Ыдыс түрлерін мүсіндеу ашық сабақ 2 сынып

Технология

Тақырыбы

Ыдыс түрлерін мүсіндеу

Мақсаты

Қазақ ыдыстарын қазіргі ыдыс түрлерімен салыстыра отырып түсіндіру;

Ойлау қабілетін дамыту,көргендерін есте сақтап, оны қайта жаңғыртуға үйрету;

Оқушылардың еңбекке деген қабілеті мен қызығушылығын арттыру, әдемі бұйым жасауға үйрету;

Күтілетін нәтиже

Топпен жұмыс жасауға дағдыланады.

7 модульдің қолданылуы

АКТ", "Оқыту мен оқудағы жаңа тәсілдер", "Оқыту үшін бағалау және оқуды бағалау", "Сыни тұрғыдан ойлауға үйрету", "Оқытуды басқару және көшбасшылық".

Қолданылатын әдіс-тәсілдер

«Қайталау-оқу айнасы»,Миға шабуыл, Ойлан тап, «10 адым аттап,10 ыдыстың атын атау»

Қолданылатын ресурстар

Флипчарт, маркерлер, портреттер, тақта, стикерлер,

Сабақ барысы

Мұғалімнің іс-әрекеті

Оқушының іс-әрекеті

Ұйымдастыру кезеңі

Тренинг

Психологиялық дайындық жүргізу:

Шебер біздің атамыз,

Шебер біздің әжеміз,

Шебер болған бабам да,

Біз де шебер боламыз.

Оқушыларды «Балмұздақ таяқшалары» арқылы 1,2 топқа бөлу;

Алтын ереже құру қажеттігі туралы айту.

Әр топқа бағалау парағын таратып беру.

Оқушылар топқа бөлініп, өз топбасшыларын сайлайды.

Топ ішінде тәртіп ережелері талданып , сол арқылы сыныптың алтын ережесін құрады.

Бағалау парағы арқылы топбасшылар өз топ мүшелерін бағалап отырады.

Білу

Миға шабуыл

Интерактивті тақтаға «Қайталау-оқу айнасы» әр түрлі деңгейдегі сұрақтар беріледі,

Интерактивті тақтадағы сұрақтар арқылы оқушылардың кезекпен жауап беруі сұралады.

1. Ыдыс-аяқ дегеніміз не?

2. Оны қандай мақсатта пайдаланады?

3. Ыдыстардың қандай пішіндері болады?

4. Ыдысты сәндеу керек пе?

5. Ыдыстарды неден жасайды?

Оқушылар интерактивті тақтадан кез-келген ұяшықты таңдайды да,топ мүшелері кезектесіп жауап береді. Оқушылар еске түсіреді, талдайды.

Түсіну

Постермен жұмыс,тақырыпты қорғау

Топпен жұмыс:

І-топ: «Ұстап тану-жұмулы көзбен белгілі бір бұйымдарды /ыдыс аяқ/ ұстап танып, оның күнделікті өмірде не үшін қажет екенін әңгімелеу;»

ІІ-топ: «Сурет салу. Ыдыс-аяқ түрлерін салғызу. Оқушылардың салған суреттерін көрсетіп, атын атап, олардың пішіні, көлемі туралы айтады»

Оқушылардың мақсаты өз ойлары мен пікірлерін айту

Постер арқылы бар білімдерін топпен талқылап ортаға топтан оқушы шығып, тапсырманы постер арқылы қорғайды және өз пікірлерін ортаға салады, бір-біріне түсіндіреді, тақырыпты жинақтайды

Қолдану

Сарамандық жұмыс

Ермексазбен жұмыс

Оқушылардың алған білімдерін тәжірибеде қолдану үшін ермексаздан ыдыс-аяқтардың мүсіндерін жасау:

І-топ: кесе

ІІ-топ: қасық

Талдау

«Ойлан тап»

Ыдыстар туралы жұмбақтар шешу:

Кесе, шыны пиала,

Оларсыз шай құяма.

Қасықсыз тамақ жемейді,

Бәрінің атын не дейді? /ыдыс-аяқ/

Отқа қойсаң елпілдеп,

Быж-быж етіп тұншығар.

Тақиясы селкілдеп,

Танауынан бу шығар. /шәйнек/

Оқушылар жұмбақтардың жауаптарын тауып, жауапқа байланысты қосымша пікірлерін айтып өтеді.

Жинақтау

Ойын: «10 адым аттап,10 ыдыстың атын атау»

Оқушылар ойын барысында ыдыстардың атын атап жүреді. Мысалы: табақ, тостаған,ожау,самаурын, шәйнек, шелек, кесе, қасық,пышақ

Әр қадамда ыдыстардың атын атап, оларды қолданылуы туралы мағлұмат береді.

Бағалау

Бағалау шкаласы мен бағалау парақтарын тарату

Әр топқа бағалау парақтарын тарату, бағалау шкаласын тақтаға ілу керек

Әр топ бағалау парақшасын өздерін бағалайды

Рефлексия

«Екі жұлдыз , бір тілек»

Стикерлерді толтыру

Оқушылар бүгінгі сабаққа деген ойынын стикерге жазып, тақтаға іледі

Оқушылар кері байланыс арқылы өздерінің сабақтан алған әсерлерін, ұсыныс, тілектерін жазады.

Үйге тапсырма

Ермексаздан кесе жасау