Тәрбие жұмысының әзірлемесі Тауық пен балапандар 1-сынып

Тақырыбы: «Тауық пен балапандар»



Мақсаты: Мүмкіндігі шектеулі балаларға үй құстары және олардың тіршілігі жайлы түсінік беру. Үй құстарына қамқор болуға ,оларды күте білуге тәрбиелеу. Ойлау есте сақтау қабілеттерін жетілдіру. Балалардың саусақ қимыл қозғалыстарын жетілдіру.

Көрнекіліктер: Үнтаспа, үй құстарының суреттері, тірі тауық пен әтеш, балапан, үйректің балапаны, бейнеролик, гуаш, аққағаз, желім, қайшы, ермексаз, құстың ұясы, киндер сырты



Оқу іс -әрекет кезеңдері Тәрбиешінің іс-әрекеті Балалардың

іс-әрекеті.



Мотивациялық қозғаушылық.

Шаттық шеңберіне тұрып, бір-бірлеріне жақсы көңіл- күй тілейді.

Кел, балалар күлейік!

Күлкіменен түлейік

Күлкі көңіл ашады

Күліп өмір сүрейік.

-Сәлеметсіңдер ме, менің кішкене бөбектерім?

-Мен сендерді көргеніме өте қуаныштымын.

-Балалар бүгінгі көңіл- күйлерің қалай?

Балалар шеңбер бойына тұрып, өлең жолдарын айтып, өлең мазмұнына қарай қимыл- әрекет орындайды.

- Жақсы.

Ұйымдастырушылық , ізденімпаздылық

- Балалар қазір жылдың қай мезгілі?

- Дұрыс айтасыңдар көктем мезгілі

- Көктем мезгілінде неше ай бар?

- Жарайсыңдар балалар үш ай бар екен .



Үнтаспадан үй құсы тауықтың даусын тыңдату.

-Балалар сендер ненің даусын естіп тұрсыңдар?

-Иә, қандай құстың дауысын естіп тұрсыңдар?

-Дұрыс айтасыңдар әтештің.

Ал мынау қандай құстың даусы?

- Жарайсыңдар балалар бұл тауықтың даусы екен.

- Мынау ненің даусы?

- Балапанның дауысы дұрыс айтасыңдар.

- Балалар сендер мына суретте ненің суреттерін көріп тұрсыңдар?

- Дұрыс айтасыңдар, қаздың, үйректің, әтештің.

- Балалар біз бұларды үй құстарына жатқызамыз.

-Мынау қаз деп аталатын үй құсы. Қаздардың балалары да болады екен.

- Олардың балаларын балапан деп атайды екенбіз.

- Ал мынау - үйрек. Үйректіде үйде ұстауға болады екен. Үйректің де баласын үйректің балапаны деп атайды екенбіз.

-Ал бұл балалар ненің суреті?

-Дұрыс айтасыңдар тауық,

-Ал тауықтың баласын не деп атайды екенбіз?

-Бүгін біз үй құстарының бірі-тауық пен оның балаларымен танысатын боламыз.

Тауық -ең көп тараған құстардың бірі.

Оны «мекиен», «әтеш» деп екіге бөлеміз.

-Тауық пен әтештің айырмашылықтары болады екен.

-Мына суретте әтештің басында айдары бар,қауырсыны түрлі түсті болады екен.

Тауықтың баласын жаңа айтып өткендей балапан деп атайды екенбіз.

-Балапанның түсі қандай?

-Тауықтарға жем су береміз.

Тауықтар бидайды жақсы көреді екен.

Сергіту сәті

Бейне роликтен көрсету арқылы балаларға сергіту жаттығуын жасату.

Ғажайып сәт

Есік қағылады.

-Балалар бізге қонаққа кім келді?

-Дұрыс айтасыңдар?

-Бұл әтеш екен.

-Балалар сендер әтешті ұстап көресіңдер ме?

- Ал мынау не балалар?

- Жарайсыңдар балалар бұл тауық екен.

- Тауық сенің неге көңіл күйің жоқ?

- Мен балапандарымды жоғалтып алдым.

- Балалар сендер менің балапандарымды тауып бересіңдер ме?

- Балалар тауыққа көмектесеміз бе?

- Ендеше балалар тауықтың балапанын тауып беру үшін саяхатқа шығайық.

Тауықты ертіп саяхатқа шығу.

- Балалар мына жерде балапандар жүр екен.

- Тауықтан сұрайықшы, бұл сенің балапандарың ба?

- Жоқ.

- Бұл балалар үйректің балапандары екен.

- Балалар мұнда тағы балапандар жүр екен.

- Тауық бұл сенің балапандарың ба?

- Иә, бұл - менің балапандарым

- Балалар сендерге көп-көп рахмет ,менің балаларымды тауып бергендерің үшін.

-Балалар, біз мына тауықтың баласы мен үйректің баласына зерттеу жұмыстарын жүргізіп көрейікші.

-Балалар мына тауықтың балапан мен үйректің балаларының айырмашылықтарн тауып көрейкші.

Тауықтың балапандарыың тұмсығы үшкір болып келеді.Ал үйректің балапандарының тұмсығы сүйір болып келеді.

-Ал екеуінің аяқтарын салыстырып көрейікші?

-Үйректің баласының аяғы жалпақ , арасы қосылып тұрады.

- Ол тауықтың балапанының аяқтары тарам-тарам болады.

- Балалар бұлардың тағы бір айырмашылығы үйректің балапандары суда жақсы жүзеді, ал тауықтың балапандары суда жүзе алмайды екен.

- Тауық , сен келіп балалармен бірге оқу іс-әрекетіне қатыс, келіп жайғасып отыр.

- Балалар, келіңдер, барлығымыз орталықтарға бөлініп отырайық.

- Бірінші орталықтағы балалар түрлі-түсті қағаз қиындыларынан балапаның бейнесін қағаз бетіне желім жағу арқылы жапсыратын боламыз.