Табиғатым Ашық тәрбие сағаты

Ашық тәрбие сағаты

Табиғатым –махаббатым!   Ашық тәрбие сағатының тақырыбы:

Благодаря этой рекламе сайт может продолжать свое существование, спасибо за просмотр.

Мақсаты: 1. Балалардың қоршаған орта жайлы танымдық әрекеттерін шыңдау. 2. Табиғаттағы сұлулықты көре білуге, қоршаған ортаны, табиғатты аялай білуге үйрету. 3. Экологиялық мәдениетін қалыптастыру, туған жер табиғатына деген сүйіспеншілігін арттыру. 4. Сөз қорын кеңейту, жаңа сөздерді үйрету.

Шаттық шеңбері Табиғат - бүкіл тіршілік атауының алтын ұясы және аялы бесігі, құтты қонысы мен өсіп - өнер мекені. Әр қайсымыздың табиғатқа деген алғысымыз шексіз, сондықтан да шаттық шеңберінде Жер - анаға деген ізгі тілегімізді білдірейік.

Экологиялық мәселелер: климаттың өзгеруі су ресурстарының тапшылығы жарамсыз жерлердің көбеюі жер ресурстарының тозуы өндірістік қалдықтармен ластану улы заттардың шығарылуы.

Бүкіл әлемдік тіршіліктің төрт құдіретті негізі бар. Олар: күн ана, жер ана, ауа мен су. Адамзат күнделікті тіршілігінде осы төрт құдіретке сүйенеді. Егер осы төрт негіздің біреуі болмаса, тіршілік тоқтайды.. Сондықтан адамзат Күнді, Жерді анадай ардақтайды. Күн – барлық тіршіліктің құдіретті тірегі. Оның нұры – сәулесі, құдіретті күшті – от.

Әлемдегі барлық тіршілік оттың күшімен қозғалысқа түсіп, адам өмірін өркендетіп тұр . Отты халық қастерлеп, «отты баспа», «отпен ойнама», «отқа түкірме» деп ырым, тиым жасап, кесір – қырсықты отпен аластап, отқа табынған. Отбасы, отағасы, отау деген сөзден отты қастерлеуден шыққан.

Ал жер ана тіршілікке нәр беріп, анамыздай асырап жатыр. Халық жер ананы әулие тұтады. «Баптағанға – жер жомарт», «Жері байдың – елі бай», «Туған жер – алтын бесік» деп жер ананы аялайды. Жер – жаһанамдағы тіршіліктің нәрін сіңіріп, өмір сүрудің тірегі болып тұрған құдірет – су

Өмірге ең қымбат, ең қажетті болғандықтан, халық судың шығып жатқан жерін «әулие бұлақ» дейді. «Судың да сұрауы бар» деп суды ысырап жасамау керектігін өз ұрпақтарына ескертіп отырады. Жан дүниенің өмір ырғағын жасап тұрған келесі құдіретті нәрсе – ауа.

«Ауа - өмір тынысы» дейді халық. Ең қымбатты, қажетті нәрсені «ауадай қажет» деп халық ауаны қымбаттың қымбаты деп бағалайды.

- О, алтын күн, көктегі Арманың болар көп тегі? - Ең әуелі арманым, Өртенбей еш орманым, Құты қашып елімнің Солса гүлі жерімнің, Ренжітпей бірін тек, Адамдар жүрсін күлімдеп, Деп төгемін нұрымды, Осынау шындық сырымды, Кейде ұқпай пенделер, Түтінге өзі сенделер. Олар тартар сазайын, Несіне айтам о жайын. Бұзбай өмір қаймағын, Жайнасын өңір, аймағым.

Табиғаттан нәр алған ғой жанымыз, Жер бетінің ажары ол – сәніміз. Туған өлке табиғатын аялап, Ұсынайық жүрек нәрін бәріміз.

Экологиялық білімін бақылауға сұрақтар Экология ұғымын қалай түсінесің ? Табиғатты қорғау дегеніміз не ? Ауаны ластағыш заттарды жікте ? Жануарларды сақтап қалудың басты жолдары қандай ? Адам экологиясы дегеніміз не ?

