Психологический тренинг на казахском языкеТілек айту

«Таран ауданының білім бөлімі» ММ

«Набережный орта мектебі» КММ

ТРЕНИНГ

Тақырыбы: «Тілек айту»

Педагог-психолог: Пернеев Алмаз

2013-2014 оқу жылы

ТРЕНИНГ

ТАҚЫРЫБЫ: «ТІЛЕК АЙТУ»

МАҚСАТЫ: ҰЖЫМДЫ БІРЛІККЕ, ЫНТЫМАҚҚА ШАҚЫРУ, ҰЖЫМДЫҚ ҚАРЫМ-ҚАТЫНАСТЫ НЫҒАЙТУ.

Бүгінгі білім беру саласында мектеп мұғалімдерінің арасындағы қарым-қатынасты нығайту күн тәртібінен түспей келе жатқан мәселелердің бірі болып отыр. Себебі ынтымағы жарасқан ұжым ғана мектеп абыройын биікке асқақтатары анық. Мұғалімдердің бір ұжымда болып, бір-бірімен жағымды қарым-қатынас орнатуға ұмтылмауы бірнеше факторларға байланысты. Олар педагог жұмысының тығыздығы, уақыт тапшылығы, ұжымдағы жағымсыз климат, тұрмыстық мәселелер және тағы басқалары. Осындай кездері ұжымды бірлікке шақырып, ынтымақта жұмыс істеу, туындаған проблемалармен өзара бөлісу - мектеп дамуын алға жылжытары сөзсіз. Сондықтан да осы олқылықтың орнын аз да болса толтыру мақсатын аталмыш тренингті өткізуді қолға алып отырмын.

НҰСҚАУ: Мұғалімдерді партаға екі-екіден отырғызып, оларға бір парақ ақ қағаз бен фломастер береміз. Әр мұғалім қағазды басының төбесіне қойып, фломастермен жанындағы әріптесінің бет-бейнесін сызады. Барлығы осы тапсырманы бір мезетте орындап болған соң, салынған суреттің жанына тілегін жазып, бір-біріне сыйға тартады.

Кейін барлық мұғалімдер орындарынан тұрып, бір-бірлерімен әр түрлі тәсілдермен амандасады: қолмен, шынтақпен, көзбен, баспен, сөзбен.

Тренинг аяқталғаннан соң барлығы бір-біріне қошемет білдіріп, рахмет айтады.

Барлық мұғалімдерге «смайликтері» бар парақша таратылады. Олар «смайликті» таңдау арқылы, тренингті бағалайды.