Учителю
Рабочая программа по мокшанскому языку.2 класс

Рабочая программа по мокшанскому языку.2 класс

Автор публикации: Плаксина В.П.

Дата публикации: 24.10.2016

Краткое описание:

предварительный просмотр материала

ПОЯСНИТЕЛЬНАЙ ЗАПИСКАСЬ

(ингольдень валсь)

Школать инь эрявикс вешфксоц - тонафтомс шабатнень эльбятьксфтома морафтома и сёрмадома. Тя вешфксть пяшкодемаса оцю смузец мокшень кяльть, кона лезды тонафнихненди цебярьста содамс и рузонь кяльть, и лия предметтненьге.

I -IVце класснень эса тядянь кяльть вельде пяшкотькшневихть тяфтама тонафнемань вешфксне:

- тонафтомс иттнень лац прянь вятема, шачема ширть, Отечествать кельгома;

- тонафтомс перьфпяльдень мазышить содама и шарьхкодема;

- максомс кеме содамошит мазыста корхтамаса, морафтомаса и эльбятьксфтома сёрмадомаса.

Содамс иттненди народоньконь эряфста:

- мокшетнень эряма койснон, унксснон;

- эсь эряма-ащема вастстост перьфпяльдень предметтнень (ошень, велень, ляень, вирень, пандонь, лотконь, вирь ужень, нармонень,жуватань и лия лепнень) лемдема;

- кудъётконь кядьготнень лемснон;

- щапнень и синь мазышиснон (мезьста и кода синь тиендезь);

- фольклорть (моротнень, ёфкснень, валмуворкснень, содама ёфкснень, налхксематнень);

- шабрань ломаттнень мархта соткснень.

ИНЬ ЭРЯВИКССЬ ПРОГРАММАТЬ ЭСА

I -IV ЦЕ КЛАССНЕНДИ ПРОГРАММАСЬ АЩИ КАФТА ПЯЛЬКССТА:

1. Морафтомась и корхтама маштомать касфтомац.

2. Фонетикась, лексикась, грамматикась, сёрмадомась (орфографиясь) и корхтама маштомать касфтомац.

IV классонь программаса морафтома материалсь явондови тяфтаня: 1.Темань коряс морафтоманди кочкаф произведениятне. 2. Класса и аф класса морафтомась.

Программаса кочкаф произведениятнень вельде тонафнихненди мааксовихть содамошит перьфпяльдень эряфть, шачема ширть, Родинать, оцюфнень и иттнень тевснон и эряфснон колга, перьфпяльса и эряфса апак лотксек полафткснень колга и стак тов. Тянь икса программаса морафтомань материалсь эрь классти максф темань коряс.

Морафтомань урокса тонафтыти эряви кирдемс мяльса ся, штоба иттне цебярьста шарьхкоделезь морафтови материалть.

Программаса оцю мяль шарфтови цебярьста морафтомать лангс.

Морафтови материалть лац шарьхкодемс лезды валонь, планонь лангса работамась и текстонь содержаниянди анализон тиемась и лия видонь работатне.

Иттне тонафнихть мушендома текстста ломаттнень, природать и лиянь колга мазыста азф васттнень.

Планть лангса работась ушедови учительть лезксонц вельде.Тонафнихне арьсихть лепт максф текстть башка пяльксонзонды или максф лепнень вельде мушендсазь текстть эрявикс пяльксонзон.

Ня работатнень вельде ученикне эрявихть тонафтомс: а) произведениять логическяй ширде шумордаф эрь пяльксонц мушендома; б) фкя -фкянь мархта башка пялькснень сотовомаснон шарьхкодема.

II-це класса тонафнихне морафтыхть аф оцю и аф стака произведеният Родинать, перьфпяльдень природать, синь кельгомаснон и ванфтомаснон колга.

Морафтомань урокса ётафневихть тонафнихнень мархта творческяй задания мархта упражненият.

Аф класса морафтомась лезды мокшень кяльть тонафнеманцты, иггнень содамошиснон касфтомаснонды и воспитанияснонды.

Аф класса морафтомать вешеманза - вятемс ученикнень самостоятельнай морафтомаснон эрявикс киге, тиемс содавиксокс цебярь авторхнень книгаснон; тонафтомс книгать мархта работама, эрявикс книгань кочкама и морафтома.

II - це класса аф класса морафтоманди кадондови фкя част кафта недяляти.

ФОНЕТИКАСЬ, ЛЕКСИКАСЬ, ГРАММАТИКАСЬ, СЁРМАДОМАСЬ (ОРФОГРАФИЯСЬ) И КОРХТАМА МАШТОМАТЬ КАСФТОМАЦ

II-це класса мокшень кялень грамматикась явови тяфтама пяльксова: «Вайгяльксне и букватне», «Валсь», «Валрисьмось», «Сюлмавозь корхтамась», «Мазыста сёрмадома тонафтомась».

