Урок крымскотатарской литературы. 'Эшреф Шемьи-заде 'Узбекистанская баллада' (7 класс)

Мевзу. «Эшреф Шемьи-заде «Озьбекистан балладасы».

Къырымтатар халкъынынъ фаджиалы такъдири, адалетнинъ

енъеджегине ишанув».

Окъутув макъсады: талебелернинъ Эшреф Шемьи-заде акъкъында

бильгилерини теренлештирюв, «Озьбекистан балладасы» эсерини

окъув, икяе этюв ве талиль этюв къабилиетлерини шекиллендирмек.

Инкишаф макъсады: талебелернинъ иджадий къабилиетлерини, озь

фикирлерини ифаделев къабилиетлерини инкишаф эттирмек.

Тербиевий макъсат: Ватангъа, миллетимизге севги дуйгъуларыны

къавийлештирмек.

Дерснинъ чешити: янъы мевзуны огренюв

Донатма: Эшреф Шемьи-заденинъ портрети, эсерлернинъ сергиси, ресимлер, слайдлар.

Эр кеске озь Ватаны татлы.

Бульбульни алтын къафесте тутсанъ да,

гуль терегини сагъыныр.

Аталар сезлери

Дерснинъ кетишаты

I. Тешкилий къысым.

II. Дерснинъ мевзу ве макъсадынен таныш этюв.

(дефтерлерине саны ве мевзуны язалар)

III. Эв ишини тешкерюв.

- Эшреф Шемьи-заденинъ терджимеиалыны текрарлав.

(Эшреф Шемьи-заденинъ иджадыны талебелер айтып берелер)

Къоранта Тасиль

Эшреф Шемьи-заде

Иджады Эсерлери

IV. Мевзу устюнде чалышув.

1. Э.Батталова «Бизим тараф» йырыны динълев.

- Бу йыр не акъкъында?

2.Дерснинъ эпиграфыны окъув ве талиль этюв.

«Эр кеске озь Ватаны татлы».

Суаль - Бу йырны ве дерснинъ эпиграфыны не бирлештире?

3. Лугъат иши

Сез

Анълатма

Рус тилинде

сахра

къумлукъ ер

пустыня

вахшийлик

джанаварлыкъ

жестокость

окюнмек

ынджынмакъ

огорчаться

кочьмеджи

кочип юрген

кочевники

демев

тиреме

опора

фелек

такъдир, баш язысы

судьба

4. Метин устюнде чалышув.

«Озьбекистан балладасы» эсерининъ мундериджесинен таныш олув. (эсер оджа тарафындан окъула)

V. Пекитюв.

1) Эсернинъ I къысымы устюнде чалышув.

«Чифтлешип ишлев» усулы (Талебелер суаллерге джевапларны метинден сечип алып окъуйлар)

Суаллер ве вазифелер:

- Сахраны тасвир эткен сатырларны тапып окъунъыз. Козюнъиз огюнде насыл левха пейда олды?

- Сакъсавулнынъ опькеси акълымы?

- Апансыздан сахрада кимлер пейда ола? Сакъсавулгъа бу вакъиа насыл тесир эте?

- Керванджылар насыл вахшийлик япалар?

(Сакъсавул, сахра ресимлери тахтада косьтериле)

2) Эсернинъ II къысымы устюнде чалышув

Группаларда чалышув.

(Талебелер суаллерге джевабыны язалар ве ресим сызалар. Эр группадан бир векиль ишлерини такъдим эте).

1 группа. Сакъсавул пытагъы, демев олып насыл ерге тюше?

2 группа. Не ичюн сакъсавул озюни багъчада бахытсыз сезе? Акъылына не келе? О нени арзылай?

Эсернинъ I ве II къысмына нетидже чыкъарув

Сакъсавул

сахрада багъчада

ёлдан кенарда сельбилернинъ талдасында

озь башына, янгъыз дженнетдайын ерде

далына къуш къонмады янында арыкъ акъа колеткесинде инсан раатланмады бульбуллер оте

3) Суаллер боюнджа субет.

а) Сакъсавулнынъ такъдирини кимнинъ такъдиринен къыяс этмек мумкюн?

б) Сакъсавул озюни къайда яхшы ис эте?

в) Не ичюн сакъсавул багъчада тамыр атып оламай?

г) Не ичюн Эшреф Шемьи-заде эсеринде догърудан догъру Ватан, сюргюнлик, асретлик сезлерини ишлетмей?

д) Насыл усулларнен къуллана? (меджаз, кинае, къыяс)

Нетидже. Эшреф Шемьи-заде «Озьбекистан балладасы» эсерини язгъан вакъытта сюргюнлик мевзусыны ачыкъламакъ ясакъ эди. Шаир меджаз, кинае усулларынен къулланып къырымтатар халкъынынъ сюргюнлик фаджиасыны косьтере. Сакъсаул пытагъынынъ образы вастасынен къырымтатар халкъынынъ такъдирини, арзуларыны акс эте.

4) Дерснинъ эпиграфына къайтув.

«Бульбульни алтын къафесте тутсанъ да, гуль терегини сагъыныр».

Суаллер

- Эшреф Шемьи-заденинъ эсери ве аталар сезю арасында насыл багъ

бар?

- Ватан акъкъында даа насыл аталар сезлери билесиз?

5) Ватан сёзюнен сенкан тизмек.

Ватан

Тувгъан, дюльбер.

Гъурурланамыз, яшаймыз, севемиз

Биз озь Ватанымызнен гъурурланамыз.

Ана-юрт.

VI. Нетидже чыкъарув.

Суаллер боюнджа субет («Микрофон» усулы, суаллерни талебе бере)

- Дерсте насыл шаирнинъ иджадынен таныш олдыкъ?

- Окъугъан эсернинъ серлевасы насыл олгъаны акъылынъда къалдымы?

- Бу эсер не акъкъында?

- Дерсте насыл янъы сёзлер огрендинъ?

- Сенинъ ичюн ВАТАН бу не?

VII. Баалав (комментирлев)

VIII. Эвге вазифе

1 группа. Метинден сонъ берильген суаллерге джевап берюв.

2 группа. Мини инша язув.

«Бизим тараф» йыры янърай.