Сценарий вечера, посвященного творчеству поэта- песенника Марии Виндижевой

Вечер, посвященный творчеству поэта- песенника Виндижевой Марии

(Стихи М. Виндижевой под музыку)

Щыгъэ1у нэхъ жыжьэ уи пшыналъэр,

Адыгэу хъуар, зэхэлъхьи л1ыгъэ,

Къытхуешэл1эж адэжь и жьэгу!

Адыгэ къафэ фхуэтщ1у тыгъэ,

Лъэпкъым тщ1ыжынт адыгэ джэгу!

Ведущий:

Ц1ыхум и гурыгъу-гурыщ1эхэр къызэрып1уэтэф 1эмалхэм ящыщщ макъамэмрэ усыгъэмрэ. Ахэр нэсу зыхэзыщ1эфхэр псэк1э нэхъ къулейщ, я 1уэхущ1афэхэмк1э дахэщ, гупсысэхэмк1э шэщ1ащ. Ахэм ящыщщ нобэ ди еджап1эм и хэщ1э усак1уэ - уэрэдус Вындыжь Марие.

Ведущий:

Марие и къалэмыпэм къыпык1 усэхэр гъащ1эм и лъэныкъуэ куэдым ятеухуащ. Абыхэм къызэщ1аубыдэ сабиигъуэ 1эф1ри, щ1алэгъуэ дахэри, анэ лъагъуныгъэри, хэкупсэ гурыщ1эхэри. Марие и усэхэм ящыщ куэдым ди композиторхэм макъамэ щ1алъхьауэ уэрэджы1ак1уэ ц1эры1уэхэм утыкушхуэхэм щагъэзащ1э.

Ведущий:

Феда1уэ Вындыжь Марие и псалъэхэр зыщ1элъ «Дыкъыздэгъафэ» уэрэдым. Зыгъэзащ1эр епщык1узанэ классым и еджак1уэхэу Бэрокъуэ Тамирланрэ Мэшыл1 Нинэрэщ.

Ведущий:

Вындыжь Марие Колэ и пхъур Къэбэрдей-Балъкъэр АССР-м хыхьэ Дзэлыкъуэ жылагъуэбэм щыщ Сэрмакъ къуажэм августым и 18-м 1950 гъэм кыщалъхуащ.

Ведущий:

Мария и япэ лъэбакъуэр лэжьыгьэм щыхичауэ щытащ Тэрч куейм хыхьэ Плановскэ къуажэм. Налшык дэт педагогическэ колледжым (педучилищэм) щеджэу абы къыщ1ашри хуэзыгъэхьэзыр классхэм щылэжьэну ягъэк1уауэ щытащ. Ик1и нобэми усак1уэм игу ихуркъым зыдэлэжьауэ щыта ц1ыхуф1хэр, езыхэми ящыгъупщакъым Марие.

Ведущий:

1970 гъэм ирагъэкIуэкIа «МакъыщIэхэр» республикэ зэпеуэм «Адэжь лъахэ» зыфIища усыгъэхэмкIэ япэ увыпIэр къыщихьащ.

Ведущий:

1978 гъэм Къэбэрдей-Балъкъэр къэрал университетыр къиуха нэужь урысыбзэмрэ адыгэбзэмрэкIэ егъэджакIуэу щылэжьащ къыщалъхуа Сэрмакъ къуажэм.

Ведущий:

1995 гъэм къыщыщIэдзауэ Къэбэрдей-Балъкъэр Гостелерадиокомпанием редактору щолэжьэ. 2007 гъэ лъандэрэ нэтынхэр езыгъэкIуэкI и лэжьак1уэщ. Нэгъабэ илъэс т1ощ1 ирикъуащ Марие журналисту зэрылажьэрэ.

Ведущий:

2002 гъэм и журналист лэжьыгъэфIым папщIэкIэ Вындыжьыр Къэбэрдей-Балъкъэр республикэм и Къэрал саугъэтым и лауреат хъуащ. Урысейм тхыгъэр традзэн зэрыщIадзэрэ илъэс 300 щрикъум ирихьэлIэу Къэбэрдей-Балъкъэр Республикэм культурэмкIэ и Министерствэм «ЩIыхь тхылъ» къритащ.

