Біздің қолымыздан не келеді ?

" Біздің қолымыздан не келеді? "

ҰБТ-ге дайындық кезінде ата-аналарға арналған тренинг

Оқушылардың ҰБТ-ға дайындығы барысында ата-ананың ролі. Ата-ана мен баланың арасындағы қарым-қатыныстың ерекшеліктерін психологиялық жаттығулар арқылы көрсету.

І«Сәлеметсіз бе?...» танысу бөлімі.

ІІ. Психологпен бірге ата-аналарға музыкалық әуен арқылы сергіту сәті ұйымдастырылды.

Мақсаты: ата-аналарды балалық шаққа саяхат жасауға шақыру және өздерінің есімдерін бейджге жазып, сол есіммен өздерін атау.

ІІІ. «Түстерге байланысты қасиеттерді анықтау » жаттығуы

Ата-аналар бір-бір карточкалардан таңдап, сол бойынша психолог түстерге байланысты адамның мінез-құлық ерекшеліктерін атап өтті және артында жасырылған сұрақтарға ата-аналар жауап берді.(Төлеутаева П, Акбутина К)

1. Балаңыздың өмірге келуі сізді қандай күйге бөледі? Балаңызды қаладыңыз ба?

2. Оған күн сайын мейірімді сөздер айтып, әзілдесіп, бетінен сүйесіз бе? Кешкілікте онымен бүгінгі күн туралы сырласасыз ба?

3. Сіз онымен отбасының проблемалары, жағдаяттар, жоспарлар жөнінде пікірлесесіз бе?

4. Оның достарымен таныссыз ба? (олар немен айналысады, қайда тұрады?) Бос уақытында кімдермен жүретінін, немен айналысатынын білесіз бе?

5. Өзгеге деген сезімі, сүйіспеншілігі туралы не білесіз?Оның жек көретін адамдары, дұшпаны бар деп ойлайсыз ба?

6.Балаңыздың ең сүйікті пәні мен ең сүйікті ұстазы кім білесіз бе?

7.Егер араларыңызда келіспеушілік жағдай орын алса, Сіз өз балаңызды орынсыз кіналап,жекіріп, арына тиетін сөздерді айтпайсыз ба? Келісімге келуге кім бірінші қадам жасайды?

ІҮ. « Бала біздің болашағымыз! » сурет салу және жоба қорғау.

Мақсаты: Отбасындағы қарым -қатынасты нығайтуға өзара түсінушілікте ата-аналар мен балаларға қолдау көмек көрсету.

Ата-аналар плакатқа тақырыпқа байланысты сурет салды және сол арқылы өздерінің жобаларын қорғады.

( Умбетова М, Мукаримова А.)

Ү. «Біз біргеміз!» жаттығуы

ҮІ. Қорытынды.