Вайгяльксне и букватне. Тя темать колга шарьхкодема максови I-II-це класснень эса, коса иттне получайхть содамошит вайгялькснень и букватнень колга (гласнайхнень, согласнайхнень, кайги и аф кайги, ляпе и калгода согласнайхнень), тонафтыхть вайгяльксонь и буквеннай анализонь тиема.

Валсь. Валть лангса работамась мольфтеви васенце класста сявомок нилеце классти молемс. Оцю мяль шарфневи валть лексиканц шарьхкодеманц лангс. Тонафнихненди макссеви аньцек стама валонь шарьхкодема, коса синь няфтихть предметонь и эряфонь явлениянь лепт.

I-II-це класса максови шарьхкодема валть пяльксонзон колга.

Валрисьмось.

II-III класса ученикне тонафнихть цебярьста морафтома валрисьмотнень целень и интонациянь коряс, синь пезост эрявикс лотксема тяштенянь путома( . ? ! )

Сюлмавозь корхтамась

II-це класса корхтама маштомать касфтомац ушедови морафтома и сёрмадома урокнень эса. Ученикне тонадыхть текстонь лангса работамста лотксемань и интонациянь тиема, максовихть содамошит, што корхтамась ащи валрисьмоста, валрисьмотне тиихть текст.

Тоса аф ламнянь-аф ламнянь тонафнихне пачкодихть изложениянь, сочинениянь и лия творческяй работань сёрмадома школьнай эряфть, налхкеематнень, экскурсиятнень колга и стак тов.

Творческяй (сёрмадомань и устнай) работатненди сувафтовихть кялень мазолгофтомань средстватне: эпитеттне, синонипне, сравнениятне. Ня средстватнень вельде школьникне урокта урокc цебярьгофнесазь эсь кяльснон и корхтамста, и сермадомста.

Мазыста сёрмадома тонафтомась

II-це класса макссеви фкя урок недяляти. Омбоце классонь тонафнить сёрматфоц улеза эльбятьксфтома, мазы, сермадомста букватнень сересна и келесна улельхть фкя лацот.

Тонафневи предметть вастоц

МБОУ «Рыбкинскяй СОШ-нь «учебнай планть коряс 2013-2014 тонафнема кизоть «Мокшень кяль»предметть тонафнемс максови 102 част (3 частт недяляти).

ИНГОЛИ МОЛИ САТФКСНЕ

Личностнайхне:

-шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;-

- содамс иттненди народоньконь эряфста: мокшетнень эряма койснон, унксснон;

Метапредметнайхне:

- шарьхкодевиста марямс кайги мокшень кяльть ;

- маштомс азома вайгялькснень, слокнень, валхнень, валрисьмонь кочкама;

- маштомс кизекфксонь лангс максома кувака и нюрьхкяня каршек вал;

- маштома эльбятьксфтома, выразительнайста и эрявикс интонациянь вятема лувомста,

- кувакаста и нюрьхкяняста азксонь азондома;

- маштомс учительть мархта , ськамост сёрмадома ; максомс анализ и оценка тиф заданиятненди;

- маштомс корхтама мокшень кяльса.

Предметнайхне:

- морафтома валть марнек, стака валхнень - слогонь-слогонь;

- валть эса ударениять путома;

- валрисьмоть потмоса арьсемань канды инь эрявикс валхнень вайгяльса няфтема;

- валрисьмоть песа интонациять вятема;

- валрисьмоса эрявикс вастс лотксемань тиема;

-маштомс учительть морафтоманц и азондоманц, а станя жа эсь ялгаснон морафтомаснон и азондомаснон кулхцондома;

- устна и сёрмадозь ответонь максома фкя темань коряс путф кизефксонь лангс;

- валрисьмонь арьсема и сёрмадома фкя темань лангс;

- аф оцю морафтф статьянь пяльксонди лемонь максома;

- эсь налхксемань и тевонь колга азксонь арьсема.

- видеста и мазыста сёрмадома буквать, валть, валрисьмоть; сёрмадома книгаста, доскаста, диктавамань коряс;

- проверяма эсь сёрматфснон и петема нолдаф эльбятькснень.

Тематическяй планированиясьЭздост

Теоре-тич.

Корхта-мать

касфтмац

Конт-рольн.

Вайгяльксне и букватне

Мокшень алфавитсь

Слогсь

Калгода и ляпе согласнайхне

Оцю буквась

Предметонь, признаконь и действиянь няфти валхне. Валть пяльксонза.

