Разработка урока родной литературы (удмуртский ) в 3 классе по теме С. Шихаревлэн «Паймымон Трокай» Т. Борисов очеркысь люкетэз

Тема: С. Шихаревлэн «Паймымон Трокай» Т. Борисов очеркысь люкетэз

Пуктэм азьмугъёс: С. Шихаревлэн «Паймымон Трокай» Т. Борисов очеркысь люкетэныз тодматоно новыль тодон-валан басьтыны условиос кылдытоно; текстлэсь пуштроссэ лыдӟемлэсь азьпал валанзэс азьланьтоно; произведениысь валтӥсь малпанзэ валаны дышетоно; валаса шонер лыдӟыны быгатонлыкъёссэс азинтоно.

Личностной результатъёс: темая мылкыдзэс шараяло; геройлэсь сямъёссэ

дунъяло.

Метапредметной результатъёс:

Регулятивной УУД: дышетӥсен ӵош уроклы мугъёс пукто но пуктэм ужпумез быдэсто; чаклам радлыкъя ужало; ужамзэс дунъяло; валче ужан дышетскон, тодон-валан люкан быгатонлыкъёссэс усьто.

Познавательной УУД: текстысь кулэ ивортодэтэз шедьтыло; верамъёсты текстысь предложениосын юнмато; карточкаосын ужало; дышетӥсен ӵош огъянъёс лэсьто.

Коммуникативной УУД: эшъёсын ӵош кенешыса валче ужало; эшъёссылэсь

верамзэс кылзо но ас малпанзэс шараяло; малпанъёссэс радъяса верало.

Предметной результатъёс С. Шихаревлэн «Паймымон Трокай» Т. Борисов очеркысь люкетэныз тодматско; текстлэсь пуштроссэ лыдӟемлэсь азьпал валаны дышетско; произведениысь валтӥсь малпанзэ валаны дышетско; шонер, валаса лыдӟо.

Тӥрлык: учебник,портэм кружокъёс(горд, вож, лыз), таблица .

Уроклэн мынэмез.

1 Отён этап

Ошмесысь дун вуэз кадь, сузен

Асьмелы тодонлык люкалом.

Котькытчы но, шуо, визь сузе

Тыршимы ке, ваньзэ быгатом. (С. Карпов)

-Эскером, кызьы меда тыршиды гуртады.

Котькуд дышетӥсь гуртысь ужзэс эскере ас мылкыдызъя. Пиналъёс эшъёс сярысь кылбуръёсты ӵошатыса лыдӟо. Дэмлано быдэстыны сётэм таблицаез.2 Ужпумо югдур кылдытон но уроклы азьмугъёс пуктон люкет.

Туж умой ужаллямды. Нош тиляд марлы ке но паймемды вань-а кык эшъёслы сяна? (Пиналъёс верало )

- Тодэмды потэ-а малы Трокаез паймымон шуиллям?Гожтомы, мар тодӥськомы асьмеос Трокай сярысь. (Гожто.)

-Нош мар тодэмды потэ тӥляд Трокай сярысь, гожтэ «Тодэме потэ» столбике.

- Туж умой. Тунсыко малпанъёстэс верады. Нош кудӥз меда валэктонды шонер? ( Та юанлы валэктон утчалом со луоз урокмылэн валтӥсь азьмугез. Со сяна, валаса, мыло-кыдо лыдӟиськыны дышетском.)

3 Ужез радъян люкет.

-Азьмугмес быдэстон вылысь ужмес радъялом. Со понна ужан план кылдытом.

1. Текстэн тодматском.

2. Юанмылы валэктон утчалом.

3. Мыло-кыдо лыдӟиськыны дышетском.

4. Малы очеркысь люкет «Паймымон Трокай» нимамын юанлы валэктон утчалом.

4. Текст бордын лыдӟемлэсь азьпал ужан.

- Учке учебнике но вералэ кыӵе текстэн туннэ тодматском, кин солэн авторез

(Лыдӟомы С. Шихаревлэсь «Паймымон Трокай» Т. Борисов очеркысь люкетэз).

- Малы автор Трокаез паймымон шуэм? (Пиналъёс верало ас малпанъёссэс).

- Ма понна адямиез луэ шуыны «Паймымон» (Пиналъёс верало).

5. Утчаськон-эскерон люкет.

-- Туннэ урокмес ортчытон понна люкиськомы туркымъёслы. Текстэз лыдӟем бере утчалоды веросысь маиныз паймытиз тиледыз Трокай. (Дышетӥсь лыдӟе текстэз).

- Туркымъёсады огазе кариськыса вераське куспады, кызьы быдэстоды пуктэм ужпумдэс, кулэ ке текстэз выльысь лыдӟе. Котькуд туркымын быръе,кин вераськоз класс азьын. (Пиналъёс туркымын ужало, дышетӥсь чакла ужамзэс,юрттэ соослы класс азьын веранзэс дасяны).

6. Шутэтскон вис.

Али ваньмы ӵош султом.

Библиотекае мыном.

Топ-топ-топ вамыштӥськом,

Тыпыр-тыпыр бызиськом.

Жур-р гинэ ми лобиськом,

Нош ик, нош ик дыртӥськом.

7. Практической люкет

- Мон адӟисько, тӥ дасесь ини шуыса. Кылзӥськомы котькуд туркымез.

Нырысетӥ туркым асьмелы вералоз маиныз паймытиз Трокай.

Мукет туркымъёс сак кылзо но маке валантэмез луиз ке, быгато сётъяны соослы юанъёс. (Верасько нырысетӥ туркымысь пиналъёс).

- Кылзом мукет туркымысь эшъёстэс, соос ватсалозы Трокай сярысь. Кылзэ но дасялэ юанъёс. (Мукет туркымысь пиналъёс верасько).

- Озьыен, кылзӥм ваньзэ туркымъёсты, котькудды кылдэм югдурез гижысь-пиньысь валаса ужамдэс возьматӥды. Малпалэ но вералэ, туркымъёсады ӵошен кариськыса, мае валаны но дунъяны дышетэ та С. Шихарев? (Пиналъёёс верало).

8. Рефлексия

Гуртэ уж.

- Гуртады веросэз вольыт лыдӟыны дасяське.

Дунъян люкет.

-Азьланьтэ веранэз (таблицаосты тӥледлы юрттозы):Туннэ урокын мон... валай...

пайми...

Быдэс урокын ужамзэс нылпиос асьсэос дунъяло

Тау, пиналъёс ужамдылы