Демнигде куштуг! билиглер хунунге турааскааткан класс шагы

Муниципалдыг бюджеттиг ооредилге албан чери

Найырал эге билиг школазы

Школанын директору: ____________________ Манчыылай М.Ш.

31.08.2016 чыл

3-ку класска билиглер хунунге тураскааткан класс шагы

3-ку класстын башкызы

Саая Чойгана Викторовна тургузуп кылган

Дружба-2016 чыл

Класс шагының сорулгалары:

- уругларны бедик мѳзулуг, патриотчу кижизидилгелиг, тѳрээн чурттунуң тѳлептиг кижилери болурунга кижизидери;

- тѳрээн чуртунуң тѳѳгүзүн унелеп, чуртунуң чараш езу-чанчылдарын унелеп билир кылдыр ѳѳредири;

- улуг тѳрээн чурту «Россияның» хѳй-хѳй чоннарын танып, оларнын езу-чаңчылдарып унелеп, ѳске нация чоннар-биле дең эргелиин угаандырып, кижизидери;

- уругларны бодун хѳй-ниити аразынга шын алдынып билирин, оске чурттуң чоннары-биле найыралдыг болурунга кижизидери;

- уругларның аас чугаазын болгаш коллективке бодун шын алдынар чоруун сайзырадыры.

Планнаттынган туннелдери:

Билиглерни шингээдиринин ѳѳредилге ажыл-чорудулгазы: найырал - демниг чоруктуң кол тургузукчузу дээрзин уругларга билиндирери.

Харылзажырынын ѳѳредилге ажыл-чорудулгазы: кижилер-биле харылзажып тургаш дурумнерин ажыглап, харылзажып турар кижизинге билдингир кылдыр чугааны шын тургузуп, башкызынын болгаш эштеринин айтырыгларынга шын харыылап билиринге чанчыктырары; бодунун ажыл-чорудулгазынын туннелин унелеп, башкынын болгаш ѳѳрунун унелелин шын хулээп ап билиринге ооренип алырынын аргазын тургузары.

Регулятивтиг ооредилге ажыл-чорудулгазы: чуртунга ынак патриотчу кижилер болуп, хѳй-ниити аразынга шын алдынып билир, дыл домаан эдип, эш-ѳѳрү-биле эптиг-найыралдыг болурунга кижизидери.

Кичээлдин дерилгези: сюжеттиг чурук, плакат, шарик, ѳңнуг адыштар чуруктары, презентация, карточкалар.

Кичээлдин чорудуу:

I. Киирилде кезээ.

Экии, уруглар! Бис чаа ѳѳредилге чылының бирги класс шагын эртирип турарывыс бо. Чаа ѳѳредилге чылы-биле силерге хѳй-хѳй чедиишкиннерни, чогаадыкчы чорукту кузедим. Бистиң бир дугаар клазывыс шагы кандыг темага эртерин силер дараазында слайдыда чурукту кѳргеш, чуруктуң утказының аайы-биле тыва улустуң улегер домаан тывар силер. Улегер домакта чунуң дугайында чоруп турарыл, бѳгунгү кичээливистиң темазы билдинип келир.

II. Класс шагынын темазын илередири.

Слайд 1 (Теве тудуп чип турар саасканнар чуруунуң дузазы-биле уруглар «Демниг сааскан теве тудуп чиир» деп үлегер домакты үндүрер)

Слайд 2 («Демниг» деп сѳстү ылгап үндерер, ук сѳстүн утказын тайылбырлаар)

-Тыва словарьда «дем, демниг - дээрге, Ожеговтуң словарында «Единство- это общность, полное сходство. Е. взглядов. 2. Цельность, сплочённость. Е. нации, 3. Неразрывность, взаимная связь. Е. теории и практики.

Слайд 3 (Демнигде куштуг.) Уругларга саазынга ийи сѳс берип каан турар, одуруг бурузу ол сѳстер-биле шын домак тургузар. Тургузуп алган домаавыс класс шагынын темазы болур.

Слайд 4 (Демнежилге - быжыг харыылзаа, найырал, тайбың, ѳг-бүле, эптежилге илередип турар)

III. Кол кезээ.

Демнежилге ажылы.

Улегер домактарны уламчыланар. (Уругларга саазыннарда улегер домактарны берип каан турар, олар слайдыда сос каттыжыышкыннарын кожуп тругаш шын улегер домактраны тургузар)

Дамырактар чыылгаш, хем болур.

Тарамыктар чыылгаш, күш болур.

Демнигде - күштүг,

Тепкииштигде - быжыг.

Один за всех, и все за одного.

Один в поле не воин.

Туннел: Найырал, ынакшыл, бузурел, идегел кижилернин болгаш ѳске-даа дириг-амытаннарнын аразында демниг чорукту бадыткап турар.

- Бир эвес эжишкилер аразында найырал, демниг чорук чок болур болза, чуу болуп болурул?

Ѳг-бүлеге демниг чорук чок болур болза, ол ѳг-бүлеге чуу болуп болурул?

Чагыс чурта чурттап турар хары чоннарның аразында дем чок чорук чуге чедирерил?

Аңгы-аңгы чурттарның аразынга эптиг-демниг эвес чорук кандыг айыылдыг байдалдарны тургузуп болурул?

- Бистиң Улуг чуртувусту чуу деп адаарыл? (Россия)

- Россия хѳй нация чоннарлыг улуг куруне. Россияның чоннарынын бот-боттарының аразында найыралдыг, демниг чоруу-биле чуу деп хай-бачыттан бистң ѳгбелеривис бисти камгалап кааныл? (Ада-чурттун улуг дайыны)

- Ада-чурттуң улуг дайынынын тиилгезинин каш чылдаан оюн эрткен 2015 чылда демдеглеп турганыл? (70 чыл)

- 1941 чылда Россияже кайы чурт халдаашкын кылганыл? (Германия)

- Ол дайын чуге болганыл? (немец чон Россияны ээжелеп алыры-биле халдаан)

- Бистин чуртувусту баштап чоруур кол партияны чуу деп адаарыл (Чагыс демниг Россия партиязы)

- Ынчангаш бистин чуртувустун чону аразында кандыг харылзаалыг болуп турарыл?

- Чангыс демниг партияны кым баштап турарыл? (Владимир Владимирович Путин)

- Ол кымыл? (Россиянын президентизи)

- Россияда чуу деп нация чоннар барыл?

Туннел: Улуг куруне Россияның чону демниг болур болза чуртка кандыг-даа багай чуулдер болбас.

IV. Туннел

Тоогуну балап болбас,

Тоогуге даянып чор.

Торел чонну ажыл-иштиг

«Толептиглер» кылдыр чаяар.

Чоннун деми чуртувуска

«Чоргаар» атты хайырлап бээр.

Байгы демни мооннеп тургаш,

Бурунгаарлап дешпип келир.

Демниг чорук бисти найыралдыг, быжыг харылзаалыг, бот-боттарывысты унелеп билир чорукка кижизидер. Ынчангаш бис аравыста база найыралдыг, демниг болур болзувусса кандыг-даа бергелерни ажып эртип шыдаар бис.

Столдарынар кырында ѳңнүг саазыннар бар, ол саазыннарга холдарынар баскаш чурунар, чуруп алган холдарынарны кезинер. Бистин найыралывыс Демниг чорукту илередип турар болзун дээш, кижи бурузу кезип алган холдарын шак бо хунчугештин херелдери кылдыр чыпшырынар.

Дамырактар чыылгаш,

Тарамыктар чыылгаш,

Демнигде

Тепкииштигде

Один за всех,

Один в поле