Валрисьмось

Лятфтамась

Сембось

102

Предметть содержанияц

Фонетикась, грамматикась, орфографиясь и корхтама маштомать касфтомац (102 част)

Азбукать коряс получаф содамошитнень сяда тов кърхкалгофтомасна, вайгялькснень и букватнень шарьхкодемсна. Няфтемс вайгялькснень смузьсна валхнень полафтомаса.

Вайгялькне и букватне (11 част)

Гласнай вайгяльксне и букватне. Согласнай вайгяльксне и букватне.

Слогсь. (14 част) Слогонь- слогонь валонь явомась. Строчкаста строчкас валонь кандомась. ЙХ, ИХ, ЫХ, ЛХ, ЛЬХ, РХ, РЬХ буквань сочетания мархта валхне. И, Й буква мархта валхне. Э буква мархта валхне. ЧА, ЩА, ЧУ, ЩУ, ЖИ, ШИ, ЖЯ, ШЯ, ЩЯ слог мархта валхне.

Калгода и ляпе согласнайхне (34 част)

Согласнай вайгялькснень ляпошиснон няфтемасна Я, Э, Ю, Ё, Е, И гласнай букватнень вельде. Ляпе тяштенясь (Ь) валть песа, валть кучкаса, калгода согласнаень инголе Л буквада меле.

Алфавитсь(6 частт)

Маштомс кочксемс валхнень алфавитонь коряс.

Оцю буквась( 9 частт)

Оцю буквась валрисьмоть ушетксса. Оцю буквась лепнень, отчестватнень, фамилиятнень эса. Оцю буквась жуватань лемса.

Оцю буквась ошень, велень, ульцянь, ляень, эрьхконь, морянь, океанонь, государствань

лепнень эса и стак тов.

Предметонь, признаконь и действиянь няфти валхне.

Валть пяльксонза (14 част)

Предметонь азы валхне и синь кизефкссна: кие? кит?мезе? месть? Марса предметонь няфти валхнень пуроптомасна (тонафнемань вещат, налхкшт, растеният, жуватат, насекомайхть и стак тов)

Признаконь няфти валхне и синь кизефксна: кодама? Кодамот? (кодапт?) . Марса фкя лаца признаконь няфти валхнень тюсонь, размеронь, материалонь, формань кочкамасна.

Действиянь азы валхне и синь кизефкссна: мезе тии? Месенди? Мезе тиихть? Месендихть? Марса действиянь азы валхнень ( моли, арды, Лии, морафты, сёрмады и лият) кочкамасна.

Фкя юромонь валхнень шарьхкодемасна. Валъюрсь, суффиксь, валбесь.

Карань- каршек смузь мархта валхне ( акша- равжа, ламбама- шапама, валда- шобда)

Валрисьмось (10 частт)

Маштомс:

-корхтамать валрисьмонь-валрисьмонь явома;

- мушендома валрисьмоста подлежащайть и сказуемайть;

- кизефксонь коряс валхнень фкя -фкянь мархта сотома;

- азондомань, серьгядемань, кизефтемань, валрисьмонь арьсема.

Валрисьмонь арьсемась и эрявикс тяштенянь путомась валрисьмоть песа (. ? !)

Сюлмавозь корхтамась

Маштомс учительть лезксонц вельде:

-путф кизефкснень лангс ответонь максома;

-максф вал мархта или картинань коряс валрисьмонь арьсема и сёрмадома;

- статьянь пяльксонь- пяльксонь явома, текстть пяльксонь- пяльксонь явома, текстть пяльксонь и марнек азондома.

Эрявихть ётафнемс урокт, коса учительть лезксонц вельде мольфтеви кизефксонь или планонь коряс изложениянь и сочинениянь сёрмадомась.

Мазыста сёрмадома тонафтомась

2-це класса мазыста сёрмадомань упражнениятне ётафтовихть кялень урокнень эса (7 - 10 мин)

Оцю и ёмла букватнень и синь пяльксснон сёрмадомасна:

1) и,ш, И, Ш, п, р, т, г; 2) д, м, Л, М, я, Я, А;

3) у, ц, щ, У, Щ, Ч, ч; 4) сС, еЕ, оО, а, д, б;

5)ь, ы, ъ; 6) н, ю, Н, к, К; 7) В, З, з, Ээ, Жж, Хх, ф; 8) Ф, У, Г, П, Р, Б, Д.

Валонь и валрисьмрнь сёрмадомась

Упражнениянди сявондевихть стама валхт, конат сяда стакат орфографиянь ширде.

Орфографическяй валксть тевс нолдамац.

