Сценарий праздника светлой Пасхи в школе на мокшанском языке

Валда очижинь шись!

Слайд (храм и колокола)

Россия, кельгома Россия!

Ки крайса акша келунал.

Тунда тейть менель нармонь лии

И ляйхне комболдозь увнайхть.

Слайд (лик богородицы)

(Ученица в роли ангела)

(слайд «Ангелы поют с небес»)

Очижи! Зърнянь торамаса

Ангелхне морайхть менельса.

Кенердеда, сембе христиаттне,

Кенярдеда! Христозсь Вельмось!

Очижи! Христозсь Вельмось!

Кулхцондат и афолеть лотка кулхцондомда

Сяс, мес аш сяда цебярь, валда, ару праздник!

Тя шитнень ломаттне васедемста мярьгонь-

дихть фкя - фкянди: «Христос Воскресе!» и «Воистину Воскресе!»

Тя иласта фалу шавихть пайкне илякс- сяда кайгиста и вииста. Миньгя марясаськ церькавста пайгонь шавомать.

(Пасхальный звон)

Пайкне шавихть,

Церькавста ломаттне сайхть,

Зарясь менельса палы

«Христос Воскресе!»

Сембе: - «Воистину Воскресе!»

Оцюдонга оцю шись,

Сембодонга учсефсь.

Кеняртьфтемасть, Очижи!

Шкаень ванфкя кучсек.

(Слайд: Иисус Христос) - несколько слайдов.

Шкаень ванфкясь лезды аф кирдемс кяж, простямс сянь, кие кода арьсят обжанзе.

Иисуссь азозе эсь прянц муворукс ломаттнень грехснон инкса, сявозень грехснон эсь лангозонза, эняльдсь Шкайти - простялезень ломаттнень.

Иисуссь эрясь и старандась сянкса, штоба ломаттнень седиста юмаль кяжсь, сон лездсь сярядихненди, пъчкафнезень, стяфнезень пильге лангс.

(Слайды из земной жизни Иисуса Христа).

- Иисуссть учениконзон еткса мувсь аф поваднай, сон арьсесь мимс учительснон Колмогемонь монетада, вятезень стражникнень Гефсиманскяй саду.

Ся илядня Иисуссь тяса пращась учениконзон мархта. Сон содазе - шавсазь, азондозе тянь учениконзонды. Азондозе сяньге: колмоце шиня, кле, мон эреклан.

(Слайд: Гюстав Доре «Тайняя вечеря»)

Стане и лиссь, кода азондозе Христозсь. Сась Иуда, вятсь стражникт. Палазе Христозть, тяфта няфтезе сонь стражникненди.

(Слайд: Гюстав Доре «Поцелуй Иуды»)

Христозть муцязь, вачкодезь крёзс.

(Слайд: Гюстав Доре «Смерть Христа»)

(Музыка Гребенщикова Рэквием и «Танец со свечами»).

(После танца со свечами ,пауза. Затем звон колоколов).

На фоне колоколов:

- И вов 3-це шиня недляшиста Сон вельмось!

(Слайд)

-Христос Воскресе! Христос Воскресе!

Юмась вень шобдась.

Сембе менельсь пиндолды валдса.

Шавихть пайкне

Кельгомань илать колга,

Оцю чудать колга:

Стясь шкайсь модаста

Христозсь, Христозсь Вельмось!

(Тропарь «Христос Воскресе!»)

И вов Очижись сась сетьме веста, коса сонь учсезь таколдозь.

Сембе содасазь койть: архнемс Очижинди алхт.

Ули тяфтама предания, што святой равноопостольнай Мария Магдолинась, пачкодемок проповедь мархта Риму, макссь Римскяй оцязорти Тибериянди саразонь ал, и мярьгсь тяфта: «Христозсь Вельмось!»

Оцязорсь ашезь кема, што кие-бди вельми, тяфта, кода акша алсь архтови якстерьста.

Тя пингть лиссь чуда: акша алсь ушедсь архтовома якстерьста.

Тяда меле христиаттне очижинди фалу архнихть алхт. Алста шачи од эряф.

