Конспект урока на крымскотатарском языке в 6 классе по обществознанию

Муниципаль бюджет умумтасиль муэссисеси

«Къырым Джумхуриети Евпатория шеэрининъ къырымтатар тилинде окъутылгъан

18-инджи номералы

орта мектеби»

джемиет бильгиси оджасы

Абдуллаева З.С.

6-нджи сыныф ичюн

дерснинъ конспекти

Мевзу: «Субетлешюв»

Дерс мевзусы:

Субетлешюв

Дерс макъсады:

Мевзуны анълатув, конкрет мисаллернен пекитюв. Талебелерни субетлешюв эсасларнен таныш этмек. Умумий нетидже устюнде командада чалышмагъа бильгини тербиелев.

Дерс донатылувы:

Лугъат сезлери, дерслик.

Тахтада:

Лугъат сезлери.

Дерс чешити:

Янъы мевзуны огренюв

Дерс тюрю:

Къарышыкъ

Дерс кетишаты:

I. Тешкилий къысым.

1. Селямлашув.

2. Невбетчинен субет.

Мен невбетчим. Бугунь сентябрьнинъ йигирми алтысы, чаршенбе куню. Сыныфта _____________ талебеле ёкълар. Эвге «Инсанларнынъ джемиетте аятнынъ къаиделери» − мевзусыны текрарламакъ вазифеси берильген эди.

II. Эв вазифесини сорав.

Оджа: Талебелер, демек, биз инсанларнынъ джемиетте яшайышнен аятнен багълы къаиделернен таныш олдыкъ.

Карточкалар даркъатыла. Талебелер суаллерни окъуп, джеваплар берелер.

1. Мерасим ве этикетнинъ озьара багъы насыл?

2. «Джемиетке файдалы олмакъ» айтылманы сиз насыл тюшюнесиз?

3. Яхшы деп айтылгъан тарзы насыл?

4. Башкъа халкъларнынъ урф-адетлерини не ичюн бильмек зарур?

5. Джемиетке файдалы олмакъ мумкюн адам насыл?

Оджанынъ нетиджелев сёзю:

Демек, инсанларнынъ джемиетте аят къаиделери юксек эмиети ола.

III. Янъы мевзугъа кечюв.

1. Оджанынъ кириш сезю.

Бугунь биз субетлешюв эсасларынен таныш олурмыз.

Инсанлар бири-биринен лаф эте. Къонушкъанда адамлар динълей, лаф эте, окъуй, яза. Къонушув меракълы ве файдалы олмасы ичюн тилимизни бильмек керекмиз. Эр бир айтыладжакъ нуткънынъ макъсады олмалы. Нуткъумыз кимге багъышлангъаны да козь огюмизде тутмакъ керекмиз.

Айтув ве язувнынъ хусусиетлери бар. Энъ эсасы - насыл макъсатнен ве кимге биз хитап этемиз я да язамыз.

Къонушувнынъ эсас къаиделеринен таныш олунъыз. Лакъырды эткенде бу къаиделерни козь огюнъизде тутунъыз:

1. Инсанларнен къонушкъанда, ойле лакъырды этинъиз ки, нуткъунъыз файдалы олсун.

2. Сизнен лакъырды эткен инсанны урьмет этинъиз.

3. Башкъаларны динълемеге огренинъиз.

4. Озь акъкъынъызда чокъ айтманъыз.

5. Сизнен субетлешкен инсаннынъ яшыны, табиатыны козьде тутып, мерагъына уйгъун мевзуда лакъырды этинъиз.

6. Къонушкъан адамгъа озь кейфинъизни дуйдурманъыз.

2. Лугъат иши. Сезлер устюнде иш. (тахтада компьютерде басылгъан сезлер окъула, текрарлана, талебелер окъуйлар)

субет, къонушма - беседа

мувафакъиет - успех

джемиет, муит - общество

3. Раатлыкъ дакъкъасы.

Ассоциациялар оюны.

джемиет

малюмат достлар

субетлешюв

нутукъ субетлешюв этикети

4. Группада чалышув:

Талебелер группаларгъа болюнелер. Эр группагъа вазифе бериле. Талебелер суаллерни окъуп, джеваплар берелер.

Вазифе:

Къорантада субет яхшы олсун деп, насыл къаиделерге эсасланмакъ керек?

Талебелер къаиделерни язалар ве окъуйлар.

IV. Нетидже:

Оджа: Балалар, биз дерсимизнинъ сонъуна еттик. Сиз чокъ шейлер эшиттинъиз ве бильдинъиз. Айтынъыз манъа, сиз бугуньки дерсте нении огрендинъиз? Дерсимизнинъ сонъунда насыл нетидже чыкъармакъ мумкюн?

V. Эв вазифеси:

Оджа: Талебелер уч группагъа болюне. Эр бир группагъа мунасебет акъкъында аталар сезлерини бериле.

1 группа: − Атлар кишнешип танышыр, инсанлар - сёйлешип.

2 группа: − Эв алма, къомшу ал.

3 группа: − Айван къокълашып, инсан - сорашып.

Вазифе: Берильген аталар сезлерининъ маналарыны анълатмакъ керек.