Сан есім 4 сынып

</ Күні:05.03.16 ж.

Сабақтың тақырыбы: Сан есім. Дара және күрделі сан есім.

Білімділік: сан есім туралы алған білімдерін толықтыру, пысықтау.

Дамытушылық: оқушылардың ой-өрісін,танымдық қабілеттерін, сөйлеу мәдениетін дамыту.

Тәрбиелік: оқушыларды ұйымшылдыққа, адамгершілікке, тапқырлыққа тәрбиелеу.

Сабақтың көрнекілігі: тақырыптық суреттер.

Сабақтың әдіс-тәсілдері: Сұрақ-жауап, түсіндіру, ойын.

Жаңа сабақ

І.Ұйымдастыру бөлімі.

Оқушылар назарын сабаққа аудару.

Психологиялық дайындық.

Мен оқушы баламын,

Оқу ,білім аламын.

Септік түрін игеріп,

Сабақта белсенді боламын.

Ендеше,отырыңдар.

Әр ісімізге мұқият болайық.

ІІ.Үй тапсырмасын тексеру

-Алдыңғы сабақта қандай тақырып өттік?

-Сын есім дегеніміз не?

-Туынды, негізгі сын есім дегеніміз не?

-Қарсы мәндес сын есім дегеніміз не?

-Дара және күрделі сын есім дегеніміз не?

-Жарайсыңдар балалар!!!

ІІІ. Жаңа сабақ.

Коллиграфиялық жазу.

Щщ щетка

Щеткамен тіс тазалайды.

10-жаттығу.Мақалды оқып,жатқа жаз.Сан есімдерді тап.Мақалдың мәндерін түсіндір.

Білгенің - бір тоғыз, білмегенің- тоқсан тоғыз.

11-жаттығу.Сөйлемдердегі сан есімдерді сөзге айналдырып көшіріп жаз.Сан есімнің қай сөзбен байланысып тұрғанын сызба арқылы көрсет.

Кенен- айтыс ақыны.Ол 16 жасынан-ақ белгілі ақындармен айтысқа түскен.Жер бетіндегі ең терең көл- Байкал көлі. Оның тереңдігі 1637 метрден асады. Құлан сағатына 70 километр жылдамдықпен жүгіре алады. Қазақстанда теректің 18 түрі өсіріледі.

12-жаттығу. Жаңылтпашты оқып, жатқа жаз.Сан есімдердің астын сыз, олардың дара немесе күрделі екенін айт.Жаңылтпаштың астындағы сұраққа жауап бер.

Жүз қырық үш қызғыш құсқа

Жүз қырық үш қызғыш құс қосса,

Қанша қызғыш құс болады?

13-жаттығу. Сан есімдерді бір бөлек, сын есімдерді бір бөлек топтастыр. Бұлардың бір-біріне ұқсастығы мен өзгешелігін айт.

Жасыл, адам, екі, үшінші, дәмді, кең, ұшты, жүз жеті, биік, жүзді, көңілді, жеті, сексен алты, терек.

14-жаттығу. Салыстыр. Айырмашылығы мен ұқсастығын көрсетіп жаз.

Заттың қимылын білдіретін сөздер. Заттың санын білдіретін сөздер

15-жаттығу.Мәтінді түсініп оқы.Сан есімдері бар сөйлемдерді көшіріп жаз. Сан есімдердің астын сыз. Олардың дара немесе күрделі екенін айт.

Қажымұқан Мұңайтпасов-әлемге танымал болған тұңғыш қазақ палуаны. Ол өзінің спорттық жолын Петербургте бастады. Қажымұқан Франция, Германия, Бельгия, Түркия, Америка сияқты ірі мемлекеттерде өткен белдесулерде жеңіске жетті. Ол барлығы 26 мемлекетте болды. Осы сындарда Қажымұқан 48 алтын, күміс және қола медельдарға ие болған.

1927 жылы оған «Қазақ даласының батыры» атағы берілді.

( «Палуан» кітабынан)

16-жаттығу. Сызбаға қарап, сан есім туралы білетініңді жинақта.

Мағынасы

Сұрақтары

Есептік

Реттік

Дара

Күрделі

IV. Қорытынды. Сонымен балалар, сан есім дегеніміз не?

- Дара сан есім дегеніміз не?

- Күрделі сан есім дегеніміз не?

VІІ.Үйге тапсырма. 17-жаттығу 175 бет.

VІІІ. Бағалау. Сабаққа белсене қатысқан оқушыларды бағалау.

Баға:

Мұғалім: