Дженктен эвель чыкъкъан грамматикаларда келиш категориясы

Мевзу: Дженктен эвель чыкъкъан грамматикаларда келиш категориясы (Б. Чобан-заде «Къырымтатар ильмий сарфы» грамматикасында, Э. Куртмоллаевнинъ « Татар тили дерслигинде», 1940 с.)

Ишимизнинъ актуаллиги: Къырымтатар тилининъ илериде инкишаф этмеси ичюн, онынъ тиль тарихыны бильмек мытлакъкъа лязимдир. Онынъ ичюн дженктен эвель чыкъкъан грамматикаларнынъ земаневий къырымтатар тилине тесири гъает буюктир.

Благодаря этой рекламе сайт может продолжать свое существование, спасибо за просмотр.

Макъсат: Б. Чобан-заденинъ «Къырымтатар ильмий сарфы»ны ве Э. Куртмоллаевнинъ «Татар тили грамматикасы»ны къулланып, келиш категориясыны къыясламакъ.

Ишимизнинъ предмети: дженктен эвель чыкъкъан грамматикаларда келиш категориясы.

Ишимизнинъ объекти: земаневий къырымтатар тилинде келиш категориясы.

Б. Чобан-заде «Къырымтатар ильмий сарфы»: Сёз денъиштириджи шекильджилер сёзлернинъ манасыны денъиштирмейип, яни, сёзлерге янъы вазифелер бермейип, оларнынъ бир-бирине олгъан мунасебет ве багъларыны денъиштирирлер. Э. Куртмоллаев «Татар тили грамматикасы»: Исимлернинъ бири биринен я да башкъа сёзлернен багълана бильмелери ичюн къошулгъан аффикслерге ал аффикслери дерлер.

Б. Чобан-заде «Къырымтатар ильмий сарфы»: ___________ Э. Куртмоллаев «Татар тили грамматикасы»: Баш алы (келиш): ___________

Б. Чобан-заде «Къырымтатар ильмий сарфы»: Музафун илейх (саиплик келиш): -ынъ/-инъ,-унъ, -юнъ, -нынъ/ –нинъ, -нунъ, -нюнъ, -нын/-нин, -нун, -нюн Э. Куртмоллаев «Татар тили грамматикасы»: Саиплик алы (келиш): -нынъ, -нинъ

Б. Чобан-заде «Къырымтатар ильмий сарфы»: Мефъулюн илейх ( догърултув келиш): - къа, -ке, -гъа, -ге, -а, -е Э. Куртмоллаев «Татар тили грамматикасы»: Догърултув алы( келиш): -къа, -гъа, -ке, -ге

Б. Чобан-заде «Къырымтатар ильмий сарфы»: Мефъулюн бих (тюшюм келиш): -ны, -ни, -ну, -ню, -ы, -и, -йы, -йи Э. Куртмоллаев «Татар тили грамматикасы»: Тюшюм алы (келиш): -ны, -ни

Б. Чобан-заде «Къырымтатар ильмий сарфы»: Мефъулюн фих (ер келиши): -да, -де, -та, -те Э. Куртмоллаев «Татар тили грамматикасы»: Ер алы (келиш): -та, -да, -те, -де

Б. Чобан-заде «Къырымтатар ильмий сарфы»: Мефъулюн аных (чыкъыш келиш): -дан, -ден, -тан, -тен Э. Куртмоллаев «Татар тили грамматикасы»: Чыкъыш алы (келиш): -тан, -дан, -тен, -ден

Э. Куртмоллаев «Татар тили грамматикасы»: Баш алдан башкъа, къалгъан бутюн алларгъа къыя ал дерлер. Къыя аллардаки исимлер джумленинъ экинджи дередже азалары олып келирлер.

Нетидже: 1. Бекир Чобан-заденинъ «Къырымтатар ильмий сарфында» келиш категориясында базы фаркълылыкълар корюне. Булар: - саиплик келиши исе къошма ынъ/-инъ, -унъ, -юнъ, -нунъ, -нюнъ, -нын/-нин, -нун, -нюн ялгъамалары ярдымы иле япылыр. - догърултув келишинде къошма -а, -е ялгъамалары къошула, - тюшюм келиши къошма -ну, -ню, -ы, -и, -йы, -йи аффикслер ярдымынен япыла,

2. Земаневий къырымтатар тилинде келиш категориясыны тасвир этювде Э. Къуртмоллаевнинъ Татар тили грамматикасында теклиф олунгъан янашма темель олды. Бизим кунюмизде язылгъан грамматикаларда да шу тасниф къулланыла.