Алкедсь няфти лазкст, якстерь тюссь тяка пингть няфтьсы Иисус Христость веронц шудеманц ломаттнень инкса и Спасительть Оцязоронь цебярьшинц.

Очижинь алнятнень явондсазь куду сувайхненди.

(Инсценировка). Стол, накрытый празднично. Хозяйка печет блины. Входят дети.

- Христос Воскресе!

-Воистину Воскресе!

Очижиста сембе алятненди и од цератненди мярьгондеволь шавомс пайкнень. Сяс шиньберфь марявсь пайгонь вайгяль, пона кеняртьфнезень ломаттнень.

(Колокольные перезвоны пасхальные).

Праздниконь шраса аделсевсь Валда Христосонь Недяляшись - святой и павазу шись.

Очижить праздновасазь недяля. Ломаттне якайхть фкя-фкянь шири инжикс, ярхцсихть мичкта, куличта, да архтф алда.

А кодама праздниксь етни мокшень пачафтома? Эрь праздниконди мокшаватне пицихть пачат. А кодама пачаса каванясамазь минь стиреньке? А ну, стирнят - мазынят, лиседа и азость, кода машттада пачань пидема?

Пачкалга, пачкалга.

Месс аф пидят пачанят?

Аванязе -нола,

Шапакскя изь шоря.

Кафта ялгат шнафтыхть пря:

Маштыхть пачань пидема.

Кармасть пачань пидема

Пачкалгсь кядьснон пидезень.

Вайса пачкалгть вадине,

Шапапскязень каяйне,

Ваймонязень идезе:

Пачкалгсь пачать пидезе.

(Пачатнень путеазь играть лангс).

Очижись аф эрьси нюрямфтома. Сиретне, оттне, шабатне пяк кельгсазь нюрямаснон.

Нюрян вяри, няян ичкози.

Коса монь дуганнязе алняса налхкси.

- Шабат, а тинь ули мяленте налхксемс очижинь алняса?

-Аряда налхксетяма! (Катание яиц - две игры).

1. Кинь алоц сяда ичкози кевори?

2. Кинь алоц сяда ламос шары?)

Мокшетне кельгсазь кштимаснон. Стирьхне и цератне якальхть лугав, морсельхть и кштикшнельхть. Миньге стиреньке и цераньке маштыхть кштима и морама.

1. Луганяса келунясь.

2. Приметат.

Валда Очижинь недляшить нинге кунара народсь сотнезе шить мархта. Ломаттне арьсесть, што Очижиста «шись налхки». Синь старандасть няемс шить налхкоманзон и тянь мархта содамс, кодама ули од урожайсь и погодась.

Очижинь васенце шиня приметнезь: Очижиста менельсь ару и шись налхки - цебярь урожаенди и мани кизонди.

Святой пиземонди - цебярь розь.

Святой атямонди - цебярь урожай.

Къда Очижинь омбоце шиня мани шись - кизось кармай пизему, къда шись туцяв - кизось ули коське.

Лувондоволь, што Очижинь алсь пъчкафтсы эрь сярятьфть.

А къда святиндаф якстерь алть путомс сёроть ёткс, то кармай цебярь урожайсь.

А къда якстерь алть кадомс сай Очижити, то сон тисы сянь, мезе ерат.

3. Мокшень танец.

Очижиста ульсь обуця- нолямс воляс нармоннятнень.

Нармоннят, нармоннят,

Лямбе кизонь кандынят,

Курок лиеда миньдейнек,

Минь пачада анттядязь,

Лофцта, ведьта симттядязь.

Морось «Нармоннятне, лиеда!»

5. Частушкат.

Тячи минь мархтонт нинге весть ляфтаськ Валда праздникть - Христость Вельмаманц!

Очижись - тя кенярдемань и мазышинь, цебярень и кельгомань праздник. Тя праздниксь -цебярть сяськомац кальдявть лангса.

Уледа тинге фкя-фкянди внимательнайхть, милосерднайхть и цебярьхть. Кадок тинь седисонт фалу ули вера, надияма и кельгома!

- Христос Воскресе!

-Воистину Воскресе!