Презентация по ПДД Юллар имин булсын

Юллар имин булсын! Юл йөргәндә бу билгеләрне Белергә кирәк элек, Исән-сау йөрсеннәр дип, Куйганнар аны элеп. Юллардагы билгеләрне Әйдәгез, карап белик!

Велосипед юлы билгесе Мөгезеннән тотасың да Утырасың, китәсең. Кирәк җиргә бик тиз генә, Ансат барып җитәсең. Болай уйлап ялгышма, Алай гына түгел ул. Зәңгәр түгәрәк эчендә Ак велосипед торса, Шушы булыр синең юл.

Благодаря этой рекламе сайт может продолжать свое существование, спасибо за просмотр.

Җәяүлеләрнең юл аркылы чыгу урыны билгесе. Әлеге билге кисәтә Шоферларны шул хакта: -Игътибарлы булыгыз,- ди, Җәяүле үткән чакта!

Җәяүлеләр хәрәкәте тыела билгесе! Машина йөри торган Юл уртасына чыксаң, Билгегә игътибар бир: Кызыл түгәрәктә кара. Киемнән кеше тора - Ул билге җәяүлеләргә Монда йөрмәскә куша.

Балалар билгесе!!!! Бу билгене, билгеле, Шоферлар бик шәп белә— Аеруча сак булыгыз, Юлдан балалар килә!

Велосипедларда хәрәкәт итү тыела билгесе! Бу билгене күрсәгез, Борылыгыз кирегә. Ярамый шул бу урында Велосипедта йөрергә. Кагыйдәне үтәмәсәң, Мөмкин бәла килергә.

Светофор белән көйләү билгесе Бу билгене күрми үтү Мөмкин түгел һич кенә. Кызыл, сары, яшел күзле Ак өчпочмак ич менә! Җемелтәтер өч күзен, Әйтер өчен өч сүзен. Кызыл әйтер: “Туктап кал!” Сары әйтер:”Игътибар!” Яшел әйтер:”Юл ачык, Карап кына атлап чык!”

Юл эшләре билгесе Юллар да картаялар шул, Кайчакта авырыйлар. Аннан дәвалый аларны Юлчы апа-абыйлар. Дәвалый башлаган юлга Куела шушы билге. Билгеле, бу билгене дә Белү бик кирәк инде.

Юлларда тәртип булсын! Юл йөрү кагыйдәләрен Яттан бел барысын да, Кагыйдә белмәүчеләрне Зур бәла көтә юлда. Урамда, урамда Шау-гөр килеп уйныйбыз, Юлларда, юлларда Бер дә тәртип бозмыйбыз. Бер- беребезне хөрмәт итеп, Урамда йөрик әле. Кагыйдәне бер дә бозмыйк Син шофер—мин җәяүле.