ХIХ асырнынъ сонъу ХХ асырнынъ биринджи ярысында къырымтатар лексикографиясы

Мевзу: ХIХ асырнынъ сонъу ХХ асырнынъ биринджи ярысында къырымтатар лексикографиясы

Ишимизнинъ актуаллиги: Къырымтатар тилининъ илериде инкишаф этмеси ичюн, онынъ лексикографик тарихыны бильмек мытлакъкъа лязимдир, чюнки тамам лугъатлар нутукъ медениетини, сёзлернинъ маналарыны догъру анъламакъ ве оларны догъру къулланмакъ эсасыдыр. Онынъ ичюн 1875-1917 сенелери чыкъкъан лугъатларнынъ эмиети земаневий къырымтатар тилине гъает буюктир.

Благодаря этой рекламе сайт может продолжать свое существование, спасибо за просмотр.

Ишимизнинъ макъсады: ХIХ асырнынъ сонъу ХХ асырнынъ биринджи ярысында чыкъкъан лугъатларны огренмек.

Ишимизнинъ предмети: дженктен эвель чыкъкъан лугъатлар

Ишимизнинъ объекти: 1875-1917 сенелерине къадар нешир этильген лугъатлар

Тильшынаслыкънынъ лугъат чешитлерини ве оларнынъ тизилиш принциплерини огренген болюгине лугъат бильгиси (лексикография) дерлер.

Лугъатларнынъ эки чешити бардыр: - энциклопедик лугъатлар - тильшынаслыкъ (лингвистик) лугъатлар

Энциклопедик лугъатлар неснелер ве адиселер алеми акъкъында малюмат бильдирмек макъсадынен тизилирлер, оларда ильмий анъламлар иза этилир, мешур инсанлар – языджылар, алимлер, девлет эрбаплары акъкъында биографик малюмат берилир, шеэрлер, мемлекетлер, белли вакъиалар акъкъында тариф этиле. Тильшынаслыкъ лугъатлары сёзлер акъкъында малюмат берелер: сёзлернинъ маналары, имлясы, теляффузы, оларнынъ келип чыкъмасы, дигер сёзлернен къошула бильмеси киби.

Меселя: «Къырымтатар джа-русча лугъат» (С.М. Усеинов, Тернополь, 1994) Миллет – 1. нация, национальность, 2. люди, народ, публика. «Крымскотатарская энциклопедия» (Р. Музафаров, Симферополь, 1995) «Миллет» - (народ) – ежедневная политико-экономическая газета на крымскотатарском языке, издававшаяся в Симферополе в течении 1917 – 20 гг.

Энъ буюк лугъатларынынъ бири 1906 сенеси Акъмесджитте басылгъан Осман Заатовнынъ «Полный русско-татарский словарь крымскотатарского наречия»сыдыр. Бу лугъаткъа 11 бинъге якъын сёз ве сёз шекиллери кирсетильген.

Меселя: ава ольчюси - барометр дуймакълыкъ - инстинкт тефтишчи - контролер гумрюксиз - беспошлинный

1904 сенеси Одессада «Краткий русско-татарский словарь (крымское наречие)» И. Гаспралынынъ муарририети тарафындан чыкъты.

Бу лугъаткъа темель Григорий Москвичнинъ «Иллюстрированный практический путеводитель по Крыму» деген иши къойды.

Муэллифлер: Александр Бертье-Делагард (1842 – 1920) – археолог Севастьян Танатар (1849 – 1917) – химияджы Ромул Прендель (1851 – 1904) – физика ве риязиятынынъ мутехассысы

Меселя: какой – нетюрлю одежда – руба крепкий – хуватлы зонтик – кёлегелик ты мсожешь – сен олурсынъ

1902 сенеси Одессада «Краткий русско-татарский словарь» нешир этиле.

1890 сенеси Багъчасарайда «Вестник сокровищ» (тарих, джгърафия ве эдебияттан) къыскъа лугъатчыкълар басылып чыкъарыла.

Академик В. В. Радловнынъ 1888-1911 сенелери «Турк шивелери лугъатынынъ теджрибеси» Петергбургда Империя фенлер академиясынынъ нешрияты тарафындан басылып чыкъарылды.

1902 сенеси Будапештте Шейх Сулейман эфенди тарафындан тертип этильген чагъатайджа-османлыджа лугъат нешир этиле.

Нетидже: Корьгенимиз киби, 19 асырнынъ сонъунда 20 асырнынъ башында лексикографиямыз инкишаф этти. Бакъып чыкъкъан лугъатларымыздан корюне ки: - Осман Заатовнынъ лугъатына энъ чокъ, яни 11 бинъге якъын сёз ве сёз шекиллери кирсетильген, - шиве лексикасы лугъатларда айры ерни ала ве бу сёзлернинъ сайысы аз дегиль, - дженктен эвель чыкъкъан лугъатларымыз тилимизнинъ бутюн инджеликлерини тюбю-темелинен огренмеге имкян берелер.

Къулланылгъан эдебият: 1. Усеинов К. Къырымтатар тили: Фонетика. Лексикология. Фразеология. Лексикография. Алий окхув юртларынынъ студентлери ичюн дерслик / К. Усеинов, Э. С. Ганиева, Н. С. Сейдаметова Симферополь : КъДжИ «Къырымдевокъувпеднешир» нешрияты», 2011. – 204 с. 2. Меметов А. М. Земаневий къырымтатар тили / А.М. Меметов. – Симферополь : КъДжИ «Къырымдевокъувпеднешир» нешрияты», 2010. – 320 с. 3. Сейдаметова Н. С. Полный русско-татарский словарь Османа Заатова как лексикографияческий источник для словообразовательного и лексического анализа / Н. С. Сейдаметова // http://tatkonvolut.at.ua

4. «Краткий русско-татарский словарь (крымское наречие)» под редакцией И. Гаспринского. Воспроизведение словаря из  «Иллюстрированного практического путеводителя по Крыму» Григория Москвича (Одесса, 1904 г.). – Симферополь: Доля, 2003.