Ашық сабақ 1 сынып Ана тілі Тақырыбы: Қаздарым

1 "Е" сынып.

21.04.2016ж.

Пәні : Ана тілі

Сабақтың тақырыбы: Қаздарым

Сабақтың мақсаты:

Білімділік:

Сабақты өтілген сабақтармен байланыстыру, сөз байланыстарын таба білу, сөйлемдегі сөздерге сұрақ қоя білуге жаттықтыру, білімдерін арттыру.

Дамытушылық:

Өз бетімен жұмыс істеуге, сауатты жазуын қалыптастыру, сөйлеу тілін дамыту.

Тәрбиелік:

Оқушыларды ұйымшылдыққа, ізденімпаздыққа, шығармашылықпен жұмыс істеуге, еңбекке тәрбиелеу.

Сабақтың барысы:

Психологиялық дайындық

Қонақ күту - салтымыз. Оқып-біліп жатырмыз. Келген қонақ сіздерге

Сәлем бердік жалпымыз

Қазақ тілім - өз тілім, ана тілім,

Абай, Мұхтар сөйлеген дана тілім,

Қастерлейді ұл қызың мәңгі сені

Болашағым, бақытым, дара тілім.

Міне, балалар, кемеңгер ғұлама ақын жазушыларымыздың тілі - туған тіліміз - қазақ тілі сабағы.

Үй тапсырмасы

Мереке туралы

Балаларға сұрақ

Көктемде табиғатта қандай өзгерістер болады?

Табиғаттың тіршілікке енуі,

даланың жайқалуы, малдың төлдеуі,

Құстардың келуі.

Олай болса, келетін құстарды атаңдар?

қараторғай, қарлығаш, бозторғай,

шымшық, тырна, қаз, үйрек.

Жұмбақ жасырайын

Балпаң-балпаң басады,

Адамнан қатты сасады.

Саусақтары салалы,

Қыста жылыға қашады.

- Автор туралы мәлімет: Құрманбай Толыбаев Игілікұлы

1926 жылы 14 наурызда Алматы облысы, Шелек ауданында дүниеге келген. Балалар жазушысы. Балаларға арналған өлеңдері көп.

- Соның ішінде біз Қаздарым өлеңімен танысамыз.

ӨЛЕҢМЕН ЖҰМЫС

Рөлге бөліп оқыту

Видео ролик

Қаз суда да, құрлықта да өмір сүре алады. Жабайы және асыранды түрі бар. Салмағы ірі, мойны ұзын, тұмсығы жалпақ, мықты, аяғы қысқа, қауырсыны қалың құс. Суда 40 метр тереңге сүңгиді, суыққа төзімді, маңғазданып, кербез теңселіп жүреді. Жеміс жапырағымен қоректенеді. Ұясын үй маңына, таяз су бетіне салады. 5 - 20 жұмыртқаны 20 - 40 күнде басып шығарады. Пайдалы жағын айтып өтейік:Қаздың жұмыртқасын, етін пайдаланамыз. Майы күйікке пайдалы

Топтық жұмыс.

162-жаттығу Ауызша тақтаға әкеліп қорғау

1 топ. Шөп өсті.

2. топ. Атам шөпті шапты.

3 топ. Біз шөпті тасыдық .

4 топ.Қораға шөпті жинадық

Сергіту сәті

Дәптермен жұмыс

163- жаттығу. Сөйлемді көшіріп жазыңдар.

Балапан ұясынан құлап түсті. Қарлығаш шырылдап ұшып жүр. Айдар балапанды ұяға салды. Қарлығаш ұясына қонды.

Қарамен жазылған сөйлемді тақтаға жазып сөздердің байланысын табу..

Тест

(Өткен сабаққа тест алу)

Сөйлемдегі сөздер бір - бірімен қалай байланыста болады?

а) сызықша арқылы

ә) үтір арқылы

б) сұрақ қою арқылы

2 .Күләш Байсейітова кім?

А) Биші

ә) Күйші

б) «қазақтың бұлбұлы» атанған әнші

3. Үш биді ата

а) Абай, Ыбырай, Ахмет

ә) Төле, Қазыбек, Әйтеке

б) Үмбетей, Бұқар, Жамбыл

4. 1 Мамыр қандай мереке?

а) Наурыз мерекесі

б) Достық, ынтымақ күні

в) Жаңа жыл

5. Бұл кім?

А)Абай Құнанбайұлы

ә) Шоқан Уалиханов

б) Ахмет Байтұрсынов

Құрастырма сурет

Үйге тапсырма:

«Қаздарым» өлеңін мәнерлеп оқып келу

"Ұйқасын тап» ойыны"

1. </ Тастан тасқа секіріп, жем тереді........ /кекілік/
   
   2. Аппақ доп тауып, шақырады ақ......../тауық/
   
   3. Тұмсығымен шымшып, құрт тереді........ /шымшық/
   
   4. Үні ғажап, дүлділ, бақта сайрар........... бұлбұл
   
   5. Орыннан орынға ауысқан, ұшқалақ қара ала........ /сауысқан/.
   
   6. Шабақ аңдып жағада, шарқ ұрады......./шағала

Мұнайлы ауданы

№5 орта мектеп

Ана тілі

Тақырыбы: «Қаздарым

1 «Е» сынып

Өткізген:Булекбаева С.Х.

21.04.2016ж.