Презентация Ата-аналар жиналысы Мадақтау, жазалау

“Отбасында баланы жазалау мен мадақтау”

Мақсаты: Отбасындағы бала тәрбиесі туралы ата-аналардың пікірін білу, талқыға салу. Бала тәрбиелеу ісінде кездесетін қиындықтар мен жетістіктер туралы сөз ету. Түрлі жұмыстар арқылы тәрбиелік-кеңес алаңында бала тәрбиесіне қатысты келелі мәселелер бағытында өз ойларын ортаға салу.

Благодаря этой рекламе сайт может продолжать свое существование, спасибо за просмотр.

І. Тренинг. «Танысу» Ата-аналар шеңбер бойымен тұрып, әрқайсысы өзінің есіміне сын есім қосып, өз бойындағы үш қасиетін кезекпен айтады. Өмірлік ұстанымын да айтуға болады.

Бала тәрбиесі – игілікті іс. Ал, отбасы – бала тәрбиесінің түп қазығы, алтын ұясы. Қазақстан Республикасы Ата заңының 27-бап, 2-тармағында «Балаларына қамқорлық жасау және оларды тәрбиелеу – ата-ананың табиғи құқығы, әрі парызы» делінген. Сондықтан да бала тәрбиесінде отбасының орны ерекше. Бүгінгі бала – ертеңгі ел болашағы.

Біздің балаларымыздың адамгершілік, моральдық бейнесі әр уақытта көңіліңізден шыға бермейді. Күнделікті өмірде ашуланшақ,әдепсіз балалар кездесіп жатады. Бала өзінің болашағы екенін ұғынатын әр ата-ана өз баласына көңіл бөлуі қажет. Меніңше, әрбір баланың іс-әрекеті, тәрбиесі отбасында ата- ананың жағымды өнегесінен қалыптасады. Сондық тан баланың бас ұстазы ата-ана. Ата –ана өз баласының тәрбиесі үшін ел, халық алдында жауапкер. Олай болса әрбір ата-ана өз балаларының парасатты, білімді азамат болып өсіуіне қам жасаулары керек. Кейбір ата-ана баласына «Әдепті бала бол, үлкенді сыйла» деп ақыл айтады. Ал өздері темекі шегіп, арақ ішіп, үй ішінде қарт әжесіне дөрекі сөйлеп, бетінен алып ренжіседі. Гректің ертедегі ойшылы Питак «Өзің ата-анаға не істесең, балаңнанда соны күт» деген екен. Үйдегі сол тәрбиені көріп өскен бала өз ата- анасына не сый көрсетпек?

- Баланы еркін тәрбиелеген дұрыс па?   - Баланы қатаң тәрбиелеген дұрыс па? - Қайтсек ұлымыз ұлағатты , қызымыз инабатты болады?

Жазалау- тыңдамаған, моральдық тұрғыдан өзін дұрыс ұстамаған, бағынбаған кезде адамның өз еркінен тыс және оған ұнамайтын әрекеттер жасау. Жазалау- адамның жеке басын тәрбиелеуде, қоғамдық ортада өзін ұстауға да бағытталады. Жазалау- ауызшы ескертуден өлім жазасына кесілуге дейін болады. 3 түрлі бағытта жазалауға болады: психологиялық, құқықтық, діни. Мадақтау әдісі дегеніміз - тәрбиешінің баланың жағымды іс-әрекетін, мінез-құлқын көріп бағалай білуі және оны көпшілік, ұжым алдында қолдайтынын жария етуі

Жағдаяттар

Ашу үстінде балаңыз сізге қатты сөйлесе... Жылда үздік оқып, балаңыз биылғы жылы үштік алып жатса... Балаңыздың достары сізге ұнамайды... Сіз күні – түні балаңызға сын айтасыз ... Жағдаяттар

1.Тоқсандық қорытынды бойынша сіздің балаңыз бір сабақтан үшке кетті делік. Сіздің іс-әрекетіңіз?   2.Балаңыз мектептен жылап келді «Мұғалім маған ұрысты»деп. Сіз не істер едіңіз?   3.Бала мен бала мектептен шығып келе жатқанда бір-бірімен төбелесіп қалды. Ол бала сіздің балаңыздың өте жақсы жолдасы еді. Сіздің іс-әрекетіңіз?   4. Балаңыз өте жақсы оқиды. Бір күні сабақтан екі алып,мұғалімнің ескертпесі күнделігіне жазылып келді.Сіз не істер едіңіз?

