Презентация Моя родословная(3 класс)

Максат: 1.Шәҗәрәләрнең барлыкка килү тарихы. 2.Үз шәҗәрәмне өйрәнү һәм төзү.

Благодаря этой рекламе сайт может продолжать свое существование, спасибо за просмотр.

Сораштыру нәтиҗәләре:

Татар халкының рухи мирасын тулысынча үзенә кайтару өчен милли үзаңы үскән буын кирәк. Милли үзаңны үстерүгә хезмәт итүче аерым әһәмиятле бер өлкә бар. Бу – шәҗәрәләр. Татар халкында шәҗәрәләр язып бару борынгы заманнарда ук матур бер традиция булган. Мөселман кешесе белергә тиешлене һәр мөселман баласына белү зарурлыгыннан чыгып, мин үз алдыма шәҗәрәләр тарихын һәм аның әһәмиятен өйрәнергә, үз гаиләбезнең шәҗәрәсен өйрәнергә һәм нәсел агачын төзергә дигән максат куйдым, бурычлар билгеләдем. Нәсел шәҗәрәсен белү – үз тарихыңны белү ул, ә тарихын белмәгән милләт үзаңы югары дәрәҗәдә үскән милләт була алмый. Ата-аналарын, милләтен, ата-бабаларының изге туфрагын хөрмәт итеп, кадерләп караган, шулар хакына файдалы эшләр кылып яшәгәннәрне халык хөрмәт итә. Туган-тумачаңны, нәсел-нәсәбеңне белмичә, туган җиреңнең, туган илеңнең үткәнен, туган халкыңның тарихын белеп булмый. Нәсел шәҗәрәләрен ясау гадәте борынгы заманнарда ук төрле халыкларда билгеле булган. Кайбер төрләре бик борынгы язма чыганакларда ук табылган. Үземнең эшемне язганда,мәктәп күләмендә сораштыру уздырдым. Укучыларның 27% ы шәҗәрәләрнең нәрсә икәнен белми, бары тик 7% укучының гена нәсел шәҗәрәсе төзелгән. Мин шәҗәрәмне белүне үземнең изге бурычым дип саныйм. Шул сәбәпле алдыма максат һәм бурычлар куеп,үзебезнең гаилә шәҗәрәсен, аның нәсел агачын төзедем, эшемне киләчәктә дә дәвам итәргә уйлыйм. Йомгаклап шуны әйтәсе килә: шәҗәрәне белү безгә Туган илгә, җиргә, телгә мәхәббәт, сак караш тәрбияләргә, туганнарга, кардәш-ыруга, күрше-күләнгә хөрмәт һәм кайгыртучанлык күрсәтеп яшәргә кирәклеген кисәтеп тора.