'Бастауышым –балбұлағым', қоштасу кеші

Тақырыбы:Бастауышым -балбұлағым

Түрі:кеш

Мақсаты:

1.Білімнің сара жолы мектептен басталатынын,білімнің кең дүниеде өмірге есік ашатынын сезіндіру.Білімге деген құштарлығын арттыру,оқуға,білімді болуға шақыру.

2.Бастауыш сыныбымен,білімнің алғаш есігін ашқан ұстаздарымен қоштастыра отырып,жоғары сынып мұғалімдеріне әр баланы өз ерекшелігімен таныта отырып,сәт-сапар тілеп табыстау.

3.Мектепті,яғни білім ордасын,ұстаздарын құрметтеп,еңбекті бағалай білуге тәрбиелеу.

Көрнекілігі:Нақыл сөздер,көрме,гүлдер, суреттер,бүктемелер,

оқушы шығармашылық жұмыстары.т/б.

Жоспары:І.Ұйымдастыру кезеңі

1.Кешті ашып,қонақтармен таныстыру.

2.Әдеби-музыкалық монтаж.

ІІ.Негізгі кезең

Мұғалім сөзі:Құрметті ата-аналар,оқушылар,ұстаздар!

Сіздер «Бастауышым-балбұлағым» атты бастауышпен қоштасу кешіне жиналып отырсыздар.Қадамдарыңыз құтты болсын!Кеше ғана көздері жаутаңдап,мектеп табалдырығын алғаш аттаған кішкентай бүлдіршіндеріміз бүгін міне,бой түзеп,ойларына ой,саналарына сана қосып,өздерінде жауапкершілік пайда болып,еліміздің саналы шәкірттері атағына болып отыр.Олар бастауыш сыныбымен қоштасып,жоғары сыныпқа аттанғалы отыр.Бүгінгі кеш иесі шәкірттеріме сіздердің,өзімнің атымнан құтты болсын айта отырып,сөзді оқушыларға бермекпін!

1.Ахмет: Әдеби-музыкалық монтажымызды бастаймыз!

2.Бексұлтан:Армысыздар,мұғалімдер,әз жандар,

Білім іздеп инемен құдық қазғандар.

Құшақ жая қарсы аламыз сіздерді.

Би биленіп,ән деген бүгін шырқалар.

1.Ахмет:

Қош келіпсіз,ақ жаулықты аналар,

Жүздеріңнен мейірім мен нұр тамар,

Алдарыңда жауқазындай құлпырған,

Біз алаңсыз,балғын шақты балалар.

Хор:Мектеп -кеме,білім-теңіз,

Барар жерге тез жетеміз.

Адаспаймыз ұлы жолда,

Ұстаз берген білім қолда.

2.Бексұлтан:

Бүгін біз сауатымызды ашып,білім негізін қалаған бастауыш

мектебімізбен,алғаш қолымызға қалам ұстатып,оңымыз бен солы-мызды танытқан алғашқы ұстазымызбен қоштасқал отырмыз.

1.Ахмет: «Ұстаздық еткен жалықпас,үйретуден балаға»-деп Абай атамыз айтқандай,ұстазымыз төрт жыл бойы білім нәрімен сусындатып,көп нәрсені үйретті.Сондықтан да алғашқы ұстазымызға бәріміз мың алғыс айтамыз!

2.Бексұлтан:Ғылым иесі ғалым да,ел қорғаған батыр да,тілінен бал тамызған ақын да,тегеуріні темір балқытқан жұмысшы да,егін салып,мал бағып,терін төккен шаруа да,көкті шарлаған ғарышкер де,бәрі-бәрі ұстаздан білім мен тәрбие алған.Сондықтан да біз ұлағатты ұстаздар алдында бас иеміз!

1.Ахмет-Ән: «Ақылшы ұстазым»

Орындайтын:Әділхан Нұрбақыт.

1.Әсемгүл

2.Ринат

3.Әйгерим

4.Үміт

2.Бексұлтан- «Өзбек биі»:билейтін қыздар тобы.

5.Ғаламат

6.Нұргүл

7.Нұрболат

8.Қуаныш

1.Ахмет-Ән: Хор: «Ұстазым»

9.Қадиша

10.Жангүл

11.Амангүл

12.Нұрбақыт

2.Бексұлтан-Испан биі

би билейтін:Құлан Жангүл

1.Ахмет:4 жыл бойы бізбен бірге жүріп,бізді білім нәрімен

сусындатқан ұстаздарға арнау!

13.Нығымет:

Мектепке бізді даярлап, әріптерді үйретті,

Толқын апай біз үшін ,бір құдірет іспетті.

Ұмытпаймыз ешқашан, жай мінезді апайды,

Өйткені апай жүрекке, есімін жазып кетіпті.

14.Айгүл:

Ағылшын тілін оқытып, Райгүл апай бастады,

Жас апай ол болса да, бізді өзіне тартқаны.

Ұстаз болса апайдай, болса екен деп ойлаймыз,

Ағылшынша сөйлеуден, біз ешқашан талмаймыз.

15.Бекарыс:

Ән-көңілдің ажары, ән-оның мәңгі ұраны.

«Ән шырқайық» деп бізді, Амантай ағай шақырды.

16.Ерсін:

Гүлжайна апай ыстық қой

дәріс берген біздерге.

Апай да бізді шығарды

біраз төбе белдерге,

Біз апайға мың алғыс

қайта-қайта айтамыз,

Жалпы айтатын сөзіміз

көп рахмет сіздерге.

17.Сатыбалды:

Зейнеп апай уәдесінде тұрады,

Оқушыға өз ойын ашық айтады.

Сыйласады жаспен де, кәрімен де,

Көмек береді әрдайым бәріне де.

18.Нұрбақыт:

Алмагүл апай ешқашан қартаймасын,

Орыс тілін үйретуден жалықпасын.

Әрқашан өмір жасы ұзақ болып,

Тәңірім бақтан сізді айырмасын.

19.Амангүл:

Қазіргі Нұршат апайға ризамыз бәріміз,

Басқаны айтпай биылғы олимпиаданы алыңыз.

Жетістіктер сыныпта, сыныбымыз тек алда,

Еңбегі ғой ұстаздың түсінсеңіз бәріңіз.

2.Бексұлтан-Ән: «Ертегілер»

Орындайтындар:Ахмет,Нұргүл,Әйгерим.

1.Ахмет - Ендігі кезекті көрініске берміз

Көрініс: «Керемет баға»

2.Бексұлтан -Би: «Өзбек биі» қыздар тобы.

1.Ахмет - Көрініс: «Мұраттың айласы».

2.Бексұлтан-Ән: «Аппақ гүлдер»

Орындайтындар:Айнұр,Ақнұр Жолжановалар.

1.Ахмет-Көрініс: «Іздену»

2.Бексұлтан- «Жастар биі»

ІІІ.Қорытынды

Сендер бастауыш сыныпта оқып жүріп достыққа,табиғатты сүйіп аялауға үйрендіңдер,күзде осы қоңырау сыңғырлап,мектепке шақырады.

Әйгерим:

Қоңырау сыңғырла асыға,

Үн қосқан қиядан асуға.

Біліп ал, еңбек ет, жас ұлан,

Өрле сен биік шың басына.