Ағаш ою 7 сынып

7 сынып

Пән: Технология

Сабақ №41

Тақырып: Ағаш ою

Сабақтың мақсаты: оқушыларды ағашты ою түрлерімен таныстыру

Дамытушылық: ою әдістерімен тәсілдерін игеруге

Тәрбиелік: Оқушыларды өнерге, шеберлікке, еңбекті бағалауға тәрбиелеу

Құрал - жабдықтар, көрнекті құралдар:сурет, ою түрлерінің ликаласы, тақтай, қашау түрлері, құмқағаз, ағаш балға т.б.

Сабақ түрі: Аралас

Әдіс - тәсілдері: сұрақ - жауап, көрсету, сұрау.

І. Ұйымдастыру кезеңі:

а) оқушылармен амандасу

ә) тізім бойынша оқушыларды түгендеу

б) оқушының сабаққа дайындығын тексеру

ІІ. Үй тапсырмасын тексеру:

1) күйдіру әдістерін атаңыз

2) электр күдіргіш қандай бөліктерден тұрады?

3) техникалық қауіпсіздікті сақтау

ІІІ. Қайталау білімді жанжақты тексеру

Ағашты көркемдеп өңдеу

ІV. Жаңа білімдерді қалыптастыру:

Тақырып: «Ағаш ою»

Көркемдік жұмыстардың ішінде халқымызда ең кең тараған өнердің бірі - ағаш ою болады. Ағаш оюшыларды - ерші, ағашшы, ағаш шебері деп атайды.

Ағашқа көркемдеп ою салу - атадан балаға жалғасып келе жатқан ұлттық дәстүрлі өнер.

Ою түрлері: жалпақ оймалы ою немесе терең ойылған, жалпақ пішінді, бедерлі, ойылған немесе өрнекті, мүсіндік немесе көлемді деп топтауға болады. Геометриялық оюлар ағаш оюдың кең тараған және ежелденкеле жатқан түрі.үшбұрыш, шаршы, дөңгелек пішінді геометриялық фигуралардан тұратын өрнектер екі, үш және төрт қырлы ойықтар түрінде орындалады.

Ағаш материалының бетіне өрнекті арнаулы пышақпен орындайды. Мұндай жағдайда қажетті ережелерді бұлжытпай орындамасаң, қолыңды жарақаттап алуың мүмкін. Өйткені ою көбінесе қолдың күшімен ойылады. Сондықтан бос қолыңды пышақ жүзі жүретін бағытқа жақындатуға болмайды. Әдетте жүзі мұқалған құрал тайғыш келеді. Өйткені құрал жүзі тақтай бетіне қажетті тереңдікке түспесе, өрнек анық шықпайды. Артық күш салып жіберсең, пышақ көтеріліп немесе өрнек ізінен тайып, шығып кетеді.
Кез келген бұйымның өрнектерін оймас бұрын оны міндетті түрде тазалап алу керек. Бұйым талаптарға сай тазалағаннан кейін оған ойылатын өрнектер пішініне, құрылымына байланысты жоспарланады. Бұл талап алдын ала орындалмаса, яғни өрнектерді кесіп болғаннан кейін тазаласа, оның жиектерін, деңгейін бүлдіріп алуың мүмкін.
Бұйымдардың бөліктеріне өрнектерді жоспарлау үшін алдымен оның үлгісін жасап аламыз. Үлгі екі түрде жасалады: біріншісі - өрнектерді қағазға бейнелеп алып, арнаулы бастырма қара қағаз арқылы бұйымға көшіреді; екіншісі - бөлек қағазға өрнектердің бөліктерін симметрия тәртібімен түсіріп, қайшымен қиып алады да бұйымның тиісті орнына жиек бойымен түсіреді.

V. Жаңа сабақты бекіту
1) ағаш оюшы кім?

2) ою түрлерін атаңыз

3) геометриялық ою элементтері

VI. Үйге тапсырма беру: тақтайға сурет салып, оны ою

VII. Бағалау