Ашық сабақ 'Өткенді қайталау' (бастауыш)

Озерный орта мектебі

Ашық сабақ:

Өткізген: С.Б.Бельгубаева

2013-2014 оқу жылы

Сабақтың тақырыбы: Өткенді пысықтау.
Сабақтың мақсаттары:
Білімділік: Керуенмен саяхатқа шығу арқылы оқушылардың меңгерген білім деңгейін анықтау.
Дамытушылық: Кестелік көбейту және бөлу, ауызша қосу және азайту амалдарымен байланысты берілген есептерді тез және дұрыс есептеуге дағдыландыру. Таным-белсенділіктерін арттыру, қызығушылықтарын ояту. Өздігінен жұмыс істеуге үйрету.
Тәрбиелік: Қазақ халқының салт-дәстүрлерін оқушылар бойына сіңіру. Халықтық педагогиканы негізге ала отырып, оқушыларды қонақжайлылыққа, адамгершілікке, азаматтыққа тәрбиелеу
Сабақтың түрі: саяхат сабақ.
Пәнаралық байланыс: ана тілі, дүниетану, ән-күй, еңбекке баулу.
Сабақтың әдісі: сұрақ-жауап, баяндау, топтық жұмыс
Сабақтың барысы:
1. Ұйымдастыру кезеңі.
- Қонақ күту - салтымыз,

Оқып-біліп жатырмыз.

Келген қонақ сіздерге,

Сәлем бердік жалпымыз.
(Оқушылар орындарына отырады).

• Балалар, қазір бізде қандай сабақ болады?

• Математика сабағының ұраны қандай еді?

Мақсатымыз-білім алу,

Міндетіміз - еңбектену.

2.Үй тапсырмасын тексеру
- Балалар, бүгінгі математика сабағымыз ерекше түрде өтеді. Біз сендермен бірге саяхатқа шығамыз.
- Қазіргі уақытта саяхатқа немен шығуға болады? (ұшақпен, пойызбен, автобуспен...).
- Ал біздің ата-бабаларымыз бұрынғы кезде түйемен, ат арбамен бір ауылдан екінші ауылға той-думанға барып тұрған. Бүгінгі таңда біз ата-бабаларымыздың дәстүрін, салттарын жалғастырушы ұрпақ болғандықтан, біз де саяхатқа керуенмен шығамыз. (Керуеннің суретін тақтаға ілу).
- Саяхатқа шығуға дайынсыңдар ма?

- Халықта "Қазақ қонақсыз болмайды" деген сөз бар. Ол біздің еліміздің қонақжайлылығын білдіреді. Осы керуенмен біз көптеген балалар ақын-жазушылардың ауылдарына қонаққа барамыз және әр ауыл дайындаған тапсырманы орындауға тырысамыз.

Жолымыз ұлы ақын атымен аталып отырған Абай ауылынан басталады. Жолға шығып, Абай ауылына бет алайық. Абай атамыздың қандай өлеңңің білеміз?
("Білім таппай мақтанба...").
- Өлеңді жатқа кім айтып береді?- Керуен, керуен, көш керуен
Көкшедегі көш керуен.
Ата салтын сақтаған

Қош келдің, көш керуен.

1. тапсырманы орындау
   - Абай ауылына келіп жеттік. Абай ауылының тұрғындары бізге арналған тапсырманы қоржынға жасырып қойыпты.
   Қоржын ішінде сандар. Бұл сандар өз орнын табу керек.
   Тақтада:

2. 
   *5=15 :6=2 56:7= 5*7=

*5=35 42:6= :7=8 *7=49

6 *5= :6 =5 35:7= *7=63

*5=25 36:6 = :7=7 9*7=

(Оқушылар кезекпен шығып әйнекшелерді толтырады.

- Ауыл ақсақалдары жауаптарыңа риза, сендерге өз сәлемдемелерін жолдады. (Оқушыларға дұрыс жауап үшін жұлдызшалар тарату).

- Даланың жарық жұлдызы - Ыбырай ауылына бет алайық. Ыбырай аталарыңның қандай өлеңдерін білесіңдер?
("Кел, балалар, оқылық...").
- Кім жатқа айтып береді?
2. тапсырма. Баған түрінде есепте.

257+478=735 608-299=309

369+409= 778 880-791=89
- Ыбырай ауылындағы тұрғындары сендерге риза.

• Керуеніміз Бердібек ауылына қарай бет алды.

• Бердібек аталарыңның қандай өлеңдерін білесіңдер?