Кез келген уақытта өзіңіздің бар ісіңізді тастай салып, балаңызға көңіл бөлесіз бе? Баланың орнына өзіңізді қоя аласыз ба? Балаңызбен арадағы қарым – қатынас барысында жасаған қателігіңізді мойындай аласыз ба? Балаға берген уәдеңізді мойындай аласыз ба? Балаңыздың достарын білесіз бе? Сізді және балаңызды қызықтыратын ортақ істерді білесіз бе? Сабақтарын орындалуын тексересіз бе? Сіз балаңыздың қандай азамат болғанын қалайсыз? Сұрақ - жауап

Мен жанұяда жалғыз бала болдым, сондықтан да әке-шешем айтқанымды жасап, ерке өсірді. Әке-шешем ақшаны беретін болғандықтан, қымбат киімдер кидім,қасымдағы балаларға еріп, жаман әдеттерге әуес бола бастадым.Бар нәрсе оңайлықпен келетін болған соң,өмірге жеңіл қарадым. Қаншама теріс қылықтарым үшін милицияға да түстім. Әр уақытта әкем ақшасының арқасында шығарып алатын еді. Мұның соңы жақсылыққа апармады. Сөйтіп, темір тордың ар жағынан бір-ақ шықтым.Бүгін де бар жасаған әрекетіме өкінемін, өмірімді қайтадан бастағым келеді. Кейінгілерге айтарым – теріс қылықтардан аулақ болып, өкінбейтіндей өмір сүріңдер.

Сұрақ 1. Әңгіме мазмұны бойынша өз пікіріңіз? 2. Әңгіме кейіпкерінің теріс жолға түсуіне кім кінәлі деп санайсыз? 3. Отбасы тәрбиесінде баланы еркін өсіру қажет пе? Бала тәрбиелеу ісіндегі әкенің ролі қандай деп ойлайсыз?

1. Балаңыздың сынып жетекшісімен тығыз байланыста болуы, 2. Сабақтан келген балаңың күнделікті күнделігін тексеріп, көмек көрсету, 3. Мектепішілік ата-аналар жиналысына қатысу, 4. Сыныптың ата-аналар комитетінің төрайымымен байланыста болу, 5. Балаңыздың мектептегі жағдайын жасау барысында өз еркінізбең оқу-тәрбие іс-шараларына қаржылық көмек көрсету, 6. Мектептегі ашық есік күні балаңыздың сабағына қатысу, Ата – ананың міндеттері

1. Мектеп білім ошағы екенін есте ұстаңыз. 2. Мұғалімнің қоғамдағы рөлін бағалаңыз,қолдау көрсетіңіз. 3. Бала тәрбиесі тек мұғалімнің ісі емес,ортақ іс екенін ұмытпаңыз. 4. Мектеп туралы,мектепте болған жағдай туралы анық-қанығына көз жеткізбей тұрып ,бөгде орындарға таратпаңыз. 5. Мектеп – балаңыздың екінші үйі екенін түсінсеңіз,өзіңізді де сол үйдің мүшесімін деп есептеңіз. Ата – аналарға арналған этикалық кодекс

Сіз қандай ата – анасыз?

Үндеу. Құрметті мектеп оқушылары! Біз 7 – сынып оқушылары, барлық мектеп оқушыларын салауатты, яғни нашақорсыз, ішімдіксіз, шылым шекпей өмір сүруге шақырамыз. Бұл індеттер – денсаулықтың жауы, қоғамға жат әдеттер екенін естеріңізге саламыз! Үндеу. Құрметті ата –аналар! Біз сіздерді мектептегі оқушы өміріне қатысты өтетін іс – шараларға және мектептегі жиналыстарға белсенді түрде қатысуларыңызды сұраймыз!