пәндік шара тақырыбы 'Шығайық білім шыңына'

Тақырыбы: «Шығайық білім шыңына»

Мақсаты: Әрбір пән бойынша алған білімдерін тиянақтау мақсатында топтар бойынша сайыс өткізу, пәндерге деген қызығушылықтарын арттыру. Оқушылардың логикалық ойын, сана-сезімін, шығармашылық қабілетін дамыту.

Күтілетін нәтиже: оқушылардың пәндерге деген қызығушылықтары артады. Логикалық ойы, сана-сезімі, шығармашылық қабілеті дамитын болады.

Түрі: танымдық ойын

Әдіс-тәсілі: топпен жұмыс, сайыс

Өту барысы: Ұйымдастыру кезеңі

-Құрметті ұстаздар, оқушылар! Еліміздің болашағы тек қана білімді жастар екені даусыз. Осы мақсатпен 2- сынып оқушыларының арасында «Шығайық білім шыңына» атты танымдық сайысымызды өткізгелі отырмыз.
Көңілді тапқыштар, алғырлар,
Бар өнерін алдарыңа салады.
Кім білімді, көп оқыған болса егер,
Бүгінгі күн жеңімпазы болады.

Оқушыларды топқа бөлу

1 «Жігер» тобы
2 «Болашақ» тобы
3 «Білім» тобы
-Мемлекетіміздің ертеңі сендерсіңдер. Біздің міндетіміз сапалы, білімді жастарды тәрбиелеу.
Әділқазы алқасына бір сәлем!
Әділдікке бас иеді күллі әлем!
Жүйрік озар сайыстарда неше бір.
Сарапқа сап әділдікпен шеше біл!
Сайыстың әділ бағасын беретін, әділқазы алқасымен таныс болыңыздар.
1
2
3
.
- Бүгінгі танымдық сайысымыз 4 кезеңнен тұрады:
"Ойлан, тап"
"Біліміңді шыңда"
"Мақал-сөздің азығы, жұмбақ-ойдың қазығы "
"Кім жылдам"

Білген сайын келеді біле бергім,
Біле беру емес пе тілегі елдің.
Бүгін осы сайыста жеңіске жет,
Білімді, әрі білікті жас жеткіншек
-деп сайысымыздың 1-бөлімін бастаймыз.
І-кезең."Ойлан, тап" деп аталады.
Бұл сайыста әр топқа 5 сұрақтан қойылады. Әр сұрақ 3 ұпаймен есептеледі.
Сонымен, топтарға сәттілік тілей отырып, сайысымызды бастаймыз.

1-топтың сұрақтары:

1. Қымыз түйенің сүті ( жоқ)

2. Бұзау сиырдың төлі ( иә)

3. Алма жерде өседі ( жоқ)

4. Қыста боран болады ( иә)

5. Біз оқушымыз ( иә)

2- топтың сұрақтары:

1. Тас жұмсақ болады ( жоқ)

2. Кітапханашы кітапханада істейді ( иә)

3. Қойдың төлі қозы ( иә)

4. Мектептегі жоғары баға екі ( жоқ)

5. Сөйлем сөзден құралады ( иә)

3- топтың сұрақтары:

1. Қоян батыр болады ( жоқ)

2. 8-наурыз Жеңіс күні ( жоқ)

3. Шырша ағашы қыста түрін өзгерпейді ( иә)

4. «Қымбат» сөзіне қарама-қарсы сөз «арзан» (иә)

5. Шұбат жылқының сүті ( жоқ)

2-кезең «Біліміңді шыңда» Бұл кезеңде қазақ тілі, математика, әдебиеттік оқу,дүниетану пәндері бойынша сұрақтар беріледі. Әр топ ұяшықты таңдайды.

Қазақ тілі

20

30

40

Әдебиеттік оқу

20

30

40

Математика

20

30

40

Дүниетану

20

30

40

1. Сөйлемнің түрлерін ата

2. Дауыссыз дыбыстар нешеге бөлінеді?

3. Мәтіннің қандай түрлері болады

1. Балаларды оқуға шақырған Ы. Алтынсариннің өлеңі қалай басталады?

2. Айналамда ұшып жүр

Ақ мамық қар себелеп.-өлең жолын аяқта

3. Көзі моншақтай,

Өзі жұп-жұмыр.

Құйрығы шашақтай,

Ерні жып-жымыр- деген жолдарда қай төл туралы айтылған?

1. 1 ондық 5 бірлігі бар сан

2. 20-мен 6-ның қосындысына 50-ді қос

3. Бір табында 90 жылқы бар, ал екінші табында 7 жылқы артық. Екінші табында қанша жылқы бар?

1. Көкжиек тұстарын анықтайтын құрал

2. Адам тіршілігіне ең қажетті жағдайлар

3. Ауаның қасиеті

3-кезең «Мақал-сөздің азығы, жұмбақ- ойдың қазығы»

Үш топқа мақалдың жалғасын тауып, жұмбақтың шешуін шешу тапсырылады. Әр дұрыс жауапқа 5 ұпай беріледі.

1. топ

Оқусыз білім жоқ,

Білімсіз күнің жоқ.

Мал өсірсең қой өсір,

Өнімі оның көл-көсір.

Жұмбағы:

Он көзі бар өзінде,

Он цифр бар көзінде.

Көзіне саусақ саласың,

Жырақтан хабар аласың.( телефон)

Кішкентай ғана бойы бар,

Айналдырып киген тоны бар. ( Қой)

2. топ

Туған жердей жер болмас,

Туған елдей ел болмас.

Білімдіге дүние жарық,

Білімсіздің күні кәріп.

Жұмбағы:

Иір-иір денесі,

Сахараның кемесі.

Ащы шөптер тамағы,

Шөлген шыдап бағады. ( Түйе)

Екі баы жұдырықтай,

Ортасы қылдырықтай. (Құмырсқа)

3-топ

Туған жердің күні де ыстық,

Түні де ыстық.

Қойдың сүті қорғасын,

Қойды ұрған оңбасын.

Жұмбағы:

Қыста ғана болады,

Ұстасаң қолың тоңады. ( Қар)

Есіктен кіреді еңкейіп,

Төрге шығады қампайып. ( Аяз)

4-кезең «Кім жылдам?» Баспалдақты толтырып межеге жету Тез әрі дұрыс шешкен топ ұпай алады.

Қорытынды жасаймыз.
Сөз әділқазы алқасына беріледі.
Тауды биік деме сен,
Талаптансаң, шығарсың.
Қарсылас мықты деме сен,
Білімді болсаң, шығарсың - дей отырып, сайысымыздың жеңімпазын анықтау үшін сөз кезегін әділ-қазыларға береміз.
Жеңімпаз топты анықтау, дипломдар табыс ету.

Қорытынды.
Білім деген биік шың,
Бақытқа сені жеткізер.
Білім деген ақылшың,
Қиындықтан өткізер- деп сайыс сабағымызды аяқтаймыз.