Презентация Электролиттердегі электр тогы (8 класс)

Физика пәнінен ашық сабақ Физика 8-сынып Пән мұғалімі: Төлегенова Маржан Ергешқызы

Сабақтың мақсаты: жарық, жарық көздері, жарық жылдамдығы, жарықтың түзусызықпен таралуы туралы мағлұмат беру. Білімділік: әлемнің тіршілігі үшін жарықтың алатын орны туралы өзіндік ой қорыту, білімдерін тереңдете түсу. Дамытушылық: Алған білімдерін күнделікті өмірмен байланыстыра отырып пайдалана білуге үйрету, жарық құбылыстары, жұлдыздар, күн туралы ұғымдарын кеңейту. Тәрбиелік: сыныпта жауапкершілікті сезіне отырып жұмыс жасауға, өз жолдасының пікірін тыңдауға тәрбиелеу.

Благодаря этой рекламе сайт может продолжать свое существование, спасибо за просмотр.

Сабақтың типі: Жаңа тақырыпты түсіндіру Сабақтың түрі: Білімді тексеру және бағалау сабағы Сабақтың әдісі: физикалық тест, топпен жұмыс, демонстрациялық жұмыс. Пәнаралық байланыс: жаратылыстану, қазақ әдебиеті Сабақтың көрнекілігі: тірек-сызбалар, үлестірмелі карточкалар, күн жүйесінің моделі, лупа, айна т.б. Технологиясы: дамыта оқыту технологиясы.

Сабақтың өтілу моделі I. Тақырыбы II. Мақсаты III.Үй тапсырмасы IV. Жаңа сабақ V. Демонстрациялық тәжірибелер VI. Сергіту сәті VII. Қорытындылау VIII. Бағалау IX. Рефлексия

Ұйымдастыру бөлімі Жүректен-жүрекке шаттық шеңберін құру.

II. Үй тапсырмасы. Тест жұмысы 1. Магнит өрісін өзгерткенде, электр тогы пайда болады. Бұл құбылыс қалай аталады? А) электр өрісі Ә) Электромагниттік индукция құбылысы Б) магнит өрісі 2. Электромагниттік индукция құбылысын ашқан кім? А) Андре Мари Ампер Ә) Александро Вольта Б) Майкл Фарадей 3. «Индукция» латын тілінен аударғанда қандай мағына береді? А) магнит Ә) бағыттау Б) индукция 4. Механикалық энергияны электр энергиясына айналдыратын машина? А) трансформатор Ә) генератор Б) ротор 5. Кернеуді арттыруға және кемітуге арналған құрал қалай аталады? А) трансформатор Ә) генератор Б) ротор

6. Электромагниттік индукция құбылысы не үшін қолданылады? А) жылу мен гидроэнергия станцияларына электр энергиясын беру үшін Ә) жылу мен гидроэнергия станцияларына электр энергиясын алу үшін Б) жылу мен гидроэнергия станцияларының электр энергиясын жұту үшін 7. Генератор қандай бөліктерден тұрады? А) индуктор, якорь, контакт сақиналары Ә) орам, магнит өрісі, якорь Б) индуктор, якорь, орам 8. Генератор дегеніміз не? А) электр энергиясын механикалық энергияға айналдыратын машиналар Ә) электр энергиясын кинетикалық энергияға айналдыратын машиналар Б) механикалық энергияны электр энергиясына айналдыратын машиналар 9. Трансформатор неден тұрады? А) темір өзектен, әр түрлі орам саны бар екі шарғыдан тұрады Ә) шарғыдан, ағаш өзектен Б) темір өзектен, әр түрлі орам саны бар бір шарғыдан тұрады 10. Генератордың айналатын және қозғалмайтын бөлігін қалай атайды? А) шарғы, өзек Ә) ротор, статор Б) индуктор, якорь

Дұрыс жауаптар: 1.Ә. 6. Ә 2.Б 7. А 3.Ә 8. Б 4.Ә 9. А 5.А 10. Ә

Өмір дегенге Мұқағали Мақатаев Тіршілікте, сірә жетер ме ой, Жарық сәуледен басқаның бәрі бекер ғой. Бекер ғой бәрі, бекер ғой, Бекер ғой, Бекер ғой бәрі, бөтен ғой. Өмір дегенің бір күндік сәуле екен ғой , Тамшыдай ғана нұрына міне қанықтым. Жаса сен мәңгі, Жаса сен мәңгі жарық күн!

Сабақтың тақырыбы: Жарық. Жарық жылдамдығы. Жарық көздері

Жарық және жарық құбылыстары туралы ілімді физиканың оптика (грек сөзі- көрінетін, көруге болатын дегенді білдіреді) деп аталатын бөлімі қарастырады. Жарық нені білдіреді? Жарық- заттың бөлшектерінің табиғатынан бөлек, табиғаты ерекше бөлшектер ағыны болып табылатын фотондар ағыны. Фотондар ағыны энергияны жарық көздерінен жарықталған денелерге жеткізеді. Бұл энергияны жарық энергиясы немесе жарықтың сәуле шығару энергиясы деп аталады. Фотондар жылдамдығы жарықтың таралу жылдамдығы болып табылады. Жарық жылдамдығы әр түрлі заттарда түрліше болады. Вакуумдегі жарық жылдамдығы с-300 000 км/с-қа тең. Ауада с- 299 711 км/с Суда с- 225 000 км/с Шыныда с- 200 000 км/с Вакуумдегі жарық жылдамдығы –табиғатта мүмкін болатын үлкен жылдамдық.

Жарық көздері- жарық шығаратын денелер. Жарық көзін 2 топқа бөлуге болады: 1. дербес жарық көздері 2. шағылан жарық көздері (аспан күмбезі, мұхит, теңіз, көл, өзен суларының беті, қар). Дербес жарық көздері: - жылулық (электр шамының қызған қылы, кен пешінен алынған металл кесегі, найзағай) - люминесценциялық (теледидар экраны, тамырдың шірінділері, жарық қоңыздары, судың терең қабатында жүзетін балықтар) - плазмалық (жарнамалық түтікшелер, кварц шамдары, лазерлер, солтүстік шұғыла) Ғаламдағы негізгі жарық көздері-жұлдыздар. Барлық жұлдыздардың ішінен өзіміз оның дөңгелегін көре алатын Күн- бізге ең жақын жұлдыз. Күннің массасы Жердің массасынан 333 000 есе үлкен. Күн- өздігінен сәуле шғаратын зор энергия көзі. Күн- гелий қоспасы бар сутектен тұрады.

IV. Суреттер сыр шертеді. Жарық көздері

V. Демонстрациялық тәжірибелер

VI. Сергіту сәті

VII. Сабақты бекіту «Бәйге жарысы» «Жарық» тобына 1. Вакуумде жарық қандай жылдамдықпен таралады? 2. Табиғаттағы мүмкін болатын ең үлкен жылдамдық қайда? 3. Жарық көздері неше топқа бөлінеді? « Табиғи» тобына 1.Бізге ең жақын жұлдызды ата? 2. Жарық қоңыздары, теледидар экраны, тамырдың шірінділері қай жарық көзіне жатады? 3. Шағылған жарық көзіне не жатады? «Жасанды» тобына 1. Суда жарық қандай жылдамдықпен таралады? 2.Жарық құбылыстарын зерттейтін физиканың бөлімі? 3. Плазмалық жарық көздеріне не жатады?

Үйге тапсырма §61 оқып келу «Қисық ағаштың көлеңкесі де қисық» мақалының физикалық мағынасын ашып келу.

IX. Рефлексия Не білемін? Нені білдім? Нені білгім келеді?