Ашық сабақ әдебиеттік оқудан

Нургазина Шынар Амантаевна

Солтүстік Қазақстан облысы

Уәлиханов ауданы

Бидайық орта мектебі

Бастауыш сынып мұғалімі

Сабақтың түрі: Ашық сабақ

Пәні: Әдебиеттік оқу

Сыныбы: 3 сынып

Сабақтың тақырыбы: А. Жақсыбаев «Батырдың ұрпағы»

Мақсаты: туған жеріміздің өткенінің де, жер-су аттарының аталуының да өзіндік тарихы болғанын, яғни ата -баба өмірімен байланысты екенін түсінуге мүмкіндік жасау.

Күтілетін нәтиже: өз бетімен және жұптық жұмыс жасау арқылы ішкі мүмкіндіктерінің біртіндеп дамуына дағдыланады. Елді, жерді тану арқылы патриоттық сезімдерге тәрбиелену мүмкіндігін іске асырылады.

Көрнекілігі: ҚР-ның картасы, мақал - мәтелдер, қалпақ, қима сөздер,

Сабақтың әдісі: Сәйкестендіру, түртіп алу, жұптық жұмыс, ойын, топтау

Сабақ барысы.

І. Психологиялық кезеңі

Шырылдады қоңырау, Біз сабақты бастаймыз Партамызға отырып,

Табыс тілеп көзбенен

Жаңа білім алуға

Алға қадам бастаймыз.

ІІ. Үй жұмысын тексеру

Ойын «Ақыл қалпағы»

Сұрақтар:

1.Бала Тұрардың мұғалімінің аты-жөні кім?

2.Тұрардың дәптерінде не жазылған еді?

3.Неліктен ауыл балалары Тұрарды «қызыл жебе» деп атады?

4.Тұрар нешінші сыныпта оқыды?

5.Тақта алдында тұрған Тұрарға кім күлді және не үшін күлді?

6.Ломоносов туралы мұғалім қандай мысал айтты?

7. «Надандық» деген не?

ІІІ. Қызығушылықтарын ояту.

1. «Ойды жинақтау» тапсырмасы:қима қағазға жазылған мақал мәтелдер жолдарын дұрыс жинақтау.

Тақтада: Өз елімнің басы болмасам да,

Ел даусыз болмас,

Сайының тасы болайын,

Ел үмітін ер ақтар,

Жер жаусыз болмас,

Ер атағын ел сақтар.

2. Мақал-мәтелдер тақырыбын анықтау.

-Ендеше, бүгінгі тақырып қандай болмақ?

ІҮ. Мағынаны тану

Автор туралы мәлімет беру

Жазушы, журналист, аудармашы Ахат Имантайұлы Жақсыбаев 1940 жылы 5 шілдеде Павлодар қаласында туған.

Қазақстан Жазушылар одағының мүшесі.

3 жұпқа бөлініп, мәтінді бөліктерге бөліп оқу, мазмұнын айту, бөлімге ат қою, түсініксіз сөздерді түртіп алу, сұрақтарға дайын болу;

1-жұп: «...Біз Олжабай батырдан тараймыз...» деген жерге дейін мазмұнын түсініп оқу.

2-жұп «... Әлкей әкесінің сөзіне ...»бастап, «Қалмаққырған» деп атап кеткен» сөзге дейін.

3-жұп: «Біздің ауыл жайлауға...» деген сөйлемнен бастап, соңына дейін түсініп оқу.

Бақтиярға мәтінді толық оқып, әр жұпқа сұрақтар дайындау

Ойын «Интервью» әр жұпқа сұрақ қою.

-Ал енді Бақтияр, мен де саған сұрақ қойғым келеді: Егер сен де белгілі батырдың ұрпағы болсаң, қандай сезімде болар едің? (Қиялдау).

Қосымша мәлімет: Мәтінде кездесетін Әлкей деген бала ол...

Портретін көрсетіп, Әлкей Марғұлан

- Сонымен, бүгін біз қандай батырмен таныстық?

- Олжабай батырдың бойындағы өздеріңе ұнаған жақсы қасиеттерін атап жазыңдар.

 Бұл тапсырманы орындау үшін топтау сызбасын пайдаланамыз.

Тақтаға батыр аты жазылады. Оқушылар батырдың қасиеттерін жазып топтастырады.

ақылды Олжабай батыр Отанын сүйеді

жауына мейірімсіз халқын сыйлайды

ержүрек

Сергіту сәті: «28 батыр» әнінен бір шумағын айтқызу

Дәптермен жұмыс.

Әр жұп өзінің оқыған бөлігінен батырлар ерлігіне байланысты аталатын жер-су аттарын тақтаға жазу.

Қосымша мәлімет: Картадан сол жер-су орындарын көрсету.

2. Музей деген не? (Жауабын жазады)

-Музей- ол тарих, мәдениет ошағы.

Қорытынды

-Бүгінгі тақырып не жайлы болды?

- Балалар, батырлардың ерлігін қалай құрметтейміз?

- Біздің елде батырлардың атымен аталатын көшелер, музейлер, оларға арналған ескерткіштер бар ма?

Биыл Ұлы Жеңістің 70-жылдығына орай ескерткіш орнатылғандығы туралы атап өту.

Шығармашылық тапсырма:

І-жұп: Сурет салу «Жеңіс» күніне байланысты.

ІІ-жұп: «Ребус» бүгінгі тақырыпқа байланысты

ІІІ-жұп: «бес жолды өлең» құрастыру.

ІV. Бақтияр «Эссе» Батыр

Рефлексия: «Бас бармақ»

Сабақ ұнаса, жоғары көтеру, егер қнамаса төмен түсіру.

Үй тапсырмасы:Мәтінді толық түсініп оқу. Хрестоматиядан «Жасыбай батыр» туралы оқу.

Бағалау: Жинаған жетондарына байланысты бағаланады.

</