План урока самопознание на тему 'Армысың, кең дүние' (6 сынып)

Тақырыбы:Армысың, кең дүние!

Құндылық: Қиянат жасамау. Қасиеттер:Жанашырлық, қамқорлық, кеңпейілділік.

Мұғалiм:Темірханова Бағила. Сынып: 6 Оқушылар саны: 21

Сабақ мақсаты:

Оқушыларға әлем,кең дүние,қоршаған орта ұғымын бере отырып, қиянат жасамау құндылығының мәнін түсіндіру.

Міндеттері:

-Қоршағанортаға,бүкіл әлемге қиянат жасамаудың мәнін ашу.

-Жанашырлық,қамқорлық,кеңпейілділік ізгі қасиеттерін дамыту.

-Оқушыларды жанашырлық,қамқорлық,кеңпейілділік таныта білуге тәрбиелеу.

Ресурстар:Оқулық, дәптер, А4қағазы, қайшы, желім, музыкалық центр.

Сабақ барысы:

1.Ұйымдастырукезеңі

(Оқушылармен сәлемдесу,түгелдеу)

Тыныштық сәтi.(Нұрға бөлену.)

Ыңғайланыпотырыңыздар,денелеріңізді түзу ұстаңыздар.Аяқ-қолыңызды айқастырмаңыз.Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.

Елестетіп көріңіз;Күн нұры сіздің төбеңізден өтіп,кеудеңізге қарай бойлап барады.Кеудеңіздің орта тұсында гүл түйнегі орналасқан.Гүлдің түйнегі нұрдан баяу ашылып тілек-қалауыңызды шайып,жүрегіңіздің қауызын ашты.Нұр сәулесі сіздің бойыңызға ақырын тарай бастағанын елестетіңіз.Ол біртіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп,сәуле шашуда.Қолымыз тек жақсы,ізгі істер істейдіжәне баршаға көмектеседі.Нұр аяқтарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.Нұр бірте-бірте қарқын және шұғылана бастайды,сіздің денеңізден шығып,жан-жағыңызғасәуле шашады.Осы нұрды туысқандарыңызға,мұғалімдеріңізге,

достарыңызға,таныстарыңызға бағыттаңыз.Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Жаймен көзіңізді ашуға болады. Рахмет.

2.Үй тапсырмасын тексеруА.Өтегенов

"Сан түрліәлем"өлеңін оқып келу,мағынасын

түсіндіру.

Жер-Ананың,өсімдігі-гүлі бар.

Құмырсқасы,арыстаны,пілі бар.

Бәрі-бәрі өз алдына бір әлем,

Әр әлемнің патшалығы,тілі бар.

Соларды ұғып біліп ал!

Десе ғалым,

Іске асырдық бұны да,

Көз жеткіздік бар әлемнің сырына

Бұл заманда,бұл заманда арайлы,

Бәрі олардың игілігіне жарайды.

Біріменен бірі өсіп жетіліп,

Думандатар өмір атты сарайды.

Өсімдіктер әлемі,

Жануарлар әлемі,

Техникалар әлемі...

Аты қандай әдемі.

Өмір қымбат жасауымен сәнімен,

Өмір қымбат әр дауысты әнімен-

Деген ойды алға әрдайым тосасың,

Олай болса,төсіндегі Жер-Ана,

Сан түрлі әлем мәңгі жасасын!

Үй тапсырмасы бойынша сұрақтар.

1.Адам мен әлем бір-бірімен байланыста ма?

2.Қоршаған ортаға жанашырлық танытамыз ба?

3.Сендер қалай қамқорлық көрсетер едіңдер?

3.Дәйексөз.

Адам дүниенің ажары.( халық мақалы)

Дәйексөзді оқушыларға хормен айтқызу,даптерге жаздыру,мағынасын сұрау.Мұғалім өзі қорытындылайды.

Өз әлеміне жанашырлық,қамқорлық таныта білген адам өз өмірінің мәнін де түсіне алады.

4 .Әңгiмелеу.Мұғалім сыйы.

Төле би мен Райымбек батыр жайындағы ел аузындағы әнгімесі.

Әйгілі Төле биге салем бере келген Райымбек бала,аттанарда;

-Ата сізден мынадай сауалдардың мәнісін білсем деп едім!-деп сұрақтарын қойыпты;

-Жер дегеніміз немене?

Ел дегеніміз немене?

Жер сәні дегеніміз немене?

Ел сәні дегеніміз немене?

Жерді не көтереді?

Елді кім көтереді?

Жас батырдың сауалдарының сырын аңғарып, пайымдылығына риза болған Төле би былай деп жауап беріп,батасын берген:

-Жер дегеніміз-тіршілік.

Ел дегеніміз-халқың.

Жер сәні-аққан көлің,жайқалған шалғының,орман,тауың,оны мекендеген аққуы мен аңдарың.

Ел сәні-өркендеп өскен тәрбиелі ұл-қызың

Жер құты-жер қазынаң, кенің.

Жерді су көтереді,

Елді ер көтереді.Сондықтан да халық 'Жер-қазына басы',

'Мал-байлық көзі', 'Батыр ел сақшысы'. Олай болса жер қазынамызды,туған елімізді,қоршаған ортамызды көзіміздің қарашығындай қорғау-ең қасиетті борышымыз-деп ойын түйіндеген екен.

Ж.Мейір,Б.Игенбаева, Креативтік тәрбие,166- бет.

1.Райымбекбаланың қойған сұрағы сендерге ұнады ма?

2.Төле бидің көзіміздің қарашығындай қорғау-ең қасиетті борышымыз дегенді қалай түсінесіңдер?

5.Шығармашылық жұмыс, топтық жұмыс.

Эссе жазу.

Топта талқылау. Әр топтан бір бала өз ойын айтады.

6.Топпен ән айту.

1.Ақ көгершін әнін орындау.

Ақ көгершін көгершін.

Қол қанат құс сен едің

Бар кезіп қайт ел үшін

Кең дүниенің көлемін

ӘдІлеттің құсы деп,

Көз алмастан жолыңда

Бақыт болып қонсын деп

Ұшырамын қолымнан

Қ\СЫ

Ел тілегін алып ұш

Адамзаттың бағына

Қара бұлтты жарып ұш

Мұхиттың арғы жағына

2.Тыныш бейбіт өмірдің

Белгісі боп қанат қақ

Әлемге ортақ көңілді

Қайт шыңына қонақтап

7.Үйге тапсырмасы.

Бұлбұл,жарқанат және қарақұрт. Ертегіні оқу.Оқулық 68-бет.Мағынасын жақсы жағына қарай өзгертіп кел

8.Соңғы тыныштық сәтi.

Оқушылар бүгінгі сабақтан алған жақсы сөздерді, әңгімелерді, жүрегімізге сақтап, өмірде қолдана білейік.