Мен учмакъ истейим...(Амет Хан - Коклер султаны)

Мен учмакъ истейим…

Благодаря этой рекламе сайт может продолжать свое существование, спасибо за просмотр.

Йылдырымлы кок султаны, сульх шаини эдинъ сен, Юртунъ анъа пемпе танъны, денъизининъ сесинен. Ерде – Къачы ёлларындан башлай сенден къалгъан из, Юреклерде сакълы адынъ Эки Алтын Йылдызнен!

Бугунь эрте уяндым. Тез турып кийиндим ве эвимизнинъ янындаки дагъгъа ёл алдым. Джаным бираз сыкъылды… Тюневин биз анамнен йылдызлардан бири янып тюшкенини корьдик. Адам дюньягъа озюнинъ къысметинен, озюнинъ такъдиринен, озюнинъ йылдызынен берабер келе экен. Меним йылдызым къайсы экен? Мен озь йылдызымны къыдырарым. Эм тапарым…

Анда - мында долаштым. Чешит ренкли кузь япракъларынынъ дюльберлиги кейфимни котердилер.

Апансыздан сеслер эшиттим. Башымны котердим ве кокте къарталны корьдим.

Инсанлар не ичюн учып оламай экенлер? Эльбет, къанатлары олмагъаны ичюн. Я озюне къанатлар япса? Къарталларнынъки киби.

Алим олсам мен бир шейнен огърашмаз, къанат иджат этер эдим. Инсанларгъа къанат такъмакъ, къанатланмакъ – бу учмакъ демек, бу кучь - къувет, сербестлик демек.

Уч, къайда истесенъ, анда уч…

Бакъсам, къомшумыз, меним достум да артымдам кельди. - Мераба, Амет, сен де мындасынъмы?! Бу учакъ сенинъкими? - Мераба, Сюндюс. Э, бугунь эрте турдым. Мында келип, бираз тюшюнджелерге далдым. Мен учмакъ истейим. Къырыджы-учуджы олмакъ истейим.

-Демек, Амет-Хан Султан ойлеми? Сен бир кереден, эм Хан, эм Султан олмакъ истейсинъ. Ханларнынъ иши чокътан битти, амма коклер Султаны олмакъ истесенъ, мен сенден разым. Алла макъсадынъа етмеге ярдымджы олсун. Айды, юр, ананъ къасеветленедир…

- -Авада – Аметхан! Аметхан! Аметхан – дегенде титреди джеллятлар, ятлар. Мавф олдынъ коклерде, къырылды къанатлар. Лякин сен учасынь, Шаинлер Шаини!