Содамошитне мокшень кяльса 2-це класса кизоть песта

тонафнихненди эряви содамс:

- алфавитста букватнень лемснон видеста азондома;

- мезьса аф фкат гласнай и согласнай вайгяльксне;

- ляпе и калгода согласнайхнень;

- кайги и аф кайги согласнайхнень; строчкаста строчкас валонь ётафтомать;

- согласнайхнень ляпошиснон няфтемесна ляпе тяштенять (ь) , и, я, ю, е, ё букватнень вельде.

Тонафнихненди маштомс сёрмадома ЖИ, ШИ, ЧА, ЩА, ЧУ, ЩУ слокнень ; видеста, мазыста сёрмадома валхнень, валрисьмотнень , тексттнень, сёрмадома кафта- колма валрисьме макф темать лангс, валхнень слогонь - слогонь явома, вачкотьфть (ударениять) мушендома; оцю буквать сёрмадома; точка, кизефтемань, серьгядемань тяштеня ( . ? ! ) валрисьмоть пес путома; валрисьмотнень эса главнай члеттнень ( подлежащайтьи сазуемайть ) мушендома

Ётафтомс контрольнай работат сяда стака темань тонафнемда меле четверть, кизоть васенце и омбоце пяленц песта.

Кизоть васенце пяленц сёрмадома тетрадьс урокса 20 вал, а омбоце пяленц песта - 25 вал.

Ётафтомс контрольнай диктант грамматическяй 2-3 задания мархта. Заданиясь сотнеф диктантонь текстть мархта.

Кизоньберьф ётафтовихть:

1. Контрольнай диктантт - 4.

2. Тонафнемань и контрольнай изложеният, сочиненият и лия творческяй работат (устнай и сёрмадомань) - 14.

Календарно - тематическяй планированиясьКодама

занятиясь

Урокса тонафнихнень тевсна

Максф

часттне

Ётафтома шись

План.

Факт.

1 -це четвертсь

Вайгяльксне и букватне

Валрисьмось. Валсь.

Маштомс валрисьмонь кочкама, сонь песонза интонациять вятема, учительть мархта, ськамост сёрмадома, анализонь и оценкань максома тиф заданиятненди, видеста озада ащема, ручкань кирдема.

Валрисьмонь мушендомась текстста.

Маштомс текста мушендомс валрисьмот.

Вайгялькссь. Буквась.

Шарьхкодевиста марямс кайги мокшень кяльть, маштомс азома вайгялькснень, слокнень, кулема эльбятьксфтома валста вайгяльксть и буквать, учительть мельге максф вайгялькс мархта валонь азома.

Устнай сочинения. Кода ётафтыне кизонь каникулатнень.

Р/р

Шарьхкодемс мокшень кяльть перьфпяльть ванфтомста, маштома учительть лезксонц вельде валрисьмонь арьсема и сёрмадома фкя темань лангс, оцю буквать няфтема валрисьмоть ушетксса, проверяма эсь сёрматфснон и нолдаф эльбятькснень петема.

Упражненият темать коряс.

Маштомс корхтама мокшень кяльса, сёрмадома ськамост и учительть мархта, наблюдениянь вятема ся валхнень лангса, конат азовихть и сёрмадовихть аф фкя лаца, оценкань максома тиф заданиятненди, эльбятьксонь петема.

6, 7

Гласнай вайгяльксне и букватне.

Содамс и мушендомс валста согласнай вайгялькснень и букватнень, маштомс учительть мархта и ськамост сёрмадома, няфтема гласнай и согласнай вайгялькснень аф фкя ширьснон, сёрмадома книгаста, доскаста, диктавамань коряс, ручкань кирдема, лац озада ащема.

8, 9

Согласнай вайгяльксне и букватне.

Диктант грамматическя задания мархта.

Маштомс сёрмадома .диктант грамматическяй задания мархта

Эльбятькснень лангса работась.

Мокшень алфавитсь

Мокшень алфавитсь.

Шарьхкодемс мокшень кяльть вастонц фкя-фкянь ёткса корхтамста, маштомс азома вайгялькснень и букватнень, афавитть содама, валхнень кочксема, азома и сёрмадома алфавитонь коряс, вайгяльксонь и слогонь анализонь тиема, эльбятьксфтома сёрмадома, видеста озада ащема, лац тетрадень ручкань кирдема.

13,

Алфавитть коряс валонь кочкама.

Алфавитсь. Упражненият.

Обучающай изложения.

Р/р

Эльбятькснень лангса работась.

Маштомс вайгяльксонь и буквеннай анализонь тиема, ляпе и калгода ширде вайгялькснень явфтома, корхтамать валрисьмонь-валрисьмонь явома, кизефксонь коряс валхнень фкя-фкянь мархта сотнема, проверяма сёрматфть и нолдаф эльбятькснень петема, ручкань кирдема.

Слогсь

Слогсь.

