Открытого урока 'Сөз таптары'

Жамбыл облысы, Талас ауданы, Қаратау қаласы

лицейдің бастауыш сынып мұғалімі

Спатаева Индира Жуматаевна

Тақырыбы Сөз таптары.

Сабақтың мақсаты :

Білімділік: Сөз таптары, сөз таптарының түрлері туралы оқушылардың білімдерін, ұғымдарын қайталау, бекіту.

Дамытушылық: Танымдылық тапсырмалар , сұрақтар арқылы оқушылардың дүниетанымын, шығармашылық қабілеттерін байқау, дамыту.

Тәрбиелік: Оқушылардың ана тілін сүюге адамгершілік қасиеттерін қалыптастыру, сөздерді түсініп, үлгі өнеге алу.

Сабақтың түрі: ашық сабақ, қайталау, бекіту.

Әдісі: сұрақ-жауап, өзін-өзі тексеру, ой қозғау, ұжымдық.

Пәнаралық байланыс: математика, ана тілі, дүниетану.

Өтетін орны: лингафон кабинеті.

Сабақтың барысы :

І.Ұйымдастыру кезеңі.

Психологиялық дайындық.

• Бүгін бізде ерекше

Сабақ болып жатыр ғой,

Тәртіп, оқу деңгейін

Ұстаздар көріп отыр ғой.

Ал тәртіпті болайық,

Жақсы оқып әр күнде

Білім керек әркімге.

• Бүгін бізге қонақтар, яғни,мұғалімдер келіп отыр. Ол кісілер сендердің қандай ақылды, білімді, тәртіпті екендеріңді біледі. Сондықтан өзімізді жақсы жақтарымыздан көрсете білейік.

• Ең алдымен мына суреттер арқылы бүгін сабаққа қандай көңіл-күймен келдік екен, біліп алайық.

Үй тапсырмасын пысықтау.

• 474-жаттығуды талдау. Көйлек, мысық, мектеп, күшік сөздерін көпше түрде тәуелденуін 4 оқушыға оқыту. - Тәуелдік жалғауы жалғанғанда оның қай дыбысы өзгерген?

ІІ. Қызығушылығын ояту. «Ой қозғау».

• Балалар, біздің мектепке келгендегі мақсатымыз қандай?

- Дұрыс, мақсатымыз - білім алу, міндетіміз - еңбектену.

- Ендеше, елбасымыз Н.Назарбаев өзінің жолдауында «Қазақстанды дамыған, өркениетті елдермен теңестіріп, бәсекеге барынша қабілетті 50 елдің қатарына ену үшін - біздің келешек ұрпақ, Қазақстанның болашағы білімді ұрпақ болу керек»,- деген. - Осыдан не түсіндіңдер? - Дұрыс, Қазақстанның болашағы сендер болғандықтан, білімді болуларың керек. Яғни, біздің күнделікті сабақтарымыздың ұраны қандай еді? - Дұрыс, «Білімді ұрпақ - ұлт болашағы».

ІІІ. Мағынаны ашу.

• Тақтаға назар аударайық. Білекті бірді жығады, білімді мыңды жығады. (талдау)

• «Ойлан тап» ойыны. Көбейту кестесі бойынша әр өрнектің жауабына байланысты тиісті әріпті қойғанда шығатын сөзді тауып көрейік.

• С _2х8 Ө_5х7 З _3х5 Т _4х7 А _5х5 П _6х3 Р_4х5 Ы _7х3

28

25

18

28

25

20

21

16

35

15

• Тақырыпты атату. - Балалар, сөз таптары деген тақырып бізге жаңалық па?

• Ендеше, сабағымыздың мақсатын анықтап көрейік. (Сөз таптары туралы, олардың түрлері, сұрақтары, сөйлем ішінен таба білу сияқты білімдерімізді еске түсіріп, бекіту.)

• Неше сөз табын білеміз? - Қандай?

НЕГІЗГІ ТУЫНДЫ НЕГІЗГІ ТУЫНДЫ

ЗАТ ЕСІМ СЫН ЕСІМ

СӨЗ ТАПТАРЫ

ЕТІСТІК САН ЕСІМ

ДАРА НЕГІЗГІ БОЛЫМДЫ ЕСЕПТІК РЕТТІК

КҮРДЕЛІ ТУЫНДЫ БОЛЫМСЫЗ

• Тақтаға назар аударайық. Білімдіге дүние жарық, білімсіздің күні қаріп. (талдау)

• Дәптерімізді ашып, бүгінгі күнді жазамыз. 476-ЖАТТЫҒУ. (талдау)

• Оқу - инемен құдық қазғандай демекші, келесі тапсырмамызды тақтада орындаймыз.

• 477-ЖАТТЫҒУ. (оқушылар тақтаға шығады)

• Енді сәл демалып алайық.

Аспанға қарап ай көрдік,

Төменге қарап жер көрдік.

Оңға, солға бұрылып,

Егеменді ел көрдік.

Дәптерімізді ашайық,

Қолға қалам алайық.

Түп-түзу боп отырып,

Көркем етіп жазайық.

ІҮ. Ой толғаныс.

• Тағы да тақтадан білім туралы не айтылғанын оқып алайық.

• - Келесі тапсырма мына тақтадағы суреттерді сипаттап жазу.

- Жақсы, осы сөздер қандай сұрақтарға жауап беріп тұр. Ендеше, қандай сөз табы, сын есім.

- Қына тасқа бітеді, білім басқа бітеді дей келе жұмбақ шешіп көрейік.

Екі ағайынды,

Екеуі де бір үйде,

Бірін-бірі көрмейді. (көз) - сұрақ қою арқылы сан есімді тауып талдау. Есептік, реттік сан есімге мысал келтіру.

Көз сөзіне 5 жолды өлең құрату.

Зат есім көз

Сын есім әдемі, көк, құралай

Етістік көреді

Синоним көру мүшесі

Сөйлем Көз-көру мүшесі. «Көз» сөзінің бірнеше мағына беретініне тоқталу. (бұлақ көзі,яғни бастауы, иненің көзі, адамның көзі)

Ү. Рефлексия.

• Ақыл - тозбайтын тон, білім - азбайтын кен демекші сабағымызды қорытындылай келе мынадай тапсырма орындаймыз.

Р/с

Сөз таптары

Зат есім

Етістік

Сын есім

Сан есім

1

Бесінші

2

Дәптер

3

Қызыл

4

Көңілді

5

Сызғыш

6

Жазды

7

Ән

8

Терезе

9

Айнұр

10

Келді

ҮІ. Үйге тапсырма.

- Өздерің қалаған екі сөз табына байланысты ребус құрап келу.

ҮІІ. Бағалау.

- оқушыларды мадақтап, бағалау. Бір-біріне жылы сөздер жазылған жүрек сыйлау.

Біздер бүгін баламыз,

Оқып білім аламыз.

2030 жылдары

Біз де азамат боламыз деп сабағымызды аяқтаймыз.