Тәрбие сағаты Өз құқығынды білесің бе?

Күні: 18.10.2016 ж

Тақырыбы: Сен өз құқығыңды білесің бе?

Мақсаты:

1. Оқушыларға адам құқықтары мен бостандықтары жайлы түсінік қалыптастыру , құқықтық білімдерін толықтыру.

2. Оқушылардың саяси саналығы мен таным белсенділігін арттыру.

3. Адамгершілік , ізгі қасиеттер мен ар-ождан бостандығына , адалдық пен мейірімділікке баулу арқылы құқықтық тәрбие беру.

Түрі: Сынып аралық топтық жұмыс.

Көрнекілігі: Қ.Р рәміздері, ҚР конституциясы, заң туралы қанатты сөздер.

Сайыс жоспары:

1. «Тікелей сұрақ» әр топқа 6 сұрақ

2. «Өз құқықтарын білу»

3. «Жағдаяттық сұрақтар»

4. «Мұны әрбір оқушы білуі тиіс»

5. «Кім жылдам»

Қанатты сөздер:

«Тәртіпке бас иген құл болмайды» Б.Момышұлы

Сайыс барысы:Ұйымдастыру-екі топқа бөлінген оқушылар жеке-жеке отырғызылады, сайыс мақсатымен таныстырылады.

І топ «Бейбітшілік»

ІІ топ «Заңгерлер»

Тәрбиеші:

-Құрметті оқушылар және ұстаздар! Мемлекетіміздің Ата Заңының 1 бабында «Қ.Р құқықтық және әлеуметтік мемлекет, оның ең қымбат қазынасы-адам және адамның өмірі, құқытарымен бостандықтары» деген қастерлі сөздерді енгізген.

Бүгіндері құқықтық мемлекет құрамыз деген заманда әрбір адамның өз құқықтарын жете біліп, жалпы заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді. Сондықтанда заңды білу- заман талабы.

І бөлім. Сайысымыздың алғашқы бөлімі «Тікелей сұрақтар». Әр топқа заң, құқық тақырыптарына қатысты сұрақтар қойылады.Әрбір дұрыс жауап 1 фишкамен есептелінеді. Тәрбие сағатымыздың соңында есептейміз қай топтың білімі көп

І топ

1.Қ.Р Мемлекеттік биліктің бірден бір бастауы? (халық)

2. Республика заңдары қай кезде күшіне енеді? (президент қол қойған соң)

3. Республикадағы жоғары заң шығарушы орган? (парламент)

4. ҚР өзін қандай мемлекет ретінде орнықтырды? (демократиялы)

5. ҚР тәуелсіздігі туралы заң қашан қабылданды? (1991 ж 16 желтоқсан)

6. Құқық дегеніміз не? (мемлекет тарапынан заңдастырылған және қорғалатын жалпыға бірдей міндетті нормалар жүйесі)

ІІ топ

1. ҚР-да билікті иемденіп кетуге кімнің құқығы бар? (ешкімнің)

2. ҚР «Бала құқытары туралы» заң қай жылы күшіне енді? (2002 ж 8 тамыз)

3. ҚР валютасы қашан қолданысқа енді. (1993 жыл 15 қараша)

4. Халықпен мемлекет атынан билік жүргізуге кімнің құқығы бар? (президент пен парламент)

5. ҚР «Мемлекеттік нышандар туралы» заң қай жылы қабылданды? (1992 ж 4 маусым)

6. Балалар құқықтарының конвекциясы қашан қабылданды? (1998 жыл)

ІІ бөлім. Өз құқығынды біл (Бала құқытары туралы) Әрбір дұрыс жауап 2 фишкамен бағаланады.

1. Баланың азаматтық құқығы қай кезден басталады? (бала туған кезінен басталады)

2. Қай жылы «Балар құқығы туралы» конвекция қабылданды?(1989 жыл 20 қараша)

3. Неше жасқа толмаған адам бала болып есептелінеді? (18)

4. Әр адамның жеке басының куәләндыратын құжат қандай (төлқұжат)

5. Адамның дүниеге келуі негізінде жатқан негізгі ажырамас табиғи құқығы қандай?(өмірсүру құқығы)

6. Бала неше жастан бастап қылмыстық жауапкершілікке тартылады? (16 жастан бастап)

ІІІ бөлім. «Жағдаяттық сұрақтар» 3 фишкамен бағаланады

І топ. Мәдина түрік жігітіне тұрмысқа шықпақшы, бірақ ата-анасы қарсы. Себебі олар Мәдина ҚР азаматтығын жоғалтады деп қорқады және өз еліне келе алмайды деп алаңдайды. Мәдина азаматтығын жоғалта ма? (7-бап жоқ жоғалтпайды)

ІІ топ. Ирина мен Қайрат ҚР азаматтары, бірақ олар Украинада келісім бойынша жұмыс істейді. Олардың отбасында ұл бала дүниеге келді, балаға қай елдің азаматтығы беріледі? (16 бап ҚР азаматтығы беріледі)

ІV бөлім Мұны әрбір оқушы білуі тиіс. (1 фишкамен бағаланады )

І топ «Бейбітшілік» Оқушы құқықтары

ІІ топ «Заңгерлер» Оқушы міндеттері

Сонымен біздің қандай құқығымыз бар екен?

- Баланың аман - сау өсіп, жетілуін қамтамасыз етілуі.

- Баланың жеке отбасылық өміріне қол сұғылмайды.

-Бала дүниеге келе салысымен өзіне есім алады.

-Баланың өз пікірін еркін білдіруге қақысы бар екенін.

-Егер бала тәртіп бұзса, оларды айуандық қинау түрлеріне жол берілмейді.

Қазақстан Республикасының азаматтарының міндеттері:

1. Заңдарға бағыну.

2. Басқа азаматтардың құқықтарын, бас бостандықтарын, арын құрметтеу.

3. Мемлекеттік рәміздерін құрметтеу.

4. Қаржы, салықтарды төлеу.

5. Тарихи және мәдени байлықтарды сақтау.

6. Табиғатты және табиғи байлықтарды сақтау.

7. Ата - аналардың балаларына қамқорлық етуі, балалардың ата - ана алдындағы міндеттерін орындау.

8. Орта мектеп білімін алу.

V- бөлім «Кім жылдам» Мақал-мәтелдің жартысын тауып, түсінік беру. ( 1 фишкамен бағаланады)

1. Біреуге ор қазба ... (өзің түсесің)

2. Заңның құрығы ... (бәрінен ұзын)

3. Ұрлық түбі ... (қорлық)

4. Қолыңмен істегенді ... (мойныңмен көтер)

5.Ұры бір түнде - бай,

Бір күнде - ...(кедей)

6.Қонақ келсе - құт,

Қарақшы келсе - ...(жұт)

7. Еңбек түбі - ...(зейнет)

Осымен бүгінгі тәрбие сағатымыз аяқталды. Қорытындылай келе сіздерді ата заңды құрметтеп, өздеріңіздің құқықтарыңызды қорғай білуге шақырамын. Әділ қазыларымыз сөз берейік