Шарьхкодемс мокшень кяльть вастонц эряфса, маштомс валть слогонь-слогонь явома, кизефксонь коряс валхнень фкя-фкянь мархта сотнема, видеста и мазыста сёрмадома буквать, валть, валрисьмоть, азондома согласнай вайгялькснень смузьснон, оценкань максома тиф заданиятненди.

Слогонь - слогонь валонь явомась.

20-22

Строчкаста - строчкас валонь явомась.

Маштомс корхтама мокшень кяльса, максф валхнень мархта валрисьмонь арьсема, аф ётафневи строчкаста строчкас валхнень мушендома, сёрмадома книгаста, доскаста, диктавамань коряс эльбятьксфтома, оценкань максома тонафни ялгатненди.

Йх вайгялькс мархта валхнень строчкаста строчкас ётафтомасна.

Контрольнай диктант

1- це четвертенкса грамматическяй задания мархта.

Маштомс видеста и мазыста сёрмадома диктавамань коряс, оцю буквать валрисьмоть ушетксса, текстть лемонц коряс азксть содержаниянц азома, проверяма эсь сёрматфснон, нолдаф эльбятькснень петема, ручкань кирдема, видеста озада ащема.

Эльбятькснень лангса работась.

Лх вайгялькс мархта валхнень сёрмадомасна.

Шарьхкодемс мокшень кяльть вастонц эряфса, фкя-фкянь мархта корхтамста, маштомс валхнень мархта валрись- монь сёрмадома, «лх» вайгялькснень мархта валхнень строчкаста строчкас ётафтома.

Льх вайгялькс мархта валхнень ётафтомасна.

Шарьхкодевиста марямс кайги мокшень кяльть, маштомс валонь арьсема льх вайгяльксть мархта, предметтнень лемснон азондома, картинкань коряс азксонь арьсема, максф стихотворенияти иллюстрациянь рисовандама, строчкаста строчкас « льх» вайгялькс мархта валхнень ётафтома, оценкань максома тиф заданиятненди, мазыста сёрмадома буквать, валть, валрисьмоть.

2 - це четвертсь

Упражненият темать коряс.

Кемокстама од темать.

Сочинения описаниянь элемент мархта

Р/р

Маштомс тяштемс сочинения описания мархта.

Рх вайгялькс мархта валхнень сёрмадомасна.

Содамс, што строчкаста строчкас ётафтомста «рх» вайгяльксонь р, х букватне фкя-фкянь эзда аф явфневихть, маштомс валрисьмонь ётафтома рузонь кяльста мокшеннети, валмуворксонь кочкама, азондома, вайгяльксонь и буквеннай анализонь тиема.

Рьх вайгялькс мархта валхнень сёрмадомасна.

Шарьхкодемс ляпе тяштенять вастонц валса, маштомс азксонь арьсема рисункань коряс, сувафтомок « рх» и «рьх» вайгялькс мархта валхт, сёрмадома эльбятьксфтома книгаста, доскаста, диктавамань коряс, оценкань максома ялганди.

Рьх вайгялькс мархта валхнень сёрмадомасна и ётафтомасна.

Калгода и ляпе согласнайхне

Согласнайхнень ляпошиснон няфтемасна я буквать вельде.

Шарьхкодемс гласнайхнень смузьснон согласнайхнень ляпошиснон няфтемаса, маштомс валхнень эзда эрявикснень кочкама, слогонь-слогонь валхнень морафтома, азома, аф фкакс ширеснон няфтема.

Ю буквать вельде.

Маштомс «ю» буквать вельде согласнайхнень ляпошиснон няфтема, валхнень слогонь-слогонь морафтома, максф валхнень мархта валрисьмонь арьсема, содама ёфксонь кочкама, эсост ляпе согласнайхнень мушендома.

Ё буквать вельде.

Шарьхкодевиста марямс кайги мокшень кяльть, маштомс кочкаф содамошитнень и сатфкснень нолямс школань и эрь шинь эряфса, валрисьмонь ётафтома рузонь кяльста мокшеннети, рисункань коряс азксонь арьсема, сувафтомок «ё» буква мархта слокт, учительть мархта и ськамост сёрмадома, лац озада ащема, ручкань кирдема.

Е буквать вельде.

Шарьхкодемс мокшень кяльть вастонц фкя-фкянь ёткса корхтамста, маштомс валзотксонь морафтома, слокнень мархта валонь азома и сёрмадома, текстста кизефкснень лангс ответонь мушендома, арьсемкань лувома и азома, ялга мархта корхтамань вятема.

Подробнай изложения максф планонь коряс.

Р/р

Маштомс мокшекс сёрмадома подробнай изложения планть коряс.

Эльбятькснень лангса работась.

Маштомс эльбятькснень лангса работама.

И буквать вельде.