Ведущий:

«Ар ди Къэбэрдейщ» етхуанэ классым и еджак1уэ ц1ык1ухэм ягъэзащ1э).

Ведущий:

Вындыжь Марие 2004 гъэ лъандэрэ Урысей Федерацэм и журналистхэм я Союзым хэтщ.

Ведущий:

2005 гъэм адыгэбзэк1э Марие и сабий уэрэдхэр щызэхуэхьэса «Сабиигъуэ гъуэгу» зыф1ища тхылъыр къыдэк1ащ. Абы ихуащ сабий уэрэду пл1ыщ1ым нэблагъэ. А тхылъым и презентацэ щек1уэк1ащ Сэрмакъ ет1уанэ курыт еджап1эм.

(Слайд)

Ведущий:

2006 гъэм Урысей лъэпкъ Ассамблеем и Лъэпкъ Комитетым Вындыжь Марие Дипломрэ дыщэ медалрэ къратащ.

Ведущий:

«Нэ дахэ» - аращ зэреджэр Вындыжь Мариерэ Лий Аслъэнрэ зэдатха уэрэдым. Феда1уэ абы ебгъуанэ кассым и еджак1уэ гупым ягъэзащ1эу.

Ведущий:

Вындыжь Марие унагъуэ дахэу, щапхъэ зытрах унагъуэ насыпыф1эу мэпсэу: зы къуэрэ, зыпхъурэ и1эщ, ахэр унагъуэ хъуапсэгъуэ хъуахэу мэпсэу. Нобэ Марие ирогушхуэ щэнейрэ анэшхуэ зэрыхъуам: къуэрылъху хъыджэбз ц1ык1урэ, пхъурылъху щ1алэ ц1ык1уит1рэ и1эщ.

- Тхьэм фхуигъэпсэу, Марие!

Ведущий:

А сабийхэм хуи1э лъагъуныгъэрауэ къыщ1эк1ынщ Марие и творчествэм нэхъ увып1э ин дыдэ щызыубыдри.

Усак1уэм и сабий уэрэдхэр ц1ык1ухэм я гум, я псэм нэс, абыхэм япэу жа1э уэрэд хъуащ.

«Жрыра1э сабийхэм уэрэд» (5 класс)

Дунейр мамыру ушамэ,

Ди уафэр къабзэу нэху щамэ,

Дыгъэпск1э махуэр къытпежьэм-

Жа1э сабийхэм уэрэд.

П1ырып1рэ щабэу щ1акхъуэшхуэ

Анэшхуэм жьэгум щигъажьэм,

Ц1ыху мэжэщ1ал1э щымы1эм-

Жа1э сабийхэм уэрэд.

Унагъуэм щ1эсыр здэгуф1эм,

Зэщыгуф1ык1ыу щызэдэпсэум,

Гуф1эгъуэм я гур зэщ1ищтэм-

Жа1э сабийхэм уэрэд.

И папи мами узыншэм,

И дади нани хуэпсэумэ,

И анэкъилъхухэр джэгуэгъум-

Жа1э сабийхэм уэрэд.

«Адыгэ лъэпкъщ» къытхужа1эу,

Анэдэлъхубзэр т1урылъу,

Ди адыгэщ1ыр псэухук1э,

«Жрыра1э сабийхэм уэрэд».

Ведущий:

Феда1уэ Вындыжь Марие и псальэхэр зыщ1элъ «Къэк1, си розэ ц1ык1у» уэрэдым. Макъамэр Къэбэрдокъуэ Борис ейщ. Зыгъэзащ1эр етхуанэ классым и еджак1уэ ц1ык1ухэрщ.

Ведущий:

Темэ зэмыл1эужьыгъуэ куэдым щылъо1эс усак1уэр и творчествэм. Псом хуэмыдэжу анэм хуэгъэза и усэ купщ1аф1эхэр гум къодэхащ1э, псэр къабзэ, щабэ ящ1.