3. тапсырма. Өзара байланысты сандармен теңдіктер құрастыр.

- Керуеніміз Мұқағали атамыздың ауылына қарай бет алды. Мұқағали атамыздың көптеген өлеңдерің білеміз.

- Балалар, ұзақ жолдан шаршадыңдар

Демалып, бойымызды жазып алайық.

Сергіту сәті:

Мектебім - мынау классын

Осында он жыл тұрасың.

Тарыдай болып кіресін,

Таудай болып шығасың.

Мұқағали ауылында той-томалақ қызып жатыр. Біз де тыс қалып қоймайық. Бір сайысқа қатыса кетейік.

• Қазақ халқының қандай ұлттық тағамдарын білесіңдер?( бесбармақ, қуырдақ, айран, бауырсақ, ірімшік т.б.)

• Осы ауылдың әжелері бізге тапсырмаларын дайындапты, орындаймыз ба?

4 тапсырма. Бүтін ірімшіктің массасын табайық.(Ауызша)
Керуеніміз Мұзафар атамыздың ауылына қарай бет алды.

- Осы ауылдың балалары сендерге жұмбақтар дайындапты.

Көкала костюм киеді

Күннің көзін сүйеді

(қарбыз)

Ортасында шегесі

Жіп-жіңішке денесі (карындаш)

Бұдан кір қорқады

Судан бұл қорқады (сабын)

Аузы бар, ішіп-жемейді

Алайда жұртқа «же» дейді

(қасық)

Мұзафар ауылының тұрғындары бізге геометриялық фигуралар туралы тапсырмалар дайындапты.
Тақтада: кесінді, нүкте, үшбұрыш, тік төртбұрыш, бесбұрышты, жетібұрышты көпбұрыштар бейнеленген.
Геометриялық фигураларды көрсетіп бұрыштар санын анықтау.
- Қазақ халқында 3, 4, 5, 7 сандары қасиетті, киелі деп саналады. Неліктен?
Оқушылардың жауаптары:

3 - үш жүз, 3 - үш би, ...
4 - төрт түлік мал,...
5 - бес асыл, бес дұшпан, бес қару,...
7 - жеті күн, жеті ата,...
- Қазір сендермен 5 тапсырманы орындаймыз.
- Бұл ауылдың тапсырмасын да орындадық. Ауыл тұрғындары сендерге риза.

- Керуеніміз Мырза Әли ауылына қарай бет алды.

6 тапсырма. Сөзді есеп шығару.
- Шөлдедік, сусағанымызды осы ауылда барып басайық. Қазақ халқының қандай сусындарын білесіңдер?
(қымыз, шұбат, айран, шалап...)

- Енді сөз есеп шығарайық.

Өрік - 6 кг-нан 5 жәшік

Шабдалы - 3 кг-нан 8 жәшік

Барлығы - ?
Шешуі:

6*5=30 (кг)

3*8=24 (кг)

30+24=54 (кг)

Жауабы: барлығы 54 килограмм.

Қазақ халқының қандай ұлттық ойындарын білесіңдер?
( тоғызқұмалақ, асық, теңге алу, қыз куу...)

Өз ауылымызға жақындадық. Мағжан ауылында да той-томалақ қызып жатыр. Біз де тыс қалып қоймайық. Бір сайысқа қатыса кетейік.
"Қыз қуу" ойынына қатысамыз. Ұл бала мен қыз бала жарысады.

Теңдеулер шешу:

"Білікті бірді жығар, білімді мыңды жығар" дегендей, біз барлық ауыл тұрғындарының дайындаған тапсырмаларын орындадық. Әрине, ол білімнің арқасы.

Ұй жұмысы жазып алайық

Қорытынды.
Тапсырмаларды орындау үшін не білу керек болды?
(Көбейту кестесі, геометриялық фигуралар туралы білім, теңдеу шешу тәсілдері, периметрді, ауданды, көлемді табу тәсілдері,...).
Оқушылардың жауаптарын түйіндеу.
Бағалау: Ал енді ауылдар тұрғындары кімнің біліміне өте риза болғанын анықтайық.
Жұлдызшалар жинаған бала 5 алады.
Шаршылар жинаған бала 4 алады.
Үшбұрыштар алған бала 3 алады.
- Осымен өз ауылымызға келіп жеттік.
"Туған жердей жер болмас, туған елдей ел болмас" дегендей, өз ауылымыз бізді құшақ жая қарсы алды. Саяхатымыз ұнады ма?
Осымен сабағымыз аяқталды. Сау болыңыздар