ХХІ ғасыр көшбасшысы сайыс

Сабақ жоспары

Пән аты: Өнеге сағаты

Сыныбы: Ұзартылған күн тобы

Күні,айы, жылы: 19.01.2015 ж

Тоқсан: III тоқсан

Мұғалімі: Бердалина К

Сабақтың тақырыбы:XXІ ғасыр көшбасшысы

Сабақтың мақсаты:

Оқушыларды білімді,жан-жақты болуға баулу.Білуге үйренуге деген қызылығушылығын арттыру.Оқушылардың ойлау қабілетін,білімділігін тіл байлықтарын,жарысуға,жарыста жеңімпаз болуға ұмтылуын дамыту.Жарыста өздерін еркін ұстауға, ойын ашық айта білуге дарынды,білімді,озық болуға тәрбиелеу.

Әдісі:Баяндау,ой қозғау,сұрақ-жауап.

Түрі:Сайыс сабақ.

Көрнекілігі:Тірек сызбалар,интерактивті тақта.

Сабақтың барысы:

І.Ұйымдастыру кезеңі:Амандасу,түгелдеу,оқушылардың назарын сабаққа аудару.

Құрметті оқушылар!Мұхтар Әуезов атамыз айтқандай:Халықпен-халықты,адаммен-адамды теңестіретін нәрсе-білім демекші.Бүгінгі ХХІ- ғасыр көшбасшысы атты білімділер сайысына қош келіпсіздер!Балалар,еліміздің үміт артқан болашағы сендерсіндер.Өз білімдерінді көрсететін сәт келді.

1 - жүргізуші: Мінекей залда тыныштық

Естілмейді дыбыс түк

Мұны біз де қоштаймыз

Кешіккендерді тоспаймыз

«ХХІ ғасыр көшбасшысы» сайысын біз бастаймыз

2 - жүргізуші: Армысыздар, құрметті ұстаздар мен оқушылар және ойынға қатысушы сайыскерлер!

1 - жүргізуші: «Тәуелсіз ел тірегі - білімді ұрпақ», «Білікті бірді жығады, білімді мыңды жығады» - деп халқымыз бекер айтпаса керек. Бүгінгі біздің мектебімізде 2 сыныптар оқушылары арасында өткелі отырған «XXI ғасыр көшбасшысы» зияткерлік сайысына қош келдіңіздер!

2 - жүргізуші: Шын жүйрік шабысынан танылады,

Қатты білім, терең ой саналады.

Баға берер әділқазы ортамызда

Сіздерге құрметпен қол соғылады.

Қазылар орнықтырар әділдікті

Кімдердің жауаптары кәміл шықты,

Білім мен тапқырлардың сайысында,

Жеңіске жетер дейміз нағыз мықты. (Әділқазылар мүшесімен таныстыру)

1 - жүргізуші:

- Бәйгеге түсіп жарыспай,

Жүйріктің бағы жанар ма?

Білім мен өнер жарысып,

Тәрбие - тәлім табар мән.

Бұл бәйге ойдың бәйгесі.

Енді сайысымызды бастаймыз. Сайысымыз

4 турдан тұрады:

1. Бәйге

2. Полиглот

3. «Сөз ойла, тез ойла»

4. «Білімпаз»

«Бәйгенің» сұрақтары оқылып болғаннан кейін сайыскерлердің ұпайлары есептелінеді.

1. Қазақ алфавитіндегі әріптер санын көрсет.

а) 40

б) 42

в) 38

2. Қай сөзде қате кеткен?

А) Қариа

б) қария в) калам

3. Дауыссыз дыбыстар нешеге бөлінеді?

А) 2

б) 3

в) 4

4. Зат немесе құбылысты суреттеп, сипаттайтын мәтін қалай аталады?

А) сипаттау

б) пайымдау

в) әңгімелеу

5. Бірдеңе жайында хабарлау мақсатымен айтылған сөйлемді қалай атаймыз?

А) лепті

б) хабарлы

в) сұраулы

6. Қай сөзге лар жұрнағын жалғауға болады?

А) кітап

б) тау

в) жазық

7. Түбір сөзге жұрнақ қосылу арқылы жасалған сөзді қалай атаймыз?

А) туынды сөз

б) түбір сөз

в) жалғау

8) Дұрыс буынға бөлінген буынды тап.

А) Жа - пы - рақ

б) жап - ырақ

в) жапыр - ақ

Келесі айналым - Полиглот. 1. Алыстан қарасаң, аппақ,

Татып көрсең, тәтті - ақ (Қант - сахар - sugar )

2. Жұдырықтай қызыл шар,

Тілді үірген шырын бал. ( алма - яблоко - аpple )

3. Бұл үйге көзсіз боп басың сұғасың,

Бұл уйден көреген болып шығасың.(мектеп - школа - school)

4. Кең әлемді кернейді, Көзің бірақ көрмейді. ( ауа, воздух, air )

5. Қазақтардың қасиетті саны... «жеті, семь, seven»

«Сөз ойла, тез ойла» сайысына да келіп жеттік. Сенің атың кім? Сен нені армандайсың?

Қайда барасың?

Сен не ұнатасың?

Досыңа туған күнге не әпересің?

Қыста не болады?

Мектепке немен келесің?

Демалыста қайда боласың?

Алманың түсі қадай?

Келесі кезекте: «Білімпаз».

1. Көбейтудің қасиеттерін ата? (ауыстырымдылық, терімділік, үлестірімдік)

2. Тік төртбұрыштың периметрін қалай табамыз?

3. Ең үлкен 2 таңбалы санға бірді қоссақ неше шығады? (99+1=100)

4. Әлібек 1 күнде 2 ертегі оқыды. Ол 1 жұмада неше ертегі оқиды. Осы қарқынмен? (14 )

Қорытынды:

Сайысқа қатысқан оқушылардың арасынан көшбасшы анықталады.Ол ұпайы ең жоғары сайыскер.Барлық қатысқан оқушыларды белсенді қатысқаны үшін мадақтау.