Жарыс сабақ. Бәрін білгім келеді. 2 - сынып.

Тақырыбы: Бәрін білгім келеді.

Мақсаты:

а) Білімділік: Оқушының білімге деген құштарлығын арттыру.

ә) Дамытушылар: Олардың ой-өрісін, логикалық қабілетін кеңейтіп, шығармашылық қабілетін дамыту.

б) Тәрбиелік: Алғырлыққа, байқампаздыққа, тапқырлыққа, шапшаңдыққа тәрбиелеу.

Әдісі: Топпен жұмыс

І. Ұйымдастыру бөлімі

- Сайыс бірнеше кезеңнен тұрады

- Оқушылар 2 топқа бөлінеді

1. Топтың аты: Алғырлар

Ұраны: Білімдіге дүние жарық,білімсіздің күні кәріп.

2. Топтың аты: Тапқырлар

Ұраны: Ақыл азбайды,білім тозбайды.

1-кезең: «Бәйге ойыны»

Әртүрлі сұрақтарға жауап беру, әр дұрыс жауапқа 5 ұпайдан қосылады.

1-топ:

1.Сын есім деген не?

2. Қызыл, жасыл, кітап, ұзын, қысқа

3. Қазақтың тұңғыш ғарышкері кім?

4. Аяғын, басады, әрең, құлыншақ

5. Сурет, уақыт, рақмет, етік, тарақ

2-топ:

1. Сан есім деген не?

2. К,т,і,а,п; е,д,н,е; қ,ң,о,ы,а,р,у;

3. ҚР Әнұранының авторлары кім?

4. Құстар, пайда, келтіреді, көп

5. Дәптер, алма, лақ, алмұрт

2-кезең: «Дода»

Негізгі пәндерден деңгейлік сұрақтарға жауап беру. Сұраққа ұяшық таңдау арқылы жауап береміз. 10-50 ұпай көлемінде бағаланады.

1-топ:

1.Үш биді ата

2.Біздің елбасымыз кім?

3. 7 жүзд. 2 онд. 5 бірл.

4. Бірінші қосылғыш-55, қосындының мәні-85.

5. 4 м=? см.

2-топ:

1. Жеті атаны ата

2.Сан есімі бар мақал айту

3. 8 жүзд. 7 онд. 2 бірл.

4. 1 ыдыста 5 алмұрт, 3 ыдыста неше алмұрт бар?

5. Ұя салмайтын құс

3-кезең: «Сөзден сөз шығару»

1-топ: «Кемпірқосақ» сөзінен әртүрлі сөздер шығару.

Мысалы: пір, сақ, кем, ақ ...

2-топ: «Өрмекші» сөзінен әртүрлі сөздер шығару.

Мысалы: өрмек, ешкі, өркеш, екі ...

4-кезең: «Мәре»

Екі топ бір-біріне жұмбақ жасырады

Жеңген топтың және жақсы қатысқан оқушылардың құрметіне/ Көк тудың желбірегені/

Ән тыңдап, жарысымызды аяақтаймыз.