2-нджи сыныф ичюн

Мевзу

«Эвде бир озю »

Османова Диляра Сеитякубовна,

башлангъыч сыныф оджасы

Мевзу: Эвде бир озю.Чагъырылмагъан мусафирлер. Таныш олмагъан адамларнен экстремал вакъиаларда арекет тарзы.

Макъсат: -эвде хавфсыз арекетнинъ шекилленюви;

-серникнен, газнен, ток алетлеринен, сувнен догъру къулланувгъа огретюв;

-хатрыны инкишаф этюв;

-къыйын вакъиаларда арекет этмек бильгиси;

-арекет этюв алыны тербиелемек.

Дерснинъ донатмасы: предметли ресимлер, маскалар, магнитофон, телефон.

Дерснинъ кетишаты.

1. Тешкилий дакъкъа.

Оджа

Мен сизге бугунь бир масал айтып береджем. Бир заманда бар экин, бир заманда екъ экен бир койде тавшан яшай экен.Онынъ 14 баласы бар эди. О оларны пек севе эди, эвде бир озлерини къалдырмагъа къоркъа эди. Лякин бир куню базаргъа бармагъа керек олды. Сонунда не олды.. Келинъиз

костерийик.

2. Дерснинъ макъсадыны айтув.

Оджа -Сенинъ янынъда догъмуш, якъын, танышларынъ ве таныш олмагъан адамлар яшай. Догъмушларынъ сени севелер, чюнки оларнен бахтлы яшайсынъ. Энъ якъын инсанлар санъа хавф догъурмай . Таныш олмагъан адамлар арасында чокъ яхшы ве мераметли инсанлар бар, лякин мераметсиз ве хыякет адамларда расткелелер. Олар яман ниетлернен келелер, оларгъа къара къальбли инсан дейлер.

3.Янъы материалыны анълатув.

(Къапы къакъыла.)

-Ачынъыз къапыны. Газ алетлернинъ алыны ишлеткен колемини тешкермеге истейим.

Оджа-Ачайыкъмы къапыны?

Балалар- Екъ.

Оджа- Не ичюн?

Балалар-Онынъ давушы таныш дегель.

Оджа- Сиз ойляйсыз, о яман адам чюнки онынъ давушы къоркъунчлы ве къаба.?

Акъылынъызда тутынъыз:

Эгер электросчетчик , газ я да сув алетлерни костергични тешкермеге истеселер, къапуны ачмагъа олмай.

Унутманъыз бу къаидениЭпимиз окъуйыкъ.

Оджа- Эвимизде электрик алетлери бар. Адларыны айтынъыз.

Балалар-: утю, ельпазе, электрик чайниги, телевизор, магнитофон, электросчетчик.

Оджа-Электрик алетлерни къолланмакъ ичюн насыл къаиделерни билесинъиз?

Балалар-:

-Ана-баба рухсет бермеселер, тиймеге олмай.

-Электрик алетлерни тек къуру къолнен къулланмакъ мумкюн.

-Электрик тельни тартмагъа олмай.

Оджа-

Бу эвде газ оджагъы бар.Насыл онъы ишлетмеге керек.

Балалар:

-Ана-баба рухсет бермеселер, тиймеге олмай.

-Эгер разылыкъ берселер, башта серникни якъыб, сонъ газны ачмагъа керек.

Оджа-Эгер газ къокъусыны дуйсанъыз, не япмакъ керек.

Балалар- Буюклерни чагъырмакъ керек. Эгер эвде кимси олмаса, бир юз сыфыр дерт номерге телефон ачмагъа керек.

4. Раатлыкъ дакъкъсы

Оджа- Келинъиз, хасталанмамакъ ичюн тылсымлы нокъталарыны массаж этейик.

-къашларны.

-энди бурунны.

-къулакъларны

-бойнумызны

-энди бойнумызны артында нокътаны.

-энди къурсакъны.

-пармакъларны окъалаймыз.

-къулакъларны окъалаймыз.

Оджа-

Энди бир къач мешгъулиетлер япайыкъ.

(йыр)

Баш неге керек-тюшунмек ичюн,

Боюн неге керек-айлянмакъ ичюн,

Козь неге керек-корьмек ичюн,

Агъыз неге керек-йырламакъ ичюн,

Къулакъ неге керек-эшитмек ичюн,

Бурун неге керек-къокъламакъ ичюн,

Тыш неге керек-чайнамакъ ичюн,

Янакъ неге керек-къызармакъ ичюн,

Аркъа неге керек-эгильмек ичюн,

Къурсакъ неге керек-ашамакъ ичюн,

Къол неге керек-котермек ичюн,

Аякъ неге керек-секирмек ичюн.

Оджа-.Откен дерслерде биз айткъаныдык,алетлер озь ерлеринде турса, олар инсангъа зарар кетирмез.

5.Ресим устюнден иш.

Оджа- Ресимге бакъынъыз. Биз ода коремиз. Ресимде пек хавфлы ерлерини къызыл тюсте япракъларнен косьтеринъиз.

4. Пекитюв.

(Къапу къакъыла)

Танышолмагъан давуш - Балалар къапыны, ачынъыз. Манъа тез ярдым керек. Риджа этем, ачынъыз къапыны.

Оджа- Ачайыкъмы? Пек ялвара.

Балалар- Ачайыкъ. Онъа ярдым бермеге керек.

(Къоркъынчлы киши сыныфкъа кирип, баларны къоркыза)

Балалар -Тез кет, шимди биз милициягъа телефон ачармыз, къомшуларны чагъырармыз.

Къоркъынчлы киши -Кетерим,кетерим. Мен буюклер эвде экенини бильмедим. Мен, тек балалар озьлеридеп ойлядым. (Кете)

Оджа -Сиз не ичюн къапыны ачтынъыз? Хатырынызда тутынъыз, джинаетчи эм гузель кийинир, эм йымшакъ лаф этер, о сизни алдатмакъ ичюн не япмаз.Не япмакъ керек энди?

Балалар-

Къапуны энди ачмазмыз.Телефон ачып, къомшуларны я да милицияны чагъырмакъ керек. Эгер ачкъан олсанъ, пенджереге барып, откен адамларны дикъкъатыны джельп этмек керек ве ярдымгъа чагъырмакъ керек.

Оджа-Сиз энди чокъ шей билесинъиз, манъа бир дакъкъагъа чыкъмагъа керек. (Оджа кете)

5. Дерснинъ нетиджеси.

(Къапы къакъыла)

Тавшанларны анасы

-Бу мен, сизни ананъыз Ачынъыз капуны.

Балалар -Тез кет, шимди биз милициягъа телефон ачармыз, къомшуларны чагъырармыз.

(Тавшанларны анасы чокъ риджа эте балаларына. Лякин тавшанлар къапыны ачмайлар)

Оджа- Машалла балалар.

Келинъиз, дерсте танышкъан къаиделерни текрарлайыкъ.

Энъ эсас къаиде:

Акъылынъда тут! Сенинъ хавфсызлыгъынъ озюнънинъ акъылданелигинъде.

Бу сизнинъ ананъыз. Келинъиз къапыны ачайыкъ.

(Тавшан анасы кире, балаларгъа алмаларны ве хавучларны даркъата).