Азомс, кода азовихть согласнайхне «и» буквать инголе, маштомс корхтама мокшень кяльса, максф валхнень эзда валрисьмонь тиема, кизефкснень лангс ответонь сёрмадома, валзотксонь морафтома и полафтома кепотьксонь коряс, оценкань максома тиф заданиятненди.

Ляпе тяштсь (ь) валть песа.

Шарьхкодемс ляпе тяштенять смузенц валть песа, маштомс валхнень явфтома, конат шумордавихть калгода и ляпе согласнайса, максф рисункатнень коряс валрисьмонь сёрмадома, максф текстти лемонь путома, кизефкснень лангс отвечама, эльбятьксфтома мазыста сёрмадома.

Ляпе тяштсь валть кучкаса.

Содамс, кода полафтови валсь «ь» путомда меле, маштомс сёрмадомста валхнень явома строчкаста строчкас ётафтомс, арьсема, коза путома «ь», максф валхнень мархта арьсема и сёрмадома варисьмот, выразительнайста ёфксонь лувома.

Творческяй изложения.

Маштомс сёрмадома творческяй изложения.

Контрольнай диктант

2 -це четвертенкса

Шарьхкодемс мокшень кяльть вастонц перьфпяльть ванфтомста, маштомс эльбятьксфтома диктавамань коряс сёрмадома, валрисьмотнень пес лотксема тяштень путома, нолдаф эльбятькснень мушендома и петема, мазыста сёрмадома буквать, валть, валрисьмоть.

Эльбятькснень лангса работась.

18-19

Ляпе тяштсь валть кучкаса.

20-21

Э буквась валть ушетксса.

Шарьхкодемс «э» буквать смузенц и вастонц валса, маштомс азксста эрявиксть мушендома, кизефксонь коряс ответонь максома, валрисьмоста максф буквать мархта валхнень мушендома и азома, валрисьмонь арьсема валзотксонь мархта.

3 четвертсь

30 ч.

Я буквась валть ушетксса.

Азондома, кода содамс, мъзяра слогта валса, мяляфтомс «я» буква мархта валхнень сёрмадомаснон, маштомс валрисьмонь арьсема максф валзоткснень мархта, рисункань коряс кувака и нюрьхкяня азксонь арьсема и азондома.

И - й буква мархта валхне.

Шарьхкодевиста марямс кайги мокшень кяльть, маштомс няфтема «я», «и-й» букватнень вайгяльксонь смузьснон, сёрмадома буквать, валть, валрисьмоть мазыста и эльбятьксфтома.

3, 4

Шипящай согласнайхне Ж, Ш, Ч, Щ.

Шарьхкодемс шипящай согласнайхнень вастснон валса, маштомс азондома шипящай вайгялькс мархта слокнень, выразительна лувома, валрисьмоть песа интонациять вятема, валрисьмонь арьсема, валонь кочксема максф валхнень ёткста, рузонь кяльста мокшекс валрисьмонь ётафтома.

Сочинения «Мезе мон маштан тиема»

Маштомс сёрмадома сочинения темать коряс.

ЖИ, ШИ слокнень сёрмадомасна.

Шарьхкодемс мокшень кяльть вастонц фкя-фкянь ёткса корхтамста, перьфпялень ванфтомста, маштомс азома вайгялькснень, слокнень, валхнень, валрисьмонь кочкама, устна и сёрмадозь ответонь максома, видеста и мазыста сёрмадома, оценкань максома ялганди, максф валрисьмотнень и валзоткснень коряс азксонь сёрмадома.

ЧА, ЩА, ЧУ, ЩУ слокнень сёрмадомасна.

Маштомс кочкаф содамошитнень и сатфкснень нолямс школань и эрь шинь эряфса, слокнень сёрмадома и азома, рисункань коряс азксонь арьсема, валзоткснень мархта валрисьмонь сёрмадома, ребусонь кочкама, эльбятьксфтома валонь, валрисьмонь сёрмадома, лац озада ащема, ручкань, тетрадень кирдема.

ЖЯ, ШЯ слокнень сёрмадомасна.

Диктант грамматическяй задания мархта.

Эльбятькснень лангса работась

Маштомс ошибкатнень лангса тиемс тев.

11, 12

Ударениясь.

Шарьхкодемс мокшень кяльть вастонц эряфса, фкя-фкянь ёткса корхтамста, маштомс азома вайгялькснень, слокнень, валхнень, валти ударениянь путома, няфтема, ударнай и аф ударнай гласнайть лия шрифтса печатлаф валхнень эса мума, азксонь действиятнень молемаснон шарьхкодема, рисункань коряс азксонь азондома.

13, 14

Кайги и аф кайги парнай согласнайхне.