1-оқушы: Табиғаттың тарылтпайық тынысын! 2-оқушы: Өз мектебіміздің, ауламыздың көшеміздің тазалығын сақтап көгалдандырайық. 3-оқушы: Бұлақ көрсең, көзін аш! 4-оқушы: Бір тал кессең, он тал ек. 5-оқушы: Судың да сұрауы бар екенін ұмытпа. 6-оқушы: Атаңнан мал қалғанша, тал қалсын. 7-оқушы: Бабалар еккен шынарды саялайық.

Жаңа мағынаны таныту 1. Жері байдың-елі бай. 2. Бұлақ көрсең көзін аш. 3. Бір тал кессең,он тал ек. 4. Өзен бар жерде өмір бар. 5. Баптағанға жер жомарт.

«Табиғат» сөз жұмбағын шешу 1. Ағаш түрі 2. Аң патшасы 3. Таудан ағатын 4. Бізді қоршаған орта. 5. Кішкентай құс. 6. Жеміс түрі. 7. Жер бетіндегі қатты зат.     Т     А   Б   И     Ғ         А   т

Тапсырма «Табиғатпен тілдесейік» тақырыбында табиғат суретіне қарап, тілдесу, әңгімелеу. Табиғат бейнесін көргенде жүрегімізде қандай сезім ұялайды?

«Тапқыр болсаң шешіп көр» айдары 1. Тасқа шығады, бірақ тамыры жоқ. 2. Бар ма, жоқ па оны анық білмейсің, Ол жоқ жерде өмір сүріп жүрмейсің. 3. Көтеріліп теңізден, Аспанға биік барамын. Биіктен қайта түскенде, Өңі кірер даланың. 4. Топырақтан нәр алып, Тамырлары таралып. Өсіп шықты еккенім, Көріктенді мекенім.

5. Ағаштардың көркемі Мәңгі жасыл бұтағы. Мекен ғып тау өлкені, Кәусар ауа жұтады. 6. Көлдің көркі сән екен, Ұшқанда сазды ән екен. Адамдар қорғап сақтаған, Бұл қандай құс айтшы маған? 7. Әдемі түнде, мен жүрсем, жүреді бірге. 8. Ақ сандығым ашылды, Ішінен жібек шашылды. 9. Бір түкті кілем, Бір түксіз кілем

Мақал-мәтелдердің жалғасын тап: 1. Адам көркі шүберек, ___________________ 2. Ағаш өсірсең аялап, _________________ 3. Бір тал кессең, ____________ 4. Таулы жер бұлақсыз болмас, ________________________ 5. Жердің сәні егін, _____________________

Ассоциация «Табиғат» Табиғат адам бойына шабыт, көңіліне қуат, сезіміне сұлулық пен сағыныш ұялатады. Адам бойына адамгершілік қасиеттерді қалыптастыратын мол тәрбие. Табиғаттың сан қыры мол, сұлулығымен көз тартатын ерекшелігі арқылы әр адамның жүрегінен орын алатыны да анық. Ассоциациялық сұраққа, сіздердің жауаптарыңыз арқылы әдемі табиғаттың макетін жасаймыз.

Географиялық сауалнама. Топпен жұмыс

Дүниедегі ең терең көл қалай аталады? Теңіз деп аталатын қандай екі көлді білесіңдер? «Әлемнің шыңы» деп қай тауды айтады? Итбалық, яғни тюлень солтүстік теңіздерде өмір сүреді. Олар Солтүстік және Тынық мұхиттардан басқа қай суларда өсіріледі? Жылу сүйгіш өсімдіктерді ата? Топырақ нешеге бөлінеді? Қосмекенділерге нелер жатады? Бунақ денелілерге нелер жатады?

Қорытынды Экология – мекен еткен табиғи орта туралы ұғым. Адам баласы ерте кезден өзінің тұрған мекенін таза ұстаған. Үйінің айналасына тал егіп, ауланың, көшесінің тазалығына көңіл бөлген. Адамдар әрқашанда табиғатқа бағынышты болып, оның ресурстарын өз қажетіне жұмсаған. Сондықтан қоршаған ортаны қорғау – міндетіміз. Табиғат таза болса, біздің денсаулығымыз зор болады.