Ашық сабақ: Өзара кері амалдар

БҚО. Бөрлі ауданы. Ақсай қаласы. №5 ЖОББМ

Кенжегарина Тыныштық Ермековна.

Математика. 1 сынып

Сабақтың тақырыбы: Өзара кері амалдар. (ашық сабақ)

Сабақтың мақсаты:

а) Оқушыларды сандар қатарымен таныстыра отырып бір және екі таңбалы сандармен таныстыру.

б) Оқушылардың есте сақтау, ойлау қабілеттерін, білім деңгейін дамыту.

в) Сабаққа қызығушылығын, белсенділігін, өз бетінше жұмыс жасау қабілетін арттыру.

Сабақтың көрнекілігі: Топтамалар, суреттер, сызбалар.

Сабақ барысы: І. Ұйымдастыру.

Оқушылардың назарын сабаққа аудару, оқу құралдарын түгендеу.

ІІ. Психологиялық дайындық.

Есептеуге жүйрік болсаң жасыңнан,

Математикалық орын берсең басыңнан.

Барлық ғылым саған үйір болады,

Досың солар табылатын қасыңнан, - дегендей, қазір бізде математика сабағы. Ал, математика сабағына дайын болу үшін біз не айтушы едік ?

- Есептеуді білмейтін адам, түк білмейтін надан...

- Дұрыс, балалар, бүгінгі сабақ ерекше сабақ болғалы тұр, өйткені бізге көптеген қонақтар келіп отыр.

Келгенше қонақ ұялады.

Келген соң үй иесі ұялады, - дегендей, біз ұятқа қалмайық.

ІІІ. Негізгі бөлімі.

- Балалар, 16 - желтоқсан қандай мереке екендігін білесіңдер ме ?

- Тәуелсіздік күні.

- Дұрыс, еліміздің егемендік алған ерекше мерекесі екендігін жақсы біледі екенсіңдер.

- Олай болса, сол мерекеде Астана қаласындағы түрлі іс- шаралар, ойын -сауықтар ұйымдастырылады, соған көптеген аңдар да барып ортақтасқысы келеді. Міне, мына поезд сол Астана қаласына барғалы тұр екен, барлық аңдар вагондарға отырып алған сияқты, бірақ сонда да абыр- сабыр болып жатыр неге екендігін қазір естіп көрейік.

Түлкінің даусымен :

Бұл не деген жағдай, біз өзіміз нешінші вагонда отырмыз, достарымның қайсысы нешінші вагонда екендігін білмей әбден састық қой. Астанаға барғанда адасып кететін шығармын, қоян досым қайдасың, вагондарымыздың санын анықтап беретін адамдар бар ма?

-Қалай балалар, көмектесеміз бе? Шынында өз вагоныңның санын білмеген қиын ғой. Олай болса, түлкіге көмектесу үшін көптеген тапсырмаларды орындауымыз керек. Әр вагонда әртүрлі тапсырмалар бар екен.

І. Түлкінің тапсырмасы.

1. Тура, кері санау.

2. Сандар құрамын қайталау. 8, 9, 10.

Міне, балалар түлкіге өз вагонының ретін тауып бердік. Ол 1 - вагонда екен.

ІІ. Келесі аюдың тапсырмасы.

«Қалт етпей қағып ал, жауабын тауып ал»

Қосудың компоненттерін ата.

Азайтудың компоненттерін ата.

Қосуды не арқылы тексереміз?

Азайтуды не арқылы тексереміз ?

Міне, аюдың да вагонының ретін тауып бердік. Ол 2 - вагонда екен.

ІІІ. Қасқырдың тапсырмасы.

Ойын: « Қандай сандар жетпейді ? »

Кіші көршім оң жақта,

Үлкен көршім сол жақта,

Тұрушы еді қасымда,

Қайда кеткен жан - жаққа ?

5, 7, 8, 10, 2, 3, 5.

Міне, қасқырдың да вагонының ретін тауып бердік. Ол 3 - вагонда екен.

ІҮ. Арыстанның тапсырмасы.

Математикалық диктант.

4- пен 3-тің қосындысынан 2- ні азайт.

8- ге 7 мен 6- ның айырмасын қос.

2 -мен 5 - тің қосындысынан 5- ті азайт.

9- ға 3 -пен 4 - тің айырмасын қос.

Міне, арыстанның да вагонының ретін тауып бердік. Ол 4 - вагонда екен.

Ү. Тиіннің тапсырмасы:

6. Суреттер қандай фигуралардан құрастырылған ?

Тиіннің де вагонын тауып бердік. Ол 5 - вагонда екен.

ҮІ. Керіктің тапсырмасы:

Фигураларды ата.

Керіктің де вагонын тауып бердік. Ол 6 - вагонда екен

Сергіту сәті. « Ұзын құлақ сұр қоян »

ҮІ. Қоянның тапсырмасы: Оқулықпен жұмыс.

№ 1. Теңдіктер құрастыр.

№ 2. 5қоңызды 3 жапыраққа қалай орналастыру керек ?

№ 3. + мен - ды орындау.

№ 4. Жұлдызқұрттардағы тапсырманы орындау.

3+2-4+3= 4

5-3+1+2= 5

ҮІІ. Дәптермен жұмыс.

Дәптердегі тапсырмаларды орындату.

№ 5. Жазылмаған сандарды ата.

5=3+2 5 > 5-4 4-3=1

5=1+4 2+2 < 5 4-1 > 2

№6. Кел, ойнайық.

Сенің қоршауыңда доп бар ма ?

Сенің қоршауыңның ішінде көк дөңгелек бар ма ?

Сенің қоршауыңның ішінде көк үшбұрыш бар ма ?

Сенің қоршауыңда қызыл қарындаш бар ма ?

ҮІІІ. Логикалық тапсырма.

• Алма бағы жайнаған.

Қызыл алма жайнаған.

Алдым үзіп бесеуін

Тағы алдым екеуін.

• Төрт қаз ұшып барады,

Биіктен төмен қарады.

Биіктен төмен қарады..

Аяқ нешеу, бас нешеу ?

• Бір бірімен жарысқан,

Төрт аю екі арыстан,

Екі қоян, бір түлкі,

Бәрі нешеу ойлан сен ?

• Тал басында тізіліп

Он жапырақ тұр еді.

Жел соқты да үзіліп

Ұшып кетті біреуі.

• Ізінше оның жұлынып,

Түсті тағы бесеуі,

Тұр әлі де ілініп

Жапырақтың нешеуі ?

ІХ. Қорытынды.

Сабаққа белсенді қатысқан оқушыларды марапаттап, сыйлықтар беру, сабақты қорытындылап аяқтау.