Ашық сабақ Амангелді батырым(3сынып(

Сабақтың тақырыбы : Нұрпейіс Байғанин « Амангелді батырым»

Сабақтың мақсаты : Өлеңді түсініп оқи отырып ,мағынасын меңгерту

Сабақтың міндеттері : 1.Амангелді батыр, Нұрпейіс Байғанин ,

А.Қастеев туралы мағлұмат беру.

Өз ойларын қорытындылай білуге дағдыландыру.

2.Оқушыларды еркін сөйлеуге , ойларын еркін

жеткізуге баулу, тіл байлықтарын ,

шығармашылық қабілеттерін дамыту.

3.Батырлыққа ,ерлікке , елін ,отанын қорғай білетін

азамат болуға тәрбиелеу.

Сабақта қолданылатын көрнекіліктер : А.Имановтың , Н.Байғаниннің , Ә.Қастеевтің портреттері , таратпа материалдар , Ә.Қастеевтың салған портреттері , ақ парақтар , бағалау парақтары .

Сабақта қолданылатын стратегиялар :

Қаламды ортаға ,Елес жетелеу , ЖИГСО ІІІ , эссе,

Сабақтың барысы :

І. Қызығушылықты ояту.

1.Психологиялық дайындық. « Мен мақтанамын .....»

2. Үй тапсырмасын тексеру .

-Махамбет пен Исатай туралы мағлұмат жинау. Мәтінді мазмұндау

3. Қаламды ортаға стратегиясы .

- Сен жас батырсың екен дейік. Сен бастаған қол абайсызда жау қолында қалып қойды. Қоршаудан құтылып шығу үшін қандай әдіс -айла ойлап табар едің?

Берілген тапсырма бойынша оқушылар ойларын қысқаша жазып алады да , қаламдарын ортаға қояды . Мұғалім ортаға жиналған қаламдардың бірін көрсетеді. Сол кезде қалам иесі тапсырмаға жауап береді.

ІІ. Мағынаны ажырату .

1. -Елес жетелеу. Көзімізді жұмып Амангелді батырдың бейнесін елестеу.

• Амангелді батырға қысқаша тоқталып өту.

Оқушыларға Амангелді батыр туралы мәлімет жазылған таратпа материалдар таратылады.

2.Балалар Амангелді батыр туралы жазғандардың бірі Нұрпейіс Байғанин. Авторға қысқаша шолу.

Нұрпейіс Байғанин ( 1860- 1945)- ақын, жырау, Қазақстанның еңбек сіңірген өнер қайраткері. Ақтөбе облысында , Темір ауданында( қазіргі Байғанин ауданында) дүниеге келген .

Нұрпейістің анасы тамаша әнші, домбырашы , ақын болған. Ән айтуды осы анасынан үйренген .Ол суырып салма ақындар айтысында көзге түсіп, «бала жыршы» атанады.

3. -ЖИГСО ІІІ.

• Өлең жолдарын әр жақтан жинап , өлеңді

құрастыру.

- Құрастырған өлеңдерін оқу мәнерлеп .

- Оқулықпен жұмыс. Өлеңді мәнерлеп тізбектей оқу.

4. Сергіту сәті. Оқушылар парақшаларға тілектерін жазады да ,

бір- бірлеріне лақтырады.

ІІІ. Ой толғаныс

1. Суретпен жұмыс. Суреттің авторы Әбілхан Қастеевпен таныстыру, сонымен қатар оқушыларға Ә.Қастеев туралы қысқаша мәлімет жазылған таратпа материалдар үлестіріледі.

-Ә.Қастеев ( 1904- 1973)- әйгілі кескіндемешісі ,график -суретші , қазақ бейнелеу өнерінің негізін салушылардың бірі.

Әбілхан қолөнерге , суретшілік өнерге жастайынан бейім болған. Анасы Айғанша кілем , алаша тоқуға , сырмақ сыруға шым ши жасауға шебер адам болған екен .Әбілхан осы халық өнеріне бала кезінен көз қанықтырып , анасына ою-өрнектер салуға көмектесіп, сурет өнеріне қолын үйретіп өседі. Танымал туындылары « Мақта жинау» , «Түрксіб» , « Колхоздың той», сонымен қатар Абайдың , Шоқанның , Жамбылдың портретін салған . Соның ішінде ерекше танымал болып табылатын портреті « Амангелді Иманов» портреті.

3.Сурет бойынша эссе жазғызу.

4. Кері байланыс.

3. Үйге тапсырма өлеңді жаттау.

4 .Оқушыларды бағалау парақтарына өздерін бағалады..