Шарьхкодевиста марямс кайги мокшень кяльть, маштомс вайгяльксонь и буквеннай анализонь тиема, валста ударениять вастонц мума, гласнай и согласнай, кайги и аф кайги согласнайхнень явфтома, тяштенятнень вастс эрявикс валонь путома, азксти лемонь арьсема, тиф заданиятненди анализонь и оценкань максома.

Кирьфтаф изложеия.

Маштомс сёрмадомс кирьфтаф изложения .

Оцю буквась

16-18

Оцю буквась фамилиятнень, лепнень, отчестватнень эса.

Содамс оцю букватнень сёрмадомаснон ломаттнень лемса, отчестваса, фамилияса, валрисьмоть ушетксса, маштомс кизефкснень лангс отвечама, текстста оцю букваса сёрматф валть, валрисьмоть ушетксонц и пенц мушендома, иллюстрациянь коряс ёфксонь азондома, эсь вийса оцю букваса валонь арьсема и сёрмадома.

Оцю буквась жуватань тердема лемса.

Касфтомс маштомашитнень ялга и оцю мархта прянь вятема, содамс оцю букватнень сёрмадомаснон жуватань тердема лемса, маштомс рисункань коряс валрисьмонь арьсема и сёрмадома, ломаттненди лемонь и жувататненди тердема лемонь путома, тяштенятнень вастс эрявикс валонь сёрмадома, кувакаста и нюрьхкяняста азксонь азондома.

Оцю буквась странатнень, ошеннь, ляйхнень лемснон эса.

Маштомс учительть мархта , ськамост сёрмадома, оцю буквать валрисьмоть ушетксса, ошень, велень, ляень лепнень эса, тяштенятнень вастс лемонь путома, кизефксонь коряс максф рисункати азксонь арьсема, фкя-фкянь мельге валонь сёрмадома и азома, оценкань максома ялгань корхтамати.

Диктант

Маштомс диктантса тяштема эльбятьксфтома.

Эльбятькснень лангса работась.

Маштомс мумс эльбятькснень и содамс ся правилатнень.

Сочинения «Монь тядязе»

Р/р

Маштомс мокшекс сёрмадома сочинения тядять колга.

Эльбятькснень лангса работась.

Маштомс мумс эльбятькснень.

Предметонь, признаконь и действиянь няфти валхне. Валть пяльксонза.

Валхне, конат отвечайхть кие? Мезе? Кит? Месть? Кизефкснень лангс.

Шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста, маштомс кизефксонь путома максф валхненди, сёрмадома валхнень стане, штоба няфтельхть лама предметта, рисункань коряс валхнень мархта валрисьмонь арьсема, кизефксонь путома, ялгань корхтамати анализонь и оценкань максома.

Кемокстамань урок.

Маштомс кочкаф содамошитнень и сатфкснень ноляма школань и эрь шинь эряфса, рисункань коряс действиянь азы вал мархта валрисьмонь сёрмадома, арьсема, иллю - страциять коряс кувака и нюрьхкяня азксонь азондома, кизефкснень мельге действиянь азы валонь сёрмадома, ручкань кирдема, мазыста сёрмадома буквать, валть, валрисьмоть.

Предметонь азы валхне.

Контрольнай диктант

3 -це четвертенкса.

Эльбятькснень лангса работась.

Предметонь азы влхне.

Содамс предметонь азы валхнень и маштомс мушендомост валрисьмотнень эса.

4 -це четвертсь

Валхне, конат отвечайхть мезе тии? мезе тиихть? мезе кармайхть тиема? кизефкснень лангс.

Содамс рисункатнень эзда панчфнень, азомс синь тюсснон, ваномс мезьста тифт предметтне, маштомс валрисьмонь шумордама признаконь няфти валса, признакс коре предметонь няфти валонь сёрмадома, признаконь няфти валонь мушендома.

Действиянь азы валхне.

Сочинения

Р/р

Шарьхкодевиста марямс кайги мокшень кяльть, маштомс максф иллюстрациянь коряс азксонь арьсема и сёрмадома, предметонь азы валхнень мархта смузень коряс валрисьмонь латсема, проверяма эсь сёрматфснон, нолдаф эльбятькснень петема.

Эльбятькснень лангса работась.

Валхне, конат отвечайхть кодама? кодапт? кизефкснень лангс.

Содамс валхнень, конат отвечайхть кизефксненди

кодама? кодапт?

Маштомс мушендомост валрисьмотнень эса.

Признаконь азы валхне.

Карань - каршек смузь мархта валхне.

Содамс карань-каршек смузь мархта валхнень

Родственнай валхне. Валъюрсь.

