Презентация по окружающему миру Заманча техника(4 класс)

ТР Сарман муниципаль районы МБББУ «А.Тимергалин исемендәге Иске Минзәләбаш төп гомуми белем бирү мәктәбе» «Заманча техника» ПРОЕКТЫ Төзеде: Шакурова Ильвина Житәкчесе: Гильфанова Ф.М.

Хәзерге заман гаиләсенең тормышын көнкүреш техникасыннан башка күз алдына китереп була микән? Алар безнең томышыбызны җиңеләйтәләр, вакытка экономия ясыйлар. Ә компьютердан башка без әйтерсең лә кулсыз калган кебек. Бу “акыллы машинага ” шулкадәр ияләшкәнбез ки, ашаудан башка тора алмаган кебек, аннан башка бер көн дә тора алмабыз сыман. Хәзерге заман микродулкынлы мичләрне бернинди газ мичләре дә алмаштыра алмый. Саный башласак, шундый әллә ничә мисал китереп булыр иде. Көнкүреш техникасын сатып алу кирәклеген гаилә үзенең ихтияҗыннан һәм мөмкинлекләреннән чыгып хәл итә. Кереш.

Благодаря этой рекламе сайт может продолжать свое существование, спасибо за просмотр.

Заманча көнкүреш техникасының кешеләрнең яшәү шартына тәэсирен өйрәнү . Девиз: Белем генә җитми, аны кулланып карарга кирәк, теләк кенә җитми, аны эшләргә кирәк. (Гёте) Проект максаты:

Чыннан да, кеше тормышында заманча көнкүреш техникалары мөһимме? Көнкүреш техникалары кешене алмаштыра аламы? Тикшеренү эшчәнлеге алдына куелган проблема:

- көнкүреш техникаларын өйрәнү, - элекке вакытта көнкүреш техникаларын нәрсә белән алмаштырганнарын белешү, - авыл халкының заманча техникага карата булган фикере һәм куллану ешлыгын өйрәнү, - тикшерү, күзәтүләр алып бару, - аларның сәламәтлеккә тәэсирен тикшерү, - «Минем хыялымдагы көнкүреш техникалары” иҗади эш , -”Техника белән эшләгәндә сак бул!” рәсем конкурсы үткәрү, - “Үз кулларыбыз белән” көнкүреш техникасы ясау, - көнкүреш техникалары турында күбрәк белү, дөрес итеп куллану. Бурычлар:

Мин проект эшемне замана техникаларын өйрәнүдән башладым. Алар бик күп , мин кайберләрен генә тикшерергә булдым. Ә бу эштә миңа классташларым булышты.

Равил безгә суыткычлар турында сөйләде. Суыткыч - җылылыктышчалы камерада түбән температура саклый торган җайланма. Азык-төлекне яки суык җирдә саклауны таләп итә торган әйберләрне саклау өчен кулланыла. Хәзерге суыткычлар урынына элек боз белән тутырылган базлар яки бүлмәләр хезмәт иткәннәр. Ризыклар бозылмасын өчен шундый биналардан файдаланганнар. Әбиемнәр сөтләрне , каймакларны чишмәгә илтеп куя торган булганнар, чөнки чишмә суы җәй көннәрендә бик салкын була.

Мин кер юу машинасы турында мәгълүмат тупладым Кер юу машинасы - безнең иң зур ярдәмчебез. Керләрне машинага салабыз да юылып беткәнчегә кадәр онытабыз.Ә элек бит алай булмаган. Күп гасырлар элек диңгезчеләр юасы керне арканга бәйләп диңгезгә ыргытканнар, ә дулкыннар керләрнең пычрагын юып төшергән. Ә коры җирдә яшәүчеләр керләрен ташка ышкып, ком белән юып агартканнар. 1797 елда кер юу тактасы уйлап табалар. Ә 1851 елда америкалы Джеймс Кинг әйләнеп торучы барабанлы машина уйлап таба. Ул бик тә хәзерге машинага охшаган, тик кул көче ярдәмендә эшләгән. Электрдан эшләүче беренче машинаны Алва Фишер уйлап таба. 1990 еллар урталарында күп программалы автомат машиналар хезмәт итә башлыйлар һәм бүгенге көндә без алардан файдаланабыз.

Рамил микродулкынлы мич  турындагы белемнәре белән уртаклашты. Ул - азык-төлекне тиз әзерләү, җылыту яки эретү өчен билгеләнгән электр җиһазы. Америка галиме П.Б. Спенсер югары көчәнешле дулкыннар белән ачышлар үткәргәндә, билгеле бер югарылыкка җиткәч, бу дулкыннардан җылылык бүленеп чыкканын күзәткән һәм аны ризык әзерләүдә кулланырга тәкъдим иткән. 1945 елда ризык әзерләүдә микродулкыннар куллануны рөхсәт итәләр. 1949 елдан беренче микродулкынлы мичләр җитештерүгә чыга башлый.

Ирекнең үтүк турында сөйлисе килде. Тау куышлыгындагы борынгы рәсемнәрдән күренгәнчә, беренче үтүкләр булып, яссы авыр ташлар   хезмәт иткәннәр дип санала. Киемнәрне үтүкләү өчен кешеләр киемне тигез җиргә җәеп салганнар һәм өстенә таш бастырганнар. Россиядә 7-8 гасыр элек киемне шома таякка урап, сырлы такта өстендә тәгәрәткәннәр. Хәзерге үтүкләр чыкканчы киемнәрне кайнар таба ярдәмендә үтүкләгәннәр. Соңрак күмер үтүген кулланганнар. Шуннан бирле үтүкләр яңартылып торалар һәм бүгенге көндә дә көнкүрештә кулланылалар. Әле ниндиләре генә!

