№9 орта мектеп жанындағы шағын орталық тәрбиешісі Сарина Торғын Тақырыбы:«Құтты болсын, Жаңа жыл!»

№9 орта мектеп

«Құтты болсын, Жаңа жыл!»

(IІ-кіші «Еркетай» тобының ертеңгілігі)

Тәрбиеші: Сарина Т

2016-2017ж.

«Құтты болсын, Жаңа жыл! »

Балалар жаңа жылдық әуенмен залға кіреді.

Жүргізуші: Балалар, біз әсем безендірілген шыршаның жанында жаңа жыл мерекесін тойлауға жиналдық.

Құрметті қонақтар, балалар жаңа жылдарың құтты болсын! Бүгін сендердің балабақшадағы алғашқы Жаңа жыл мерекелерің сендерге тек жақсы көңіл-күй әкелсін!

-Балалар қараңдаршы әдемі шыршамыздың жанында бізді біреу күтіп отырған сияқты. Бұл кім өзі?

- Бұл қоян.

-Дұрыс айтасыңдар. Қане, бәріміз қоянмен амандасайықшы.

-Сәлеметсіз бе!

Қоян: - Сәлеметсіңдер ме, балалар! Жаңа жыл құтты болсын! Қане, бәріміз қоянша секірейікші! ( бәрі қоянша секіреді).

Жүргізуші: Балалар қараңдаршы шыршамыз қандай тамаша!

Қоян: ия шыршамыз тамаша бирақ шамдары жанбаған екен. Олай болса бәріміз: Шырша шамын жағайық,

Қуанып бір қалайық!

Қуант бізді таңырқат,

Жасыл шырша,

Шамдарыңды жарқырат!

( шыршаның шамдары жанады,балалар қол шапалақтайды)

Жүргізуші: Би: «Қандай қызық ойын бар»

Жүргізуші: Қоян біздің балаларымыздың әдемі шыршаға арнаған тақпақтары бар екен соны тамашалаңыздар! Ортаға: Мерей, Надия, Адия, Маликаны шақырамыз.

Айзере: Тамаша, тамаша,

Шыршамыз тұр жараса.

Басында әсем жұлдызы,

Көз тоймайды қараса.

Акырыс: Жасыл желек жамылған,

Асыл моншақ тағынған.

Міне сұлу шыршамыз,

Көптен күтіп сағынған.

Самғат: Мерекеге келдік,

Тақпақ айтып бердік.

Ойыншықтар тізілген,

Шыршаны да көрдік.

Максат: Шырша,шырша,

Қуаныш жалпыға.

Сүйікті шыршамыз,

Жарқыра, жарқыра.

Жүргізуші: Кел, балалар, келіңдер,

Шыршаға ән салып беріңдер.

Ән: «Көңілді шыршамыз!»

( Әуенмен залға Ақшақар кіреді.)

Ақшақар: Сәлеметсіңдер ме, балалар мен қонақтар!

Сүйсіндірер маңайды,

Ақшақармын арайлы.

Жалт-жұлт еткен жүзімнен,

Күміс сәуле тарайды.

Ақшақармын аппақпын,

Қалай тыныш жатпақпын.

Менсіз қыстың сәні жоқ,

Әнмін, жырмын, тақпақпын.

Жүргізуші: Балалар, бұл Аяз атаның немересі Ақшақар. Қане, бәріміз қайталайықшы Ак-ша-қар! Ақшақар, Аяз ата қайда? Бірге келмеді ме?

Ақшақар: Аяз атам кештеу келеді. Балаларға сыйлық әкелемін деп орманға кетті. Балаларды күттірмей ертерек бара бер деп мені ертерек жіберді. Қане, кімнің қандай өнері бар екен?

Жүргізуші: Олай болса ортаға өздерінің тақпақтарымен Айсезім,Ұлболсын.

Шапағат: Аппақ, аппақ қар аппақ,

Аппақ,аппақ дала аппақ.

Қырау,қырау тал аппақ,

Айналаның бәрі аппақ.

Қайсар: Далада қар борайды,

Ақ мамыққа орайды.

Жолдар мұз боп қатады,

Жып-жылтыр боп жатады.

Сұлтан: Өзеніме, көліме,

Әсем ою ойыпты.

Ағаштардың бәріне,

Алқа тағып қойыпты.

Нұрислам : Далада қар борайды,

Ақ мамыққа орайды.

Мұз болады қатады,

Жып- жылтыр боп жатады.

Жұпар Қол ұстасып, құшақтасып,

Үйренейік жаңа жыр.

Құтты болсын,құтты болсын,

Құтты болсын жаңа жыл.

Қоян: өте жақсы, балалар! Тақпақтарың керемет! Мен сендермен ойын ойнағым келіп тұр. Ойнаймызба?

Ойын: « Қар жинау»

Жүргізуші: Балалар тыңдайықшы бизге Аяз ата келе жатқан сияқты. Қане бәріміз Аяз ата, Аяз ата деп шақырайықшы.

Аяз ата: Құтты болсын,балалар,

Келген Жаңа жылдарың.

Алаңдамай өсіңдер,

Еркелеп ұл-қыздарым.

Жүргізуші: Аяз ата алыс жолдан келдіңіз, төрлетіңіз! Балалардың сізге дайындаған әнін қабыл алыңыз.

Ән « Бала, бала, баламыз».

Қоян: Әнді өте жақсы айтады екенсіңдер. Енді мен өз бишілерімді «Аңдар» биімен ортаға шақырайын./ ұлдар билейді/.

Жүргізуші: Ендігі кезекті балалардың тақпақтарына кезек берейік.

Ортаға: Зере, Дамир, Димаш, Ерасыл,Арай,Анжела, Алимжанды шақырайық.

Айзере: Сақалы аппақ күмістей,

Тістері аппақ күріштей.

Қызыл ала шапаны,

Сағындым Аяз атаны!

Ақниет: Ақ таяғын таянып,

Таңмен бірге оянып.

Аяз ата келіп тұр,

Ақ күпіге оранып.

Сұлтан: Көрікті, бөрікті,

Аяз ата келіпті.

Беріп жатыр таратып,

Алма, банан,өрікті.

Самғат: Аппақ тонға оранып,

Базарлықты мол алып.

Келді алыс сапардан,

Аяз ата оралып.

Айназ: Аяз ата келеді,

Тамашаны көреді.

Риза болып қуанып,

Бізге сыйлық береді.

Інжу: Сыйлығы толы дорбада,

Аяз ата ортада.

Өнері асқан балаға,

Қалдырады қолтаңба.

Алихан : О, алақай, аяз атай,

Келе жатыр алыста.

Қане достым әнге қосыл,

Әнге қосыл қалыспа.

Жүргізуші: менің кішкене бүлдіршіндерім тақпақ айтып қана коймайды сонымен бірге биде билейді. Би «Ақша қарлар».

Жүргізуші: Аяз атаны, Ақшарды, қоянды ортаға алып

</<font face="Times New Roman, serif">«Кел жаңа жыл» атты ән шырқайық.

Аяз ата: Бәрекелді қарақтарым, өркендерің өссін! Балалар біздің немерем Ақшақар екеуіміздің кететін уақытымыз болды.Басқада балалар күтіп отыр сау болыңдар!

Қоян: балалар сендермен ән айтып, би билеген, ойын ойнаған маған қатты ұнады. Бирақ меніңде кететін уақытым болды сау болыңдар!

Жүргізуші: құрметті қонақтар осымен «Қызғалдақ» тобының дайындаған шағын ертеңгілігі аяқталды. Жаңа жылдан жаңа жылға амандықпен жетейік. Сау болыңыздар!