Сценарий праздника на тему Наурыз-думан

Отаным - алтын бесігім

(танымдық сайыс ойыны)

Мақсаты:

1. Елін, жерін, Отанын сүюге, еліміздің Тәуелсіздігін қорғауға тәрбиелеу.

2. Оқушылардың ой - өрісін дамыту, шығармашылықпен жұмыс істеуге баулу.

3. Қазақ тілі мен ағылшын тілін меңгеруге қызығушылығын арттыру.

Жүргізуші: Қайырлы күн құрметті оқушылар, қадірменді ұстаздар! Еліміздің Тәуелсіздік алғанына 20 жыл толуына арналған «Отаным - алтын бесігім» атты танымдық сайыс ойынын тамашалауға шақырамыз.

1 оқушы:

Күн шаңырақты күміс отау далам бар,

Сүйсініңдер суретіне қарандар.

Туып өскен Отаным - Қазақстан,

Күлімдеп гүл жайнаған күн шығыстан.

2 оқушы:

Азат өлкем күндей күлген шығыстан,

Асыл елім жан - жүректі ұңысқан.

Ата бабам аңсап өскен бақытым,

Айналайын, Қазақстан - гүлстан.

Жүргізуші:

Береке де осында,

Мереке де осында.

Болып жатыр той - думан,

Білгірлердің қасында.

Ал, қанекей жас достар,

Босқа қарап тұрмаңдар.

Бастап сайыс өнерін,

Алыстарға самғаңдар.

Жүргізуші: Ал енді ортаға 7 және 8 - сынып оқушыларынан құралған сайыскер топтарды шақырамыз. Қарсы алайық. Сайыстың бірінші бөлімі «Таныстыру» деп аталады. Әр топ өздерінің топтарыныңатауымен, ұранымен таныстырады.

Жүргізуші: Сайыстың екінші бөлімі «Полиглот» деп аталады. Әр топқа 10 сөзден беріледі. Олар сөздерді қазақ ағылшын тілдеріне аударады. Әр дұрыс жауап бір ұпаймен есептеледі.

1 топ 2 топ

Страна столица

флаг герб

город знаменитый

красивый дружба

большой национальность

мир много

гордый праздник

независимый символы

государство граница

общество народ

Жүргізуші: Сайыстың үшінші бөлімі «Мақалдарды түсін» деп аталады. Әр топқа үш тілде мақал беріледі. Олар мақалдарды аударады немесе басқа тілдегі баламасын табады. Әр дұрыс жауап бір ұпаймен есептеледі.

1 топ мақалдары: 2-топ мақалдары:

Ас атасы - нан. Еңбек - адамның екінші анасы.

Знание - сила. Не ищи сто рублей,

а ищи сто друзей.

Жүргізуші: Сайыстың төртінші бөлімі «сөз құрастыр» деп аталады. Әр топқа ағылшын тілінің әріптер карточкасы беріледі. Олар сол әріптерден мына сөздерді құрастырады: Қазақстан, Президент, Астана, домбыра, бауырсақ. Әрбір дұрыс құрастырған сөз бір ұпайға ие болады.

Жүргізуші: бесінші сайыс ән айту сайысы; әр топ өзі дайындап келген қазақша, ағылшынша, өлеңдерін айтады. Әр ән бес ұпаймен есептеледі.

Жүргізуші: алтыншы сайыс «сөйлем құрастыр» деп аталады. Бұл сайыста оқушылар берілген сөздерден екі сөйлем қазақша, екі сөйлем ағылшынша құрастырады.әрбір дұрыс құрастырған сөйлем бір ұпаймен есептеледі.

1 топ 2 топ

Оқушы, жазды, қаламмен. Ағаштар, өседі, орманда, биік.

Ойнады, доппен, інім. Таза, суы, өзеннің.

Жүргізуші: Жетінші сайыс «жұмбақ шешу» деп аталады. Әр топқа екі қазақша, екі ағылшынша жұмбақ беріледі. Әрбір дұрыс жауап бір ұпаймен есептеледі. Әрбір дұрыс жауап бір ұпаймен есептеледі.

1 топ 2 топ

1.Мұртты болып туады, 1.Қар сияқты аппақ,

Мұртын күнде жуады. Өзі сондай тәтті - ақ.

2.Қолы жоқ -сурет салады, 2.Қыста жерді жауып кетті,

Тісі жоқ -тістеп алады. Ал көктемде ағып кетті.

Жүргізуші: Сегізінші сайыс. «Капитандар сайысы». Бұл сайыста берілген тақырыпқа қазақша, ағылшынша монолог құрастыру керек. Берілетін тақырыптар: «Мектеп», «Отбасы», «Қазақстан», «Менің досым», «Жыл мезгілдері». Әрбір дұрыс құрастырылған монолог бес ұпаймен есептеледі.

Жүргізуші: Міне, сайыстың мәресіне де келіп жеттік. Сөз әділқазылар алқасына беріледі. Бүгінгі сайысқа қатысып, өз білімдерін көрсеткен оқушыларымызға алғысымызды білдіреміз. Қазақстан деген алтын Отанымыздың білімді жастары көбейе берсін.