Поурочный план по начальным классам на тему Табиғатқа құштармын

Сабақ жоспар

Сынып:1

Пәні:Өзін-өзі тану

Тақырыбы:Табиғатқа құштармын.

Мақсаттары:

а)Білімділік: «Табиғат» ұғымының адамгершілік құндылығы ретінде мәнін ашу. «Табиғат» ұғымы туралы түсініктерін кеңейту.

ә)Дамытушылық: балалардың табиғатқа аялы қарым-қатынастарын дамыту;

б)Тәрбиелік: Табиғатты сүюге тәрбиелеу.

Көрнекілік құралдар: слайд, оқулық, суреттер, үнтаспа.р/с

Кезеңдері

Мұғалімнің іс-әрекеті

Оқушының іс-әрекеті

1

Ұйымдастыру

Оқушылардың зейінін сабаққа аудару. Балалар қазір біз үлкен,әдемі шеңбер құрып тұрайықшы.Керемет! Біз сендермен сабағымызды амандасудан бастаймыз!Қазір мен өлең жолдарын айтам ал сендер менің соңымнан қайталап айтасыңдар!

Армысың, шапағатты күніміз!

Армысың, мейірімді жеріміз!

Армысың, табиғат-анамыз,

Келді сізге өзіңіздің балаңыз.

Армысың жарқыраған күн!

Армысың көгілдір аспан!

Армысың қонақтар,

Армысыңдар достарым!

Сендерді көрсем қуанам!

Қол жоғары

Төмен

Қол кеудеде

Төбеге

Жоғары

Қолмен көрсетіп иілу.

2.

Мәтінмен жұмыс

Балалар біз бүгін жаңа тарауды бастаймыз. Соның ішіндегі ең бірінші тақырыбымыз «Табиғатқа құштармын» тақырыбы. Мақсаты:. Тақырыбымызды ашу үшін «Табиғат деген не?» мәтінінен бастаймыз. 101 бетті ашамыз, мені мұқият тыңдаймыз.

-Мәтін не туралы?

• Неліктен табиғатты Анаға теңейміз?

• Сендер табиғат дегенді қалай түсінесіңдер?

• Табиғатқа нелер жатады?

Жақсы, сонымен табиғатқа: өсімдік, жануар, адам, таулар, сулар, құстар жатады екен.

Балалардың жауаптары тыңдалады.

3

Ойын-жаттығу

-Бүгін бізге қонақ келіп тұр. Мен оның кім екенін жасырып көрейін, сендер оны шешуге тырысыңдар:

-Ол өте әдемі,

-Гүлдерді жақсы көреді;

-Ол әдемі алқаптарда ұшып жүреді.

-Иә бұл әдемі көбелек. Ендеше, көбелек қонағымызға қошемет көрсетіп, гүлді алқап жасайық. (оқушыларға әр түрлі гүлдер таратып беру) -Табиғаттағы неге ұқсағыларың келеді?

Балалар өз жауаптарын жазып гүлдерді тақтаға іледі. Барлық балалар гүлін жапсырып біткенде көбелекті қондыру.

4

Тыныштық сәті

-Балалар, ыңғайланып отырып терең тыныс алыңдар. Бізге қонаққа келген көбелек қанатын жазғанда алып көбелекке айналып кетті. Ол бізді қанатына отырғызып, ұшып барады. Гүлдер алқабына келгенде бізді қанатынан түсірді. Енді жан-жақтарыңа қарағандай болыңдар. Гүл алқабының жанында мөлдір, таза су ағып жатыр. Судан ары төбесі аспан тіреген биік таулар, жарқыраған күн. Әуелеп ұшып жүрген әсем құстар. Неткен әдемі табиғат! Табиғат сыйлаған таза ауаны жұтамыз, ол бойымызды сергітіп жіберді. Алып көбелек бізді қайтадан өзінің қанатына отырғызып, сыныпқа алып келді. Көбелек қоштасарда әрбіріміздің құлағымызға «Табиғат сендерге таза ауа, жұпар иіс, жақсы көңіл-күй, жақсы өмір сыйлады. Табиғатты күтіп, баптаңдар, аялаңдар» - деп сыбырлады. Әрбіріміз көбелекке «табиғатты аялаймыз» деп, іштей уәде бердік.Ол біздің көбелекпен арадағы сырымыз болсын. «Ешкім естіп қоймады ма?» дегендей, біз бұрынғы қалпымызға келіп, жан-жағымызға қараймыз.

5

Шығармашылық тапсырма

Суреттерді пайдаланып, сөйлемді аяқтап айтыңдар.

Егер мен тау болсам, ...

Егер мен күн болсам, ...

Егер мен су болсам,...

Егер мен құс болсам,...

Егер мен елік болсам, ...

6

Сергіту сәті

Қатар,қатар тұрайық

Оңға,оңға түзу тұр

Солға,солға түзу тұр

Алға қарай бір адым,

Артқа қарай бір адым

Жоғары-төмен қарайық,

Орнымызды табайық.

7

Жағдаяттарды талдау

-Табиғат аясында жиі боласыңдар ма?

-Табиғаттан қандай әсер алдыңдар?

8

9

Қорытынды

Рефлексия

Балалар, табиғатқа тамсанып бір қараңдаршы: алуан түрлі сурет салып қойғандай. Осы алуан түсті көріністен ағаш та, шөп те, гүл де, өзен-көл де, тау мен тас та мұндалап тұқғандай. Бұлардың бәрі «табиғат» деп аталады. Осы дүниенің ішінде сен де барсың. Табиғат қандай әсем де сұлу болса, біз де сондай әсем де сұлумыз. Осындай сұлу дүниені жаратқан-табиғат-ана.

-Не өттік?

-Не ұнады?

-Не үйрендік?

10

Жүректен жүрекке

Оқушыларға қима қағаздар таратылып беріледі, сол қима қағаздардағы суреттерге келістіріп бір-біріне тілек айтады.