Чтецы:

1. Алезэ «Хэку- анэ»,

2. Батыр «Си лъахэ» усэхэр.

Ведущий:

Феда1уэ «Си мамэ, си дамэ» уэрэдым Мэшыл1 Аминэ игъэзащ1эу.

Ведущий:

И лъахэм и дахагъэм и гугъу ищ1у хамэ щ1ып1э щыпсэу адыгэхэри гулъытэншэу къигъэнакъым Марие.

«Псэ щытыншкъым хамэ щ1ып1э» (Фатимэ)

Ведущий:

Хэку- анэу ди Хэку дахащэм хуэгъэзауэ усэ дахэ куэд итхащ Марие.

«Уеф1ак1уэ, адыгэ Хэку». Феда1уэ уэрэдым ебгъуанэ классым щ1эс еджак1уэхэм ягъэзащ1эу. Макъамэр дэ ф1ыуэ тлъагъуу, куэдрэ ди школым щылэжьа, ди еджак1уэхэм и уэрэд дахэ куэд бгъэдэзылъхъа Къэбэрдокъуэ Борис ейщ.

Ведущий:

«АДЫГЭ ПЩАЩЭ» Къеджэр Т1ыхъужь Иринэщ.

Ведущий:

Ди Къэбэрдей псом Вындыжь Марие ц1эры1уэ щызыщ1а уэрэдхэм ящыщщ «Си егъэджак1уэ» зыф1ищар. Ар хуэгъэзащ ди егъэджак1уэ лъап1эхэм:

«Си егъэджак1уэ, си ущияк1уэ,

Ди гъащ1э гъуэгум и гъэлъэгъуак1уэ,

Щ1эныгъэ нэхум сэ сыхуэзышэ,

Дахагъэ псоми сыхуогъэушэ» - а псалъэ дахэ дыдэхэр яхуже1э Марие ди егъэджак1уэ емызэшхэм. Ар дыхуейщ нобэ ди егъэджак1уэ псоми тыгъэ яхуэтщ1ыну.

- Феда1уэ уэрэдым етхуанэ классым и еджак1уэ ц1ык1ухэм ягъэзащ1эу.

Роксана: «Уигу сыкъигъэк1ынщ» - мы усэр теухуащ гъэм и сыт хуэдэ зэманри зы 1уэхугъуэ гуэрым, гурыщ1э щэху гуэрхэм епхауэ зэрыщытым, дэтхэнэ зэманми зыгуэр уи нэгу къызэрыщ1игъэхьэм.

(Усэм къоджэ)

Чтецы:

1. Милана «Гъатхэ»,

2. Мухьэмэд «Гъэмахуэ махуэ»,

3. Нинэ «Бжьыхьэ».

Ведущий:

Марие и лъэпкъым хуи1э лъагъуныгъэр инщ. Иджыпсту фызэдгъэдэ1уэну усэм дыкъыщыхуреджэ ди лъахэм илъ мамырыгъэр тхъумэжын папщ1э дэтхэнэ зыми тхузэф1эк1 къэдмыгъэнэну.

«Си лъэпкъ» - Заринэ

Уей си лъэпкъ махуэу зи махуэр нэху,

Нэхугъэу щы1эр къэзыубзыху,

Уи убзыхуак1уэр ди ц1ыху пэрытщ,

Пэрыту уи1эм 1уэхуф1 я1эт.

Уи щ1ылъэ хьэщ1эм лъагъуэ хишам,

Ф1эхъус сэламыр гуапэу ибох.

Адыгэ хабзэм зигу хуэушам

Хьэщ1агъэ нэсыр псоми ибох.

Уей си лъэпкъ махуэу зи махуэр нэху,

Зэныбжьэгъугъэр зи япэ ит,

Щ1ыналъэ дахэу гур зыщыпсэху,

Зи уафэр къабзэу къызыщхьэщыт.

Лъэпкъ зэхэгъэжыр зэи умыщ1,

Уи щ1ып1э къихьэр уэ уогъэпэж.

