 5 сынып оқушысы Қанатқалиева Ұштап Тәуелділдік мақтанышым! Ұлт мақтаны, жұрт мақтаны, Ел қорғаған батыр ер, Бүгін міне,жеңіс тойын, Тойлап жатыр қалың ел.. Жылдар өтті,заман кетті, Еске түссе жаныңды жер. Тәуелсіздік мақтанышым, Әндетемін өзің үшін,бүгін мен. 5 сынып оқушысы Жақсыбаева Нұржайна Тәуелсіздік Бабалар армандаған-тәуелсіздік, Ақындардың жырлағаны-тәуелсіздік. Еркіндік,елдік берген тәуелсіздік, Ұрпақтарға аманат- тәуелсіздік. 4 сынып оқушысы Ермекова Жансая «Тәуелсіз Қазақстан!» 3 сынып оқушысы Жусупова Айсұлу «Нұрсұлтан ата» 6 сынып оқушысы Тілепбергенова Назерке «Тұлпар» 6 сынып оқушысы Ғимранов Даниял «Батыр бейнесі» 6 сынып оқушысы Ибраемов Дәулет «Алтын тұлпар» 6 сынып оқушысы Мәліков Ахмад Біз болашақ...