Къырымда эвельде къулланылгъан лагъаплар

Къырымда эвельде къулланылгъан лагъаплар

Макъсат: Эвельден халкъымыз къуллангъан лагъапларны огренмек ве оларнынъ манасыны анълатмакъ.

Благодаря этой рекламе сайт может продолжать свое существование, спасибо за просмотр.

Пешком Абдураман – пек бай адам эди. Аты, арабасы, фаэтоны олгъан, амма эр вакъыт пияде юрген.

Актив Осман – Кой советининъ реиси эди.

Тёбен Мусфире – коюмизнинъ ашагъы маалесинде яшагъан.

Сары Аблямит – сарышын сымалы адам олгъан.

Коше Асан – бу адамнынъ эви койнинъ кошесинде эди.

Булгъар Ибраим – булгъарлар киби чалышкъыр, къытмыр бир инсан олгъан.

Манъкъа Абдураман – пек яваш, манъкъаланып лаф эте эди.

Инсанлар насыл зенаат устасы олгъаны ве неден огърашкъанларына коре, оларгъа махсус лагъаплар такъкъанлар: Балджы, Бербер, Тикишчи, Фалджы, Фенерджи, Кеманеджи, Комюрджи, Арабаджы, Давулджы, Кларнетчи, Почтаджы, Ашчы, Дюльгер, Чарыкъчы, Таякъчы ве башкъалары.

Нетидже: Халкъымыз чешит лагъапларны даима чокъ къулланмагъа меджбур эди, чюнки койде бир къач адамнынъ айны бир ады олгъан. Онынъ ичюн де оларгъа лагъаплар такъкъанлар. Эр бир лагъап эвельден онъа хас мана ташыгъан. Бугунь исе бизим вазифемиз оларны къартана-къартбабаларымыздан язып алмакъ ве бу Алтын хазинемизни сакъламакътыр.

Къулланылгъан эдебият: Иззет Эмиров «Лагъабынен къарт олсун» // Янъы дюнья. – 2001. – январь 20 Мусемма Измайлова «Къырымда эвельде къулланылгъан лагъаплар» // Къырым. – 2007. – март 31. – С. 4 Мустафа Асанов «Лагъабынъны айтмасанъ бильмез экенлер» // Къырым. – 2007. – июнь 2. – С. 4 Асанова Ф. «Тарих – аятнынъ устазыдыр» // Янъы дюнья. – 2001. – октябрь 6. – С. 8