Пэжагъыу пхэлъыр зэи хэмыщ1,

Хабзэуэ зепхьэр уей нэхъыбэжщ

Уей си лъэпкъ махуэу зи махуэр нэху,

Зэхуэдэу лъэпкъхэр щызэдэпсэу,

Псэуэгъу пхуэхъуахэм я гур щопсэху

Хуиту щагъак1уэр я гъащ1э псор.

Зэкъуэшхэр быдэу фызэрубыд,

Ди мамырыгъэр дывгъэхъумэж.

Уей мамыр вагъуэр уафэм щолыд,

Дунейр щы1эхук1э ар иремыж.

Ведущий:

Хэку зауэшхуэм хэк1уэдахэм, ноби Хэкум и хъумак1уэхэм я ц1э къримы1уэн хузэф1эк1акъым Марие.

1. «Хэку хъумак1уэхэм я махуэ» - Залина,

2. «Ухуак1уэм и махуэ» - Къэбэрдокъэ Сэтэней.

Ведущий:

Марие зыщалъхуа Сэрмакъ къуажэм къыдэк1а усак1уэ нэхъыжь Хьэ1упщы Лолэ мыпхуэдэу хуитхауэ щытащ:

(«Лолэ» - Беслъэн)

Ведущий:

Вындыжь Марие езым итха усэхэм нэмыщ1 и1эщ адыгэбзэк1э зэридзэк1ыжа усэхэри:

1. «Къызже1э, си адэ, адыгэбзэ» - къеджэр ебгъуанэ классым и еджак1уэ Тхьэкъуахъуэ Залинэщ.

2. «Сэри Кавказым сыщыщ 1ыхьэщ» - къеджэр епщык1узанэ классым и еджак1уэ Урыс Алинэщ.

(«Ар насыпщ» - 5-нэ классым и еджак1уэхэм ягъэзащ1э).

Ведущий:

Ещхьыркъабзэу Марие и усэхэри урысыбзэк1э зэридзэк1ащ Къэзанш Людмилэ:

1. «Слово» -

2. «След» -

Ведущий:

Вындыжь Марие теухуауэ ебгъуанэ классым и еджак1уэ Щауэ Аделинэ игъэхьэзыращ презентацэ гъэщ1эгъуэни, феплъ.

(Презентация)

Ведущий:

Нобэ ди хьэщ1эщ Вындыжь Марие игъусэу радиом и лэжьак1уэ, редактор Махуэл1 Хъэджэт. Ди гуапэу псалъэ идот Хъэджэт.

(Выступление)

Чтецы:

1. Усак1э 1эзэу ц1ыхубэм ура1эну,

Дунейпсо иным уи ц1эр ща1этыну,

Тхыгъэ дахэу зэхэплъхьахэр

Мык1уэдыжын дамыгъэм и фэеплъ ирехъу!

2. Уи щ1ыхьымрэ, зэф1эк1ымрэ ину,

Уи пщ1эр лъагэу,

Уи мурадыр къохъул1эу,

Ехъул1эныгъэ куэд уи1эу

Илъэс куэдк1э дызыгъэгуф1эн Тхьэм уищ1!

3. Уи уэрэджы1ак1уэхэм куэдрэ уагъэгуф1эну,

Уэрэд дахэ куэ ц1ыхубэм ябгъэдэфлъхьэну,

Гум, псэм дыхьэу уэрэдхэр зыгъэзащ1э артистхэр

Тхьэм куэдрэ игъэпсэу, игъэгушхуэ уэрк1э!

Ведущий:

Феда1уэ Зэрамыщ1э Заретэрэ Вындыжь Мариерэ зэдатха «Шыгъуэ ц1ык1ур мэк1уэрак1уэ» уэрэдым. Жызы1эр Мэшыл1 Нинэщ.

Ведущий:

Иджыпсту псалъэ еттыну дыхуейт нобэрей ди зэ1ущ1эр зытеухуа, ди хьэщ1э лъап1э - усак1уэ, уэрэдус ВЫНДЫЖЬ МАРИЕ.

Упщ1эхэр:

(Утыку джэгу)

7