Статья Кэскиллээх оло5у киэргэттилэр, утуе оло5у уескэттилэр...

"...Кэскиллээх олоҕу киэргэттилэр,

Үтүө олоҕу үөскэттилэр..."

(Реас Алексеевич Кулаковскай төрөөбүтэ 100 сылыар аналлаах мероприятие)

Муус устар 8 күнүгэр саха норуотун норуот дэппит, кини киэн туттуута, саха уус-уран литературатын төрүттээччи, норуоттар доҕордоһууларын олохтуурга кыаҕын-күүһүн биэрбит киһи -Өксөкүлээх Өлөксөй соҕотох оҕото, эмиэ айар үлэнэн дьарыктанан, айымньы бөҕөнү норуотугар бэлэхтээбит, суруйан хаалларбыт Реас Алексеевич төрөөбүтэ 100 сылын биһиги республикабыт бүттүүн общественноһа бэлиэтээтэ. Ол чэрчитинэн, биһиги И.С.Портнягин аатынан Сыырдаах орто оскуолатыгар ыам ыйын 6 күнүгэр Өксөкүлээх Өлөксөй сиэнэ, Реас Кулаковскай кыыһа Раиса Реасовна ыалдьыттаан барда.

Биһиги Реас Кулаковскайы суруйааччы эрэ быһыытынан буолбакка, спортсмен быһыытынан суруйуулартан ааҕан, истэн, эдэр сылдьан, атах оонньуутугар кылыыга, ыстаҥаҕа үрдүк көрдөрүүлэри ситиспитин аа5ан, истэн билэбит. Ол ситиһиилэрин суруйааччы 60 сааһын туолбутун кэннэ буланнар, Саха Республикатын спордун маастарын аатын иҥэрбиттэр эбит.

Кини үөрэнэн ылбыт идэтэ- нуучча тылын учуутала, ол да буоллар, оскуолаҕа нуучча эрэ тылын буолбакка, физика, математика курдук ыарахан предметтэри, ону таһынан, байыаннай дьыаланы үөрэппит.

Кини норуотун тылынан уус-уран литературатын үөрэтээччи, оҕолорго аналлаах сүллүүкүттэр, абааһылар, ойууттар тустарынан олус кэрэ кэпсээннэрдээх, сэьэннэрдээх.

Кини айылҕаны, булду ис сүрэҕиттэн сөбүлүүрүн элбэх айымньыттан ааҕан билэбит. "Талааннаах киһи барытыгар талааннаах" диэн, мээнэҕэ эппэттэрин өссө төгүл итэҕэйэбит.

Кулаковскайдар аймах туһунан эһэлэрэ Өксөкөлээхтэн саҕалаан, аахтахха, бүппэт, сүрдээх элбэх матырыйаал, уонна ол барыта саха норуотун историятын кытта ыкса сибээстээх. Онон, ордук аа5ааччыны умсугутар алыптаах.

Раиса Реасовна элбэх кэрэхсэбиллээх кэпсээннэриттэн быьа тардан сэһэргээтэ. Уерэнээччилэр сурдээ5ин болҕойон иьиттилэр. Ол кэннэ ССРС культуратын үтүөлээх үлэһитэ, Бэрт-Ууһун бочуоттаах олохтооҕо , сельскай библиотека заведущая Клара Федоровна Слепцова кинигэ быыстапкалаах, интириэһинэй кэпсээнин са5алаата.

6 кылаас уерэнээччитэ Андрей Петров «Окно в науку» научнай-практическай конференцияҕа Реас Кулаковскай айымньытынан региоҥҥа 2-с миэстэлээх уонна оҕо библиотекатын анал бирииһин ылбыта. Кини нэһилиэк «летопиһыгар» киирэр дириҥ ис суолталаах дакылаатыттан быһа тардан кэпсээтэ. Уонна Раиса Реасовнаҕа таһаарбыт кинигэтин бэлэх уунна.

Оскуола иһинэн начальнай кылаастарга Реас Алексеевич айымньыларынан уруһуй, орто сүһүөххэ Реас Алексеевич туһунан стенгазета күрэхтэрэ ыытылыннылар.Дьууллуур субэ5э оскуола - уерэтэр үлэҕэ директоры солбуйааччыта У.И.Черкашина, иитэр улэ5э директоры солбуйааччы Н.С.Хорунова, технология учуутала М.М.Петрова улэлээтилэр.Түмүккэ уруһуй конкурсугар: 3м. 1кылаас Бурцева Валерия, 2м. 4 кылаас үөрэнээччитэ Бурцева Дина, 1м. 4 кылаас үөрэнээччитэГуляева Жанна.Хаһыат күрэҕэр: 3м. 8 кылаас коллектива (сал.А.Г.Портнягина), 2м. 6 кылаас коллектива (сал. Н.А.Алексеева), 1м. 5 кылаас коллектива (М.И.Куличкина). Оскуола коллективын аатыттан Раиса Реасовнаҕа махтал сурук, өйдөбүнньүк бэлэх туттарылынна.

Ыалдьыттарбытыгар кэрэхсэбиллээх кэпсээннэрин иьин уерэнээччилэр ааттарыттан улахан махталбытын тиэрдэбит.

Сыырдаах орто оскуолатын 10 кл.үөрэнээччитэ Черкашина Шура

</