Имя прилагательное. Степени прилагательных. 10 класс

Сыфат. Ялгъамалары ве имлясы. 10 сыныф

Сыфат Предметнинъ (базан иш-арекетнинъ) даимий аляметини ифаделеген там маналы сёзлерге сыфат дейлер. Сыфат адетте предметнинъ ренк-тюсюни, колемини, шеклини, дам-лезетини, табиатыны, рухий алыны, ер я да вакъыткъа мунасебети киби аляметлерини анълата: сары, кок, къырмызы, балабан, кучюк, кенъ, тар, татлы, аджджы, хаста, сагълам, фукъаре, яш, къарт, ярынки, эвельки, агъыр, енгиль.

Благодаря этой рекламе сайт может продолжать свое существование, спасибо за просмотр.

Ашагъыдаки метинде сыфатларны тапынъыз ве талиль этинъиз. Бу гедже Зера оджапче къоркъунчлы тюш корьди. Ойле къоркъунчлы ки. Оны кимсеге айтмады. Тюшюнде торуныны корьди. Рустем къолларыны яйдыргъан, Сасыкъ гольнинъ тюбюнден келе. Аякълары балчыкъкъа батып кете. Этрафында адсыз-эсапсыз чукъурлар булкъулдай, олардан шинген балчыкъ ве зеэрли сары газ чыкъа. Эгер аягъыны бир кере янълыш басса, торуны батып кетеджек. Зера оджапче сескенип уянды. Юреги кокюс къафесинден атылып чыкъаджакъ киби дюкюльдемекте. Тышта даа къаранлыкъ. Зера оджапче еринден турды, юнь шалыны япты, эски пальтосыны кийип эвден чыкъты. Къайда кеткенини акъайына биле айтмады. Эвде олмагъаныны корьсе, озю анълар деп тюшюнди.

Сыфат дереджелери Адий дередже: ярыкъ, къуветли, яхшы, агъыр, енгиль. Тенъештирюв дередже: буюкче, яхшыджа, узунджа, темиздже, даа ярыкъча, даа да балабанджа. Устюнлик дередже: энъ яхшы, пек юваш, чокъ дюльбер, эписинден татлы.

Сыфатлар Къуветлендирме сыфатлар Чокъ меракълы, Пек гузель, Гъает буюк, Узундан-узун, Балабандан-балабан, Мас-мавы. Къап-къара, Чиркинден-чиркин, Ем-ешиль, Тер-темиз. Азлаштырма сыфатлар Ешильтим (отлар), Сарылтым (чечеклер), Сарышын (сачлар), Узунджаракъ (такаякъ), Эслиджерек (адам), Юксекчерек (бина).

Мешгъулиет 1. Къавузлар ичинде берильген сыфатларнынъ адий дереджесинден тенъештирюв я да устюнлик дереджелерини япып, язынъыз. 1. Шефтали алмадан (татлы). 2.Сенинъ ресминъ менимкинден (дюльбер). 3.Чокъракъ суву озен сувундан (темиз). 4.Бугунь ава тюневинкине коре (сувукъ). 5.О, Муратны (якъын) адам деп сая эди. 6.Бу меним ичюн ер юзюнде (буюк) бахт олур эди. 7.Мавы конверт ичинден эр эки тарафы да язылы (тар) кягъытчыкъны сакъытлыкънен чыкъарды. 8.(Токъал) чал сакъалыны сыйпап, башыны саллап ташлады. 9.Шимди Ешиль Отарнынъ (гузель) къызлары, атта бригадир Муратнынъ къызы биле, Акименинъ янында онъа чиркин киби корюльдилер.

Лугъат Сыфат- имя прилагательное Даимий алямет- постоянный признак Ренк-тюсю-цвет Колем-объём Шекиль-форма Дам-лезети-вкус Табиат-характер Рухий ал-душевное состояние Вакъыт мунасебети-временные показатели Адий дередже-простая степень Тенъештирюв дередже-сравнительная степень Устюнлик дереджеси-превосходная степень Къуветлендирме сыфатлар-усилительные прилагательные Азлаштырма сыфатлар-уменьшительные прилагательные

Эвге вазифе Лугъат сёзлерини бильмек, къаиде, дереджелерни, чешитлерини бильмек. Мешгъулиет 140(азлашт. ве къуветл. сыф. Таыпып, рус тилине тердж этип, язмакъ).