Тәрбие сағаты. Қарым-қатынас жарасымы

Өзін-өзі тану мұғалімі: Қолғанат Д.

10-сынып

Тренинг тақырыбы: Қарым - қатынас жарастығы

Қатынасатындар: Мұғалім, ата - ана, оқушы

Мақсаты:

-Мұғалім, ата - ана, оқушы арасындағы қарым - қатынасты жақсарту;

-Ата - ана мен мектеп арасындағы қарым - қатынасты дамыту;

- Алға қойған мақсатқа жету жолындағы қиыншылықтарды жеңе білуге оқушыларды тәрбиелеу.

Қолданылатын әдіс - тәсілдер: Пікірлесу, сахналау, ойтүйін жасау, сұрақ - жауап.

Түрі: тренинг - сабақ

Өтілу барысы:

І. Ұйымдастыру кезеңі (Тренингтің мақсаты мен тапсырмаларын таныстыру)

ІІ. Тренингке қатысушыларды топқа бөлу.

1. Психологиялық ойын.

Шаттық шеңбері.(Барлық қатысушылар шеңберге тұрып, жұмсақ ойыншықты кезек - кезек ала отырып, бүгінгі күнге, бір - біріне жақсы лебізін білдіреді.)

2. «Ән - көңілдің ажары» бөлімі

Қатысушыларға Күй тыңдату

1. Адами қарым - қатынас деген не?
   
   2. Адами қарым - қатынас жасау адам өмірінде неліктен бағалы құндылық болып табылады?
   
   3. Сөздің қарым - қатынас жасаудағы рөлі қандай?
   
   4. Сахналау
   
   Адами қарым - қатынастағы ең басты әдептілік бұл - сәлемдесу болып табылады. Қазақ халқында сәлемдесудің түрлері көп. Олай болса, әр топқа мынадай тапсырмалар беріледі:
   
   Ата - аналар тобына: Ата, әжелердің амандық - саулық сұрасуын сахналау.
   
   Оқушылар тобына: Өз құрбыларымен сәлемдесуді сахналау.
   
   Сахналау соңынан мына сұрақтарды талқылау:
   
   1. Қалай амандасқан жөн деп ойлайсыздар?
   
   2. Амандасу әдептілігі жайлы не білеміз?
   
   3. Қазақ дәстүрінде сәлемдесудің қандай реттілігі қалыптасқан?

Жаңа ақпарат.

Сәлемдесу - қай халықта болмасын, бір ғана мүддені көздейді. Ол бір - бірінің саулығын сұрасу, өздерінің аман - есен кездесіп тұрғанына қуаныш білдіру, ниеттері ақ, адал екендіктерін сездіру. Барлық халықтарда сәлемге сәлеммен жауап бермеу әдепсіздіктің ең нашар түрі, сол ортан, жұртты сыйламаушылық болып табылады. Сәлемдесу - имандылық, инабаттылық, көргенділік, мәдениеттілік белгісі.

«Екі бақа туралы аңыз»

Екі бақа бірде сүттің бетіне түсіп кетеді. Содан бақалар тырмысып шыққысы келеді. Ешқандай шығатын жол таппаған бақаның біреуі ақыры қанша талпынсам да шыға алмаймын ғой, одан да өле салайын деп өзін - өзі өлімге қияды. Ал екінші бақа қайтсем де шығамын, шығатын жол табамын деп, талпына береді, талпына береді, ақыры жайқалған сүттің бетіне қаймақ тұрып, бақа сыртқа шығады.

(Осы аңыз нені айтқысы келеді және аңыздан қандай ой түйдіңіздер? Әр топ өзара ақылдасып, шешімдеріңізді ортаға салыңыздар)

7. «Есте қалған қызықты оқиға»

Әр топтағы ата - аналар, оқушылар кезектесіп, мектеп өміріндегі қызықты оқиғаларды еске түсіріп, ортаға салады.

«Мен саған сенемін» ойыны

Шарты: Барлық қатысушылар екіге бөлініп, қарама - қарсы қарап, көздерін бір - бірінен алмай, мынадай сөздер айтады, мысалы: «Мен саған сенемін, өйткені, сен жақсы адамсың».

Шығармашылық жұмыс

Ата-аналар оқушылармен бірге «Менің арманым» атты тақырыпта әр түрлі қағаздан өздерінің армандарын жасап тақтаға іледі.

Сергіту сәті

Көздеріңізді жұмыңыздар.Өзіңізге енді атып келе жатқан таңды елестетіңіз.Сіз тау жолымен келе жатырсыз.Таза ауа,сылдырлаған бұлақ суы,құстардың сайраған дауысы,сіз жеңіл демаласыз,сіз күшке толысыз.Күн шуағы сіздің теріңізге сәуле шашуда,самал жел сіздің шашыңызды тербетіп сізге көрік беруде.Бүкіл табиғат күші сізге өз махаббатын сыйлап,сізді таң нұрымен қарсы алады.Ал енді бұл күш сіздің бүкіл денеңізге сіңіріп, қуат беріп тұрғанын сезуге тырысыңыз.Бұл күшпен өзіңізге жақын адамдар мен достарыңызбен бөлісіп жатқаныңызды елестетіңіз,Бұл қуат сіздің өміріңізбен тығыз байланысты.Сіз әлемдегі ең бақытты жансыз.

Тренингті қорыту.

Адами қарым - қатынастағы игі әрекетердің бірі - тіл табысу және өзара түсінісу болып табылады. Қолдан келгенше кикілжіңді болдырмауға әрекеттенген дұрыс. Тіл табысудың басты кілті - кешірім болып табылады. Өмірде адамдардың ашулану, ызалану сезімін тудыратын жағдаяттар болып жатады. Сол жағдаяттар өзара қарым - қатынастың бұзылуына әкеліп соғады. Оларды мәдениет тұрғысынан шешкен абзал!