Презентация к калмыцкому народному празднику Зул

Зул хальмг улсин нас авдг байр.

Зулыг хальмгуд эврәннь литәр үкр сарин 25-д кедг . Зул Зуңкван гегәнлә залһлдата. Эн өдрлә Зунква бурхн болсмн. Эн ончта йовдлыг тууҗд мөңкрүлхин төлә җил болһн хальмгуд үкр сарин 25-д зул өргәд ,Эзн Богд Зункван гегәнд зальврҗ ирсн заңшалта. Кезәнә хальмг теегт бәәсн олн хурлмудт байрин өдрлә ик мөргүл кедг бәәсмн. Мөргүлин хөөн хурлын гериг һурв дәкҗ эргәд,зул шатадг билә. Олн зул өргдг учрас эн өдриг Зул гиҗ нерәдсмн.

Благодаря этой рекламе сайт может продолжать свое существование, спасибо за просмотр.

Зулын сән өдр. Эн сән өдрин өмн белдвр кех кергтә. Урдаснь цаһан өвс цуглулад, хагсаһад бел кенә.Цаһан өвсәр зулын болн насна һол кенә. Зулын өдрлә, ю күцәх кергтә?

Асхн эн өдрлә, эк эс гиҗ ээҗ насна һол белднә. Һуйрар оңһц кеһәд, күн болһн насна тооһар, дәкәд деернь нег үлү һол немәд, оңһцд тәвнә. Насна оңһцин һолмуднь бөгхлә, оңһциг һалд булад, өрк -бүләрн аршална.

Орҗах җил өлзәтә цаһан хаалһта болҗ Ээҗиннь-аавиннь кезәңк авьясар Оньдин иигҗ зулан тосҗ. Уур дееҗән өргҗ Үсн тосн элвг-делвг болҗ. Кезә чигн амулң менд Төвкнүн бәәҗ Сансн үүлтн бүтҗ Арвн хар әрлҗ, Арвн цаһан делгрҗ. Ки мөрн киисҗ Кишгтә буйнта, Ут наста болҗ Зуңкван Гегәнд күргҗ Олн Деедс бурхд заятха!

Темән яһад овалһата үмс теедг болсмби? Моңһл келтә улс кезәнәс авн эврә литтә.Эн литд арвн хойр җилин җил болһнь адусна нерд зүүнә. Кенә нер арвн хойр җилин түрүн җилнь зүүхм гиҗ хулһн темән хойр хоорндан марһа бәрнә.

Өрүн һарсна нарна герлиг кен түрүлҗ үзнә, терүнә нер түрүн җилд өгхмн гиҗ эдн шииднә. Тиигәд темән маңһдуртнь ик эрт босад, нарн һарх үзгүр хәләһәд зогсна. Хулһн болхла, темән бөкн деер һарад, барун үзг тал ширтәд сууна. Нарн һарх кем өөрднә. Дарунь нарна герл барун бийд бәәсн уулын орад сууна. Тер герлиг темәнә бөкн деер бәәх хулһн үзнә. -Нарна герлиг би түрүлҗ үзүв, би чамас өндр бәәҗв. Түрүн җилд мини нер өгхмн, -гиҗ хулһн хәәкрнә. Иигәд хулһн темәг мекләд, арвн хойр җилин түрүн җилд эврәннь нерән зүүлһҗ.

Темән хулһнд уурлад, терүнә ардас көөлднә. Хулһн овалһата үмснд орад бултна. Тер цагас авн , бултсн хулһныг хәәһәд, темән овалһата үмс теедг болсмн. Темәнә нерн арвн хойр җилин алькд чигн өггдсн уга, болв темән эврәннь бәәдләрн арвн хойр шинҗтә : хулһн чиктә, үкр гестә, бар тавгта, туула хамрта, лу бийтә, моһа нүдтә, мөрн делтә, хөн нооста, мөчн бөктә, така залата, ноха һуйта, һаха сүүлтә болдгарн, күмнд темдгтә. Буур җил Ботхн җил

Һуйрар кесн зул. Нас авдг өдр