Кіріктірілген ұйымдастырылған оқу қызметінің технологиялық картасы

КІРІКТІРІЛГЕН ҰЙЫМДАСТЫРЫЛҒАН ОҚУ ҚЫЗМЕТІНІҢ ТЕХНОЛОГИЯЛЫҚ КАРТАСЫ

Тәрбиеші: Турысбаева Назира Нурланбековна, санаты жоқ

Білім аймағы: «Таным»

Бөлімі: Сенсорика

Пән аралық байланыс: «Таным», «Коммуникация», «Денсаулық»

Тақырыбы: Бауырсақтың саяхаты

Педагогтың мақсаты: Педагогикалық процессті ересектердіңбалалармен бірлескен іс әрекеті мен баланың өз бетінше еркін әс әрекеті негізінде құру. Зейінді белсендіру, ынталандыру тәсілін еңгізу арқылы балалардың жұмысқа қабілеттілігін көтеру, баламен қарым-қатынаста және жұмыс істеуде баланың қызығушылыған және белсенділігін төмендететін артық жиі қайталануларды болдырмау.

Балалардың мақсаты: Балалардың түстер туралы білімдерін қалыптастыру. Түстерді ажырата білуде білімдерін кеңейту.

Міндеттері:

Дамытушылық: материалдарды ұстап құрастыру арқылы балалардың көру, есту, ойлау, есте сақтау қабілеттерін арттыру. Дәстүрден тыс әдісті қолдану арқылы саусақ қимылын дамыту.

Білімділік: тіл байлықтарын, сөздік қорларын молайту. Кейіпкерлерге жанашырлық сезімін, көмектесу ниетін тудыру.

Тәрбиелік: қайырымдылыққа тәрбиелеу.

Оқу түрінің үйымдастырылған формасы: аралас

Қажетті құрал-жабдықтар, көрнекіліктер: жапырақтар, ойыншықтар, таратпа материалдар, картошка, ватман, гуащь,тоғай, фетрдан жасалған алма, бауырсақтар

Сөздік жұмыс: бауырсақ

Алдын-ала жүргізілген жұмыс: балаларға ертегі айтып беру, түстерді қайталау

Шаттық шеңбері

Амансың ба, Алтын күн!

Амансың ба, Көк аспан!

Амансың ба, Жер Ана!

Амансың ба, достарым! Тосын сый. Топқа Бауырсақ келеді. Балалармен амандасады.

-«Балалар мен ата мен апамнан адастым. Үйіме қайта алмай жүрмін.»-деп Бауырсақ жылайды.

-Қане, балалар бауырсақпен амандасайық.

-Бауырсақ қандай?

-Бауырсақ домалақ, сары.

Сөздік жұмысы: бауырсақ

-Жүр бауырсақ қолыңнан ұстайын.

Бауырсақ: -Жоқ, жоқ, мені ұстама. Мені жаңа ғана пісірді. Мен ыстықпын. Сендер мені үрлесеңдер мен суыймын.

Тыныс алу жаттығуы: «Бауырсақты үрлейік»

Бауырсақ: «Ой, балалар, рахмет сендерге. Бірақ ата мен апама қалай барамын? »

-Ой, бауырсақ сен уайымдама. Біз сені қазір ата мен апаға апарамыз. Ол үшін бірақ біз тапсырмаларды орындауымыз керек.

-Балалар, жүріңдер орманға барайық.

Ол үшін мына денсаулық жолымен жүріп өтеміз.

(Ормандағы сыбдырлаған ағаштардың дауысы шығады. )

Бауырсақ: Қандай әдемі . Бұл ненің дауысы?

-Бұл жапырақтардың дауысы. Күздігүні жел соққанда тоғайдағы жапырақтар жерге түседі.

Бауырсақ таңырқайды: «Қандай керемет, Қандай әдемі!»

Осы кезде Қоян шығады. -Мына жердің бәрін ластадыңдар. Жапырақтың бәрін шаштыңдар. Қазір бауырсақ мен сені жеймін.

Бауырсақ: -Мені жемеші мен саған өлең айтып беремін.

Қоян: (ренжиді) Жоқ, бауырсақ мен сенің өлеңінен жалықтым. Одан да мына шашалыған жапырақтарды жинаңдар.

Балалар жапырақтардың түстері қандай? (қызыл, жасыл)

-Енді осы қызыл жапырақтарды қызыл себетке, ал жасыл жапырақтарды жасыл себетке жинай қойыңдар.

Ойын: «Жапырақтарды жинау»

(музыка қосылады)

Қоян: -Жақсы, балалар сендер ақылды екенсіңдер.

Балақайлар ары қарай денсаулық жолымен жүріп өтейік.

Тоғайдың түбінде аю отырады. Аю көңілсіз.

-Аю сен неге көңілсізсің?

-Мен үлкен шарлар мен кішекнтай шарларды айыра алмай тұрмын.

-Ал біздің балалар қазір саған көмектеседі.

Аю шарларды түсіне және пішініне сәйкес орналастыра алмай тұр. Аюға көмектесеміз бе?

Ойын: «Шарларды түсіне сәйкес орналастыр» (қызыл, жасыл, үлкен-кіші)

Аю: -Балалар, сендерге көп рахмет. Сендер сондай зерек екенсіңдер!

Осы кезде алдымыздан қасқыр шығады.

Қасқыр:-О бауысақ мен сені жеймін.

Бауырсақ -Жемеші мен саған өлең айтып беремін.

Қасқыр:- Жоқ сенің өлеңінен жалықтым. Мен мына балалармен ойнағым келіп тұр.

Балалар сендер ойын ойнауға қалай қарайсыңдар?

-Жақсы, қасқыр біздің де сенімен ойнағымыз келіп тұр.

Қозғалмалы ойын: «Аю, аю тұршы»

Ал енді балалар ары қарай денсаулық жолымен кеттік.

Алдымыздан түлкі шығады.

Түлкі-О бауырсақ мен сені жеймін.

Бауырсақ:-Мені жемеші қазір мен саған өлең айтып беремін.

Түлкі -Жалықтым сенің өлеңінен. Маған көп бауырсақ керек.

-О-о-о саған көп бауырсақ керек болса біздің балалар саған бауырсақ салып береді.

Ойын: «Түлкіге арналған бауырсақ»

Балалар тәрелкеге картошкамен бауырсақтың суретін салады.

Міне түлкішек саған біздің балалар көп бауырсақ дайындап қойды.

Түлкі:

-Ой балалар сендерге көп рахмет. Мен бір бауырсаққа тоятын болдым. Балалар, міне бауырсақтың үйіне де келіп жеттік.

Бауырсақ:

-Балалар, сендерге көп рахмет. Мен енді ата мен апамды тыңдаймын. Алысқа кетпеймін. Сендермен бірге маған қызықты болды. Міне, апам сендерге көп бауырсақ дайындап қойыпты. Ас болсын!