Работа на конкурс Семейные реликвии

Аиле дегерликлери «Аилемнинъ фотоальбомыны саифелегенде» Азырлады: 8-джы сыныф талебеси Бештиева Фериде Ребер:Бештиева Севиль Рустамовна МБОУ «Миролюбовка мектеби»

Ишимнинъ серлевасы: Али-оджанынъ тарихий икяеси.

Благодаря этой рекламе сайт может продолжать свое существование, спасибо за просмотр.

Ишимнинъ макъсады: Кечмишимизни,тарихымызны ве ана тилимизни огренмек. Ишимнинъ вазифеси: Аиле фоторесимлерни мукъайтлыкънен сакъламакъ, Кечмишни анъдыргъан тарихий фото ве вакъиаларнен багъламакъ.

Аиле-терек киби, йылдан-йылгъа осе ве гурьлеше. Онынъ тамырларыны биз несиллер къорумакъ ве сакъламакъ керекмиз.

Анамнынъ къартдедеси Асанов Али (сагъдаки) улу инсан олгъан. Таракъташ ве Къутлакъ коюнинъ оджасы. Фото 1961 сенеси япылгъан.Ош шеэри. Раатлыкъ эви.

Терджимеиалы 1890-1974 Судакъ районынынъ Кучук Таракъташ коюнде догъды. Бабасы Асан, Судакъта банкир олып чалышкъан. Огълу Алини, Стамбулгъа окъумагъа ве тасиль алмагъа ёллай. Окъугъанда Али Трабзон шеэринде Фикрие адлы тюрк къызнен таныша.

Огълу Энвер ола. Келеджекте Энвер огълу миллий арекетнинъ иштиракъчиси ола. О акъкъында Идрис Асанин озюнинъ «Адалет куреши сафларында» китабында яза. Омюр аркъадашы Фикриенен Къырымгъа келе, амма ана-бабасы тюрк къызны къабул этмейлер, чюнки къоркъа эдилер огълуны тюрк сакини саярлар, деп. Фикрие огълуны Къырымда къалдыра озю исе Тюркиеге къайтып кете. Энвер огълуны Алининъ анасы Умуш-Тотай бакъып осьтюре. Сюргюнликтен эвель Таракъташ коюнде оджа олып чалыша: тюрк, рус ве араб тили, динден дерс бере. Онынъ лагъабы «Али-оджа» эди. Къутлакъ коюнинъ мектебинде мудир олып чалыша.

Экинджи омюр аркъадашы Шерфенен мектепте таныша. Шерфе мектепте ашчы олып чалыша эди.Оларнынъ 4 баласы ола. Мурат (анамнынъ къартбабасы), Субий, Сервер ве Фатме.

Энъ буюк огълу Энвер Алиев. Фикриенинъ огълу. Миллий адалет курешчиси.

Фотода: Юкъарыдаки сырада сагъда энъ буюк огълу Энвер Алиев (1981 сенеси вефат этти),янындаки апайы Алиме(шимди Таракъташ коюнде яшай), солда анамнынъ къартбабасы Мурат (шимди Джума-Эли коюнде яшай ве моллалыкъ эте) Ашагъыдаки сырада: солда Торну Шазие (Энвер огълунынъ энъ буюк къызы), Али-оджа апайы Шерфенен, торну Фикрет-Энвернинъ огълу (шимди Судакъта яшай), ве эки эгиз торунлары Шукрие ве Фикрие –Энвернинъ къызлары (шимди Судакъта яшайлар). Фото Узбекистанда япылгъан 1956 с.

1970 с. Бу фотода огълу Субийнинъ къорантасы Таманьгъа кочип кетеджекте, бутюн сой-соплар топланып оларны озгъармагъа кельген.

Бу фотода ортада Али оджанынъ къызы Фатме къомшу къартаналарнен .

Экинджи огълу Муратнынъ омюр аркъадашы Сафие (Анамнынъ къартанасы.Шимди Джума-эли коюнде яшай). 1958 с.

Алиева Сакине. Бу исе меним къартанам Сакине. Урьметли Али-оджанынъ торуны. Муратнынъ къызы. Онынъ адыны Али-оджа къойгъан, чюнки Сакине Налбандова онынъ севимли йырджысы эди. Шимди Джума –эли коюнде яшай. 1961 с.

Али оджанынъ огълу Мурат, озь омюр аркъадашы Сафиенен 50-йыл ян-яна. Мурат къартбаба, Сафие къартана ве анам Севиль.

Али-оджанынъ къыз торунлары. 2015 сенеси Мурат къартбабанынъ 80 йыллыкъ юбилейиндеки корюшюв. Сакине, Сание, Диляра, Ава-Шерфе, Гульсум,Тензиле ве Мурат къартбабанынъ энъ кучюк торну Мурат.

Алиева Сакине Меним къартанам. Али-оджанынъ торну. Шиирлер яза.

Къартанамнынъ шиириети «Дут тереги» Ем-ешиль азбар, Ортада дут тереги Бу раатлыгъы ким бозар? Эльбет,гяур юреги. Танъда къапы къакътылар Яшлар , къартлар, эм балалар Бизлерни уяттылар. Селям санъа дут тереги Кене къайттым мен санъа. Сен яш эдинъ, мен яш эдим Картайдыкъ яна-яна Мейванъны ашагъан сонъ Эллерим бояланды Ветаныма къавушып юрегим къаяланды. 1990 с. (Шерфе катамнынъ хатирине)

Мен ве Анам Севиль.

Анамнынъ шиириети «Инатлыкъ» Бир кунь эки инат эчки Раст келелер копюрде, Бир-бирине ёл бермейип тутышалар шу ерде. «Ёл бер манъа»,-деди эчки Мен сенден яш буюгим. Сакъалым меним узун, Этме манъа сен уджум» Башкъа эчки инаатланып Джевап бере эчкиге: «Эбет сакъалынъ узун, Ве менден яш буюксинъ, Амма дюльбер бойнузларым Узундыр, меним достум. Ёл бер манъа, мен дюльберим Сен исе къарт эчкисинъ» Ёл бермейип бир-бирине Башладылар курешни. Тартышалар, курешелер. Инатлыкъны косьтерелер. Сонъ-сонъундан йыкъылалар Озенчикнинъ сувуна. Ве олелер экисиде. Инатлыкътан эльбетте. 2000 с.

Бу кучюк икяе меним аилемнинъ тарихындан бир парча. Мен пек гъурурланам ки, бу урьметли ве улу инсан Асанов Али-оджанынъ торуны олгъаным ичюн. Чюнки бу аиледе догъгъан бала келеджекте аиле тарихымызда бир де бир иссе къалдыра. Ве биз Али-оджанынъ торунлары бу байлыкъны сакъламакъ ве келеджек несиллерге бермек боржлумыз.