Содамс, валхнень, конатнень мяльёжесна малацект, кода мярьгихть ня валхненди, маштомс родственнай валхнень текстста мума, валрисьмонь путнема стане, штоба лисель азкс, рисункань коряс кувака и нюрьхкяня азксонь арьсема, кизефксонь коряс ответонь максома.

Валрисьмось

Точкась, кизефтемань и серьгядемань тяшттне валрисьмоть песа.

Содамс тяшттнень, конат путневихть валрисьмотнень песа.

Обучающай изложения.

Р/р

Маштомс мокшекс сёрмадома изложения.

Эльбятькснень лангса работась

Маштомс эльбятькснень лангса тевть.

Кизефтемань валрисьмотне.

Содамс кизефтемань валрисьмотнень.

Кошардомань валрисьмотне.

Содамс кошардомань валрисьмотнень.

Серьгядемань валрисьмотне.

Содамс серьгядемань валрисьмотнень.

Подробнай изложения.

Р/р

Маштомс сёрмадома подробнай изложения.

Эльбятькснень лангса работась.

Маштомс эльбятькснень лангса тевть тиема.

Контрольнай диктант

4-це четвертенкса.

Маштомс содамошить няфтемс диктантть эса.

Эльбятькснень лангса работась.

Маштомс эльбятькснень лангса тевть тиема.

Лятфтамась

Валрисьмось. Валсь.

Гласнай и согласнай букватне.

Лятфтамс гласнай и согласнай букватнень,мушендомас-на валхнень эса.

Предметонь, действиянь, признаконь няфти валхне.

Лятфтамс предметонь, действиянь, признаконь няфти валхнень, маштомс мушендомасна валхнень эса.

Контрольнай диктант грамматическяй задания мархта.

Маштомс диктавамань коряс буквать, валть, валрисьмоть сёрмадома видеста и мазыста, проверяма эсь тевснон.

Эльбятькснень лангса работась

Маштомс диктавамань коряс буквать, валть, валрисьмоть сёрмадома видеста и мазыста, проверяма эсь тевснон.

Материально - техническяй вешксфонь топафтомась

Тонафтомань техническяй средстват

Лувкссна

Классонь доска таблицань, картинкань повфтама мархта

Телевизор (видеодвоика), Мультимедийный проектор

Экспозиционный экран

Компьютер ,Сканер ,Принтер лазерный

Аудиоцентр/магнитофон

Фотокамера цифровая

Видеокамера цифровая

Печатлаф пособият

Уроконди кочкаф картинкат урокть теманц коряс:семья, посуда, школаса, мебель, кудонь и вирень жуватат и т.д

Кочкама котф, магнитса керсеф азбука, слогонь карточкат,буквань касса , буквань лента, буквеннай анализонь тиемс тяштьфкст.

Ученикненди кафта вастонь щрат стул мархта.

Учительти шра тумба мархта.

Шкафт учебниконь , дидактическяй материалонь, пособиянь путомс.

Программать пяшкодеманцты литературась

Основнай литературась:

1. Мокшень кялень и морафтомань программат 1-4 классненди: В.Л.Киреев. - Саранск: Мордовскяй книжнай издательствась, 2001. - Мордов. - мокша яз.

2.Мокшень кяль. 2 классь: учебник / А. И. Исайкина - Саранск: Мордовскяй книжнай издательствась, 2012. - 155с. - Мордов. - мокша яз.

3. Методическяй руководствась1: (Учительти пособия) / М.К.Вишнякова, В.Л.Киреев,Т.К. Костина, А.Ф.Пензина. - Саранск: Мордовскяй книжнай издательствась, 1990. - Мордов. - мокша яз.

Дополнительнай литературась:

Валда тяштенят: 2 -4 класса тонафнихненди аф класса морафтомань книга.-Саранск: Мордовскяй книжнай издательствась, 1994.-304 с. - Мордов.- мокша яз.
Мокшень кяльса эрь ковонь журнал иттненди «Якстерь тяштеня».
Мокшень-рузонь валкс ( Под ред.Б.А.Серебренникова и др.)М, «Русский язык», «Дигора»,1998
Мокшень-рузонь валкс (Под ред. В.И,Щанкина.)- Саранск ,1993.
Мокшень орфографическяй словарь
Русско-мокшанский словарь (Под ред.О.Е.Поляков идр.)Саранск,1996
Русско-мокшанский разговорник (Под ред.О.Е.Поляков) Саранск,1993
Учимся говорить по -мокшански(Под ред.О.Е.Поляков) Саранск,1995
Касыксонь валкс (Под ред.О.Е.Поляков) Саранск,2001

www.edurm.ru/

klaw.ru/narodnie-skazki/mordovskie-skazki/

ru.wikipedia.org/wiki

www.13-rus.ru/folk/litra/2</</u>

⇧

⇩

скачать материал