1Нче сыйныфта уку дәресе 'Б б хәрефләре'

Тема. Тартык б авазы, Б, б хәрефләре.

Максат. 1.Б, б хәрефләре, б авазы белән танышу.

2. Дөрес әйтә белүләренә ирешү.

3.Уку, фикерләү сәләтен үстерү.

5. Сәламәтлекне үстерү өчен нәрсәләр эшләргә икәнен искәртү.

Җиhазлау.

1. 2 йорт макеты

2. Иҗекләр

3. Белмәмеш рәсеме

4. Сюжетлы рәсемнәр

5. Хәрефләр кассасы

Дәрес барышы

1. Актуальләштерү.

• Карагыз әле, балалар, безнең бүлмәдә нинди матур кояш! Ничек матур елмая ул! Әйдәгез, без дә елмайыйк. Безнең елмаюыбыз килгән кунакларга бүләк булсын!

Без үткән дәрестә нинди хәреф белән таныштык?

• Д, д хәрефләре белән.

• д авазы-яңгырау тартык аваз.

Ә хәзер кушылмаларны укыйбыз:

ба ра да та лә

ла Са ма ка Ди

Шул иҗекләрдән сүзләр төзибез.

Уен "Сүз төзе!"

• Безнең хәрефләребез кояшлы көндә уйнарга чыктылар. Кинәт җил исте, яңгыр ява башлады. Хәрефләр өйләренә йөгерделәр.

Уен "Өеңне тап!"(Сузык һәм тартык авазларны дөрес итеп ике төркемгә бүлү)

2. Яңа тема өстендә эш.

Йокысыннан тора кояш

Елмаеп-көлеп кенә

Безнең рәсемебезгә ул

Елмаеп килеп крә.

Уятканда да уята

Нурларын сибеп китә.

Һәр нәрсәгә елмая ул

Иркәләп, сөеп кенә.

Укучылар, карагыз әле, кояш нурлары нәрсәгә төшкән?

• Бакча -кәбестә -бала -бабай -әби

• Бозау - болыт -балык -күбәләк

• Сүзләрне иҗекләргә бүлү

• Тизәйткеч әйтү:

Бура бурый бурачы

Бурасы да бура соң!

• Нинди аваз гел кабатлана? /б авазы/

3 Яңа аваз белән таныштыру.

Б, б хәрефләре , б - яңгырау тартык аваз

4. Физкультминутка "Бакалар"

5. Рәсем буенча җөмләләр төзү:

- Елның кайсы вакыты?

- Рәсемдә кемнәрне күрәсез?

- Балалар нишли?

6. Кушылма уку

Ба бу бо бы би

Бә бү бө бе

7. Сүзләр уку. (57 нче бит)

8. Касса белән эш:

Бал баш бака

9. Табышмак әйтү:

Ишегалдында таш була

өйгә керсәң - су була.

Җир астында җиз бүкән

Ул ни икән?

Акыра да бакыра,

Бөтен җирне тутыра.

Суда туа, җирдә үлә.

Сорыдыр үзе,

Үткендер теше

Урманда йөри,

Бозаулар эзли.

10. Фонетик күнегү

Ба - ба - балык

Бә - бә - бәти

Бу - бу - буран

Бү - бү - бүләк

Бы - бы - былтыр

Би - би - бит

Бе - бе - бер

11. Дәреслектән уку (57-58 нче бит). Җөмләләр санын билгеләү.

12.Матур язу дәфтәрендә эшләү : б хәрефен язу

13.Рәсемнәр буенча җөмләләр төзү.

Тәрбияви момент:

Кояш, Су, Һава - безнең якын дусларыбыз

13. Нәтиҗә ясау: Белмәмеш биремен үтәү.