Технологическая карта по татарской литературе

Казан шәһәренең Авиатөзелеш районы 5 нче гимназиясе

Гасыйм Лотфиның "Эш үткәч, үкенүдә файда юк" әсәренә технологик карта

</

Зәйнетдинова Гүзәлия Гыйлметдин кызы,

1 категорияле башлангыч сыйныф укытучысы

2015 ел

Максат

1. Сәнгатьле уку күнекмәләрен үстерү.

2. Вакыйгалар арасындагы бәйләнешне табып, әсәрнең эчтәлеген аңлауларына ирешү.

3. Кошлар тормышы белән кызыксындыру.

Көтеләчәк нәтиҗә

Шәхси эшчәнлек: кошларның әһәмиятен аңлату, аларны саклау.

Регулятив эшчәнлек: әсәрне укып өлешләргә бүлү, алар арасындагы бәйләнешне табу һәм анализлау юлы белән нәтиҗә ясау.

Танып - белү эшчәнлеге:тиешле информацияне аерып ала белү.

Коммуникатив эшчәнлек: төркемнәрдә эшләү.

Төп төшенчәләр

Төшенчәләр:

• текст

• план

• ысул

• нәтиҗә

Предметара бәйләнеш

Әйләнә - тирә дөнья белән танышу, татар теле, сынлы сәнгать, музыка

Ресурслар:

- төп

- өстәмә

С.Г.Вагыйзов, Р.Г.Валитова " Туган тел" , 1 сыйныф.

Кошлар рәсеме, ысул үрнәге.

Эшне оештыру төре

фронталь, индивидуаль, парлап һәм төркемнәрдә эш

Уку дәресенә технологик карта.

Үткәрү технологиясе

Укытучы эшчәнлеге

Укучы эшчәнлеге

I . Оештыру өлеше.

Укучыларда эшкә уңай мотивация тудыру.

Эшчәнлеккә хәзерлек.

II . Уку мәсьәләсе кую.

.

Дәреслек белән эш:

• 68 биттәге әсәрне табыгыз.

• Төркемнәрдә киңәшегез, дәрестә нәрсә эшләрбез?

• Г. Лотфиның " Эш үткәч, үкенүдә файда юк " әсәрен укырбыз;

• әсәрне вакыйгаларга бүлербез;

• нәтиҗә ясарбыз. (регулятив һәм коммуникатив эшчәнлек)

III. Ысулны искә төшерү.

.

• Моның өчен нәрсә кулланырбыз?

• Моның өчен ысул кулланырбыз.(ысулны искә төшерү)

1. әсәрне укыйбыз;

2. ни турында икәнен ачыклыйбыз;

3. вакыйгаларга бүләбез;

4. әсәрне ике өлешкә бүләбез;

5. ике өлеш арасында бәйләнеш табабыз;

6. нәтиҗә ясыйбыз. (регулятив эшчәнлек)

IV . Сүзлек өстендә эш.

• Тактадагы сүзләрне укыгыз.

• Мәгънәләрен аңлатыгыз.

• Балаларның аңлатуы:

Сүзләр:

Эче поша - борчыла, уйлана мәгънәсендә.

Урман чикләвеге зурлыгындагы башы - кечкенә мәгънәсендә.(танып - белү эшчәнлеге)

V . Хикәя өстендә эш.

.

• Укытучы укуы.

• Сораулар ярдәмендә эчтәлекне ачу:

1. Катнашучыларны табыгыз;

2. Маратның кошларга мөнәсәбәте нинди?

3. Ул ничек күңел ачкан?

4. Бу уен аркасында нинди хәл килеп чыкты?

5. Кошлар сөйләшә алсалар, Маратка ни дип әйтерләр иде?Әсәрдән шул өзекне табып укыгыз.

6. Марат нигә үкенә?

7. Үкенүдән файда бармы?

8. Безгә кошлар ни өчен кирәк?

• Гөжләп уку;

• Кычкырып уку.

• Җаваплар:

1. Әсәрдә катнашучылар: Марат, кошлар.

2. Ул кошларны яратмый, аларга таш ата.

3. Күлмәк итәгенә вак ташлар җыйнап, аларны кошларга ата.

4. Бу уен аркасында ул бер кошны үтерә.

5. Табып уку.

6. Кош үлгәнгә Марат нык үкенә.

7. Үкенүдән файда юк, үлгән кошны кире терелтеп булмый. (танып - белү эшчәнлеге)

8. Кошлар матур итеп сайрыйлар(кошлар сайравын магнитофон язмасында тыңлау), зарарлы бөҗәкләрне ашыйлар һ.б.(шәхси эшчәнлек)

V I. Төркемдә эш.

• Төркемнәрдә вакыйгаларны барлагыз;

• Әсәрне өлешләргә бүлегез.

• Төркемнәрдә киңәшеп ике төп вакыйганы аерыгыз;

• Моның өчен нишлибез?

• Төркемдә фикер алышу.(коммуникатив эшчәнлек)

• Әсәрне өлешләргә бүлү (төркемнәрнең тәкъдим иткән вариантлары)

1. Марат бакчада уйнап йөри.

2. Ул кошларга таш ата.

3. Кошка таш тиде.

4. Кош үлде.

5. Бер кошның Маратка әйтергә теләгән сүзләре.

6. Марат үкенде.

7. Үкенүдә файда юк.

• Эчтәлек ягыннан ошаган вакыйгаларны кушып, ике өлешкә бүләбез.

• Төркемнәр тәкъдим иткән вариантлар:

1. 1) Маратның күңел ачуы.

2) Маратның үкенүе.

2. 1) Маратның начар эше.

2) Маратның яхшы эше.

3. 1) Марат тәртипсез малай.

2) Марат тәртипле малай.

(регулятив эшчәнлек)

V I I. Нәтиҗә ясау.

• Нәтиҗә ясар өчен нишлибез?

• Төркемнәрдә нинди бәйләнешләр барлыгын искә төшерегез.

• Бу очракта нинди бәйләнеш?

• Әсәр ни әйтергә тели?

• Маратның кошларга мөнәсәбәте аша нинди үрнәк аласыз?

• Нинди уку мәсьәләсе куйган идек?

• Нәтиҗә ясадыкмы?

• Моның өчен нәрсә эшләдек?

• Нәтиҗә ясар өчен бәйләнешне табабыз.

• Төркемнәрнең җаваплар:

• каршылык;

• охшашлык;

• кушылу;

• сәбәп - нәтиҗә.

• Бу очракта бәйләнеш - каршылык.(коммуникатив эшчәнлек)

• Әсәр безне кошларга тимәскә өйрәтә.Аларның файдасы турында сөйли.(шәхси эшчәнлек)

• Эшеңне эшләгәнче башта уйла.Марат кебек үкенерлек булмасын.

• Әсәрне укып,өлешләргә бүлү һәм нәтиҗә ясау.

• Нәтиҗә ясадык.

• Моның өчен ысул кулландык.

VIII.Йомгаклау.

• Бу әсәрне уку безгә кирәкме?

• Тормышта мондый хәлне очратырга буламы?

• Дәрестә актив катнашуыгызга рәхмәт.Дәрес тәмам.

• Бу әсәрне уку безгә кирәк, чөнки Марат кебек кошларны кыерсытучы балалар еш очрый. Андый булырга ярамый.(танып-белү эшчәнлеге).