Райнурга “телефон” темасы кызыклырак тоелды. Телефо́н  — авазларны, сүзләрне ерак арага тапшыра һәм кабул итә торган элемтә төре, шундый элемтәгә караган электротехник җайланмалар системасы. Беренче кәрәзле телефонны уйлап табу тарихы сугыштан соңгы чорларга барып тоташа. Аппарат, туендыру чыганагыннан башка, 30 — 40 кг авырлыкта була, машиналарда гына йөртелә. Бүгенге кесә телефоннары берничә 100 грамм гына авырлыкта. Ә аларны будильнигы, кинокамерасы, фотоаппараты, SMS, MMS тапшыргычлары, диктофоны, плейердан тыш, миникомпьютеры булган смартфоннар алыштыра. Аларда кино карарга, текст белән эшләргә, Интернетка чыгарга мөмкин.

Авыл халкының көнкүреш техникасын куллануы хакында сораштырулар үткәрдек. Сораштырулар буенча кер юу машинасы 40 кешенең 37 сендә, кесә телефоны 40 ында да, миксер 34 ендә, яңача тегү машинасы 13, микродулкынлы мич 25, компьютер 36 кешедә бар. Хәтта олы яшьтәге кешеләр дә бик теләп һәм һәр көн диярлек кулланалар. Нәтиҗә. Авыл халкы заманча көнкүреш техникасына уңай карашта һәм көндәлек тормышта еш куллана, яңартылган техникаларны өйрәнергә тырыша.

Мин үткәргән тәҗрибә эшләре Эш төре Заманча техникакулланып(мин) Гади ысул белән(мин) Кулъяулык читләү Тегү машинасы белән ( 5 мин ) Кул белән (20мин) 1 кг итне иттарткычтанчыгару Электр иттарткычы (4мин) Кул иттарткычы (20мин ) Өй җыештыру Тузан суырткычбелән (8мин ) Себерке белән (20мин ) Камыр ясау Миксер кулланып (6 мин ) Кашык ярдәмендә ( 15мин ) Кер юу Керюу машинасы ярдәмендә (7мин ) Кул белән ( 1сәг.)

Кулъяулык читләү

1 кг итне иттарткычтан чыгару

Өй җыештыру

Камыр ясау

Кер юу

Нәтиҗә. Көнкүреш техникасы безнең томышыбызны җиңеләйтә, вакытка экономия ясый. Сыйныф җитәкчесекушуы буенча, технология дәресенә мәгълүмат туплау (мин) Компьютерһәм интернет челтәре аша Китапханәгә барып Өлкәннәрдән сорап 8 минут 1сәгать 27минут

Әниемнең 27 нче февраль көнен сәгатьләп исәпләргә булдым. Тикшерү. Нәтиҗә. Бу эшләрне көнкүреш техникаларын кулланып эшләгәнгә күрә генә, әниемнең безнең белән ял итәргә дә вакыты калды.

Без кесә телефоны, телевизор һәм компьютерның сәламәтлеккә тәэсирен күзәттек һәм сораштырулар үткәрдек. Мәктәптә 40% укучы, 95% укытучы күзлек кия һәм алар күз начараюга комьютер , телевизор һәм кесә телефонының тәэсире зур, диләр. Нәтиҗә. Минем уйлавымча, телефон һәм компьютерны мөһим булган очракта гына кулланырга, озаграк копмпьютерда утырганда, 15 минут саен күзләргә ял күнегүләре ясарга, ә иң әйбәте - китап укуга күбрәк игътибар бирергә кирәк. Сәламәтлеккә тәэсире

Классташларым белән хыялланып алырга булдык. “Минем хыялымдагы көнкүреш техникасы”дигән темага хикәя яздык. Хикәяләребезне укыгач, безнең барыбызның да өйдәге эшләрне эшләүче робот турында хыяллануыбыз ачыкланды. Бу очракта безнең әти-әниләребезнең безнең белән бергәләшеп чаңгыда, чанада шуарга, китап укырга, бергәләп телевизор карарга вакытлары күбрәк калыр иде. Үткәрелгән чаралар

“Техника белән эшләгәндә сак бул!”дигән темага рәсемнәр ясадык.

Үз кулларыбыз белән.

Бу тикшерү эшчәнлегендә катнашып, без көнкүреш техникасының төрләрен өйрәндек. Алар урынына элек нәрсәләр куллаганнарын белдек. Нәтиҗәләрдән күренгәнчә, хәзерге заманда көнкүреш техникаларыннан башка яшәүне күз алдына да китереп булмый, чөнки алар - безнең чын булышчыларыбыз. Һәрберсен кулга тотып эшләп карау минем үз –үземә ышаныч һәм өйдәге эшләрдә күбрәк катнашу теләге тудырды . Күпме кул көчен алмаштыралар бит алар! Ә киләчәктә көнкүреш техникалары кешене дә алмаштыра алырдыр дип уйлыйм. Уйлап кына табарга кирәк. Көнкүреш техникалары - барысы да электр приборлары, шуңа алар белән сак эш итү сорала. Аларның барысын да кешеләр уйлап тапканнар. Без аларны зурлыйбыз, хөрмәтлибез.   Йомгаклау.