'Алғашқы қоңырау' 1-сыныпқа арналған әдеби монтаж

«Алғашқы қоңырау» мерекесінде бірінші сыныптың сценарийі

Музыка әуенімен ойнап келе жатқан балалар дауысы естіледі. Осы кезде 2-3 балдырған (қолдарында добы, қуыршағы, машинасы бар) өзара таласып келіп ортаға кіреді.

II-жүргізуші: Ойын қуған, жүрген думан бұл кімдер?

Сылдыраған балаң тілмен естіледі бір үндер.

1-балдырған: Руслан Мамам айтқан күзде мектепке барасың деп, (…..)

Көп-көп оқу құралдарын аласың деп.

2-балдырған: Риза Онда мына машинаңды неге тастамайсың? (…....)

Сен әлі еш нәрсені түсінбейтін кішкентайсың.

3-балдырған: Диар Жоқ, ол жетіге толды, (…......)

Үлкен бала болды.

Мына қуыршақты, машинаны

Бөпесіне сыйлайтын болдық.

Балалар ойыншықтарын бөпелеріне береді. Осы арада мектепке бара жатқан 2-сынып оқушылары ортаға келіп қосылады.

Айғаным: Балалар, мектепке бармайсыңдар ма? (….....)

Руслан: Мектеп.Мектеп деген ол не өзі? (…..)

Оның бар ма мұрны, аузы, көзі?

Алсу: Мектеп - ол үлкен орда,

Оқимын дегеннің бәрі сонда.

Диар: Онда не береді?

Менің де барғым келеді.

Айғаным: Жетіге толсаң, ойын қумай бос текке, (….......)

Оқисың, әрине, сен де мектепте.

Риза: Мектептен үйрендің сен нені? (.................)

Көп пе оның сендерге бергені?

Алсу: Мектепте бәріміз білім аламыз,

Жан-жақты дамып өседі санамыз.

Біз секілді ағылшын тілін меңгересің

Айғаным:

Мектепте домбыра қағуды үйренесің,

Үйірмеде билегенде бір ғажайып күйге енесің.

Ән сабағына қатысып ән айтасың,

Интернетке кіріп жаңалықпен қайтасың.

Спорттың неше түрімен шынығасың,

Қарның ашса, асханада сусын ішіп тынығасың.

Алсу: Бүгін 1- қыркүйек білімнің күні,

Сыңғырлайды мектепте қоңырау үні.

Мектебім мінеки, ақ ордам тым асқақ,

Ұстазым, достарым тұр әне қол бұлғап.

Жүріңдер, үңіліп мектептің сырына,

Шығайық біз бірге білімнің шыңына.

I жүргізуші: Қадамыңа гүл бітсін деп ал халқым,

Қол соғып бір қошеметтеп тұр жалпың.

II жүргізуші: Ортаға 1-сыныпқа қадам тастаған бүлдіршіндер келеді,

Жүрек жарды тақпақтарын сіздерге айтып береді.

Хор: «Мектеп-ана».

1-оқушы: Ақмерей Сәлем, саған мектебім,

Алғыстарым көп менің.

Оқу, білім, тәрбие

Ой санама еккенің.

2-оқушы: Руслан Қуаныш бүгін - мереке,

Шуағын шашып тұр әлем.

Мектепке келген алғашқы,

Жан досым, саған мың сәлем.

3-оқушы: Айғаным Бірінші қыркүйек күні мен

Аңқыған жұпар гүлімен

Келіп ем, қарсы алар мектебім

Сүйкімді қоңырау үнімен.

4-оқушы: Диар Биыл мен де мектепке

Біріншіге барамын.

Мақтанбаймын мен текке,

Дайын дәптер, қаламым.

5-оқушы: Айсұлу Мектепке енді барамыз,

Біз оқушы боламыз.

Жақсы оқып сабақты,

Кілең бестік аламыз.

6-оқушы: Ерасыл Алдыңа келіп, ұстазым,

Тұңғыш қалам ұстадым.

Күлімдеген көзіңнен

Мейіріңді сезіндім.

7-оқушы: Риза Отанның біз ұл-қызы,

Халықтың біз жұлдызы.

Оқимыз ақын-жырларын,

Оқимыз еңбек сырларын.

8-оқушы: Шыңтүлек Сылдырлайды, сыңғырлайды

Мектеп жақта қоңырау.

Ұмытпаймыз бұл бір айды,

Гүлге толы омырау.

9-оқушы: Мөлдір Гүл толы қала, дала да,

Гүл толы бүгін омырау.

Шақырып мектеп - анаға,

Соғылмақ тұңғыш қоңырау

10-оқушы: Жантемір Мектебің мынау класың

Осында он жыл тұрасың

Тарыдай болып кіресің

Таудай болып шығасың.

Ән тамашалаңыздар. Айғаным мен Айсұлудың